រាជធានីភ្នំពេញ ៖ ជនសង្ស័យ៥នាក់បានត្រូវអស់លក្ខណ៍ ខណៈជិះម៉ូតូចំនួន៣គ្រឿងដេញតាមវាយនិងធាក់យុវជន២នាក់ ប៉ុនប៉ងប្លន់យកម៉ូតូ១គ្រឿង ពេលយុវជនរងគ្រោះកំពុងជិះម៉ូតូឌុបគ្នាចេញពីមើលល្ខោនត្រឡប់ទៅផ្ទះ ។ ប៉ុន្តែសកម្មភាពនេះ មិនបានសម្រេចទេ ដោយសារតែជនរងគ្រោះស្រែកថា…
រាជធានីភ្នំពេញ ៖ ជនសង្ស័យ៥នាក់បានត្រូវអស់លក្ខណ៍ ខណៈជិះម៉ូតូចំនួន៣គ្រឿងដេញតាមវាយនិង
ធាក់យុវជន២នាក់ ប៉ុនប៉ងប្លន់យកម៉ូតូ១គ្រឿង ពេលយុវជនរងគ្រោះកំពុងជិះម៉ូតូឌុបគ្នាចេញពីមើលល្ខោនត្រឡប់ទៅផ្ទះ ។ ប៉ុន្តែសកម្មភាពនេះ មិនបានសម្រេចទេ ដោយសារតែជនរងគ្រោះស្រែកថា «ចោរៗ»បង្កឲ្យមានការភ្ញាក់ផ្អើលតាមដងផ្លូវទាំងយប់ ។ ស្របពេលនោះ កម្លាំងនគរបាលប៉ុស្តិ៍ក្រាំងពង្រនិងនគរបាលខណ្ឌដង្កោដែលកំពុងល្បាត ធ្វើការឡោមព័ទ្ធចាប់ខ្លួនបានភ្លាមៗទាំង៥នាក់តែម្ដង ។
ហេតុការណ៍នេះ កើតឡើងកាលពីវេលាម៉ោង១ និង៣០នាទីរំលងអធ្រាត្រឈានចូលថ្ងៃទី១៧ ខែកុម្ភៈ នៅតាមផ្លូវជាតិលេខ៣ត្រង់ចំណុចមុខសួនឧស្សាហកម្មវឌ្ឍនៈ២ ស្ថិតក្នុងភូមិទឹកថ្លា សង្កាត់ក្រាំងពង្រខណ្ឌដង្កោ ។ ជនសង្ស័យដែលត្រូវបានឃាត់ខ្លួនទាំង៥នាក់នេះមាន ៖ ១-ឈ្មោះ ស្រេង ថុនា ហៅគុជ អាយុ
២០ឆ្នាំ ជាជាងជួសជុលរថយន្ត មានទីលំនៅក្នុងភូមិទួលសំបូរ សង្កាត់ព្រៃវែង ខណ្ឌដង្កោ ២-ឈ្មោះ ឃុន សៀកម៉ី អាយុ១៩ឆ្នាំ មុខរបរមិនពិតប្រាកដ មានទីលំនៅក្នុងភូមិប្រទះឡាង សង្កាត់ប្រទះឡាង ខណ្ឌដង្កោ ៣-ឈ្មោះ អឿង ឈុនលី អាយុ២៨ឆ្នាំមុខរបរមិនពិតប្រាកដ មានទីលំនៅក្នុងភូមិទឹកថ្លា សង្កាត់ក្រាំងពង្រ ខណ្ឌដង្កោ ៤-ឈ្មោះ អឿង វីរៈ ហៅចយ អាយុ២៤ឆ្នាំ ជាកម្មកររោងចក្រ មានទីលំនៅក្នុងភូមិទឹក ថ្លា សង្កាត់ក្រាំងពង្រ និង៥-ឈ្មោះ សុំ ពិសិដ្ឋ ហៅឈីត អាយុ២៨ឆ្នាំ មុខរបរមិនពិតប្រាកដ មានទីលំនៅក្នុងភូមិទឹកថ្លា សង្កាត់ក្រាំងពង្រ ។
ចំណែកយុវជនរងគ្រោះ ទាំង២នាក់ ម្នាក់ឈ្មោះឆិល ឆេង អាយុ១៩ឆ្នាំ ជាម្ចាស់ម៉ូតូ ហុងដាឌ្រីមសេ១២៥ ពណ៌ខ្មៅ ស៊េរីឆ្នាំ២០១៤ ពាក់ផ្លាកលេខ ភ្នំពេញ ១DH-២៤៤៨ ដែលចោរប្លន់យកមិនបានសម្រេច និងម្នាក់ទៀតឈ្មោះ សំ សម្បត្តិ ភេទប្រុស អាយុ២២ឆ្នាំ ជាជាងជួសជុលម៉ូតូ ។ អ្នកទាំង២នាក់ មានទីលំនៅក្នុងភូមិក្រាំងទ្រា ឃុំព្រះនិព្វាន ស្រុកគងពិសី ខេត្តកំពង់ស្ពឺ ។
តាមប្រភពព័ត៌មានឲ្យដឹងថា មុនពេលកើតហេតុ យុវជនរងគ្រោះទាំ២នាក់ជិះម៉ូតូឌុបគ្នាចេញមកពីមើលល្ខោននៅភូមិទឹកថ្លា សង្កាត់ក្រាំងពង្រ ខណ្ឌដង្កោ ដោយធ្វើដំណើរតាមផ្លូវជាតិលេខ៣ ក្នុងទិសដៅពីខាងត្បូងទៅខាងជើង ។ លុះទៅដល់ចំណុចខាងលើ ស្រាប់តែជនសង្ស័យទាំង៥នាក់នោះ ជិះម៉ូតូន៣គ្រឿងដេញតាមធាក់ និងយកខ្សែក្រវាត់វាយប្លន់យកម៉ូតូ ។ ខណៈនោះ ជនរងគ្រោះបានស្រែកថា ចោរៗបង្កឱ្យមានការភ្ញាក់ផ្អើលឡើង ហើយកម្លាំងនគរបាលប៉ុស្តិ៍ក្រាំងពង្រនិងនគរបាលខណ្ឌដង្កោ ក្រោមការដឹកនាំបញ្ជាដោយលោកវរសេនីយ៍ ឯក ជឹម សុីថា អធិការនគរបាលខណ្ឌ ដែលកំពុងល្បាតតាមផ្លូវនោះ ធ្វើការឡោមព័ទ្ធចាប់ខ្លួនបានភ្លាមៗទាំង៥នាក់តែម្ដង ។
ប្រភពដដែលបន្តថា ក្រោយពេលចាប់ខ្លួនសមត្ថកិច្ចបានធ្វើការដកហូតម៉ូតូដែលជនសង្ស័យជិះធ្វើសកម្មភាពរួមមាន ហុងដាឌ្រីមសេ១២៥ពណ៌ខ្មៅ ស៊េរីឆ្នាំ២០១៩ ពាក់ផ្លាកលេខ ភ្នំពេញ១GZ-៦២៦០ លេខតូនិងលេខម៉ាស៊ីន៥២៥៥៤៥៩ហុងដាឌ្រីមសេ១២៥ ពណ៌ខ្មៅ ស៊េរីឆ្នាំ២០១៨ពាក់ផ្លាកលេខ ភ្នំពេញ ១HL-៣៣៦១ លេខតូនិងលេខម៉ាស៊ីន៥៤២៥៥៣៣ និងម៉ាកហ្សូ៊ម័រអុិច ពណ៌ឈាមជ្រូកលាយស ស៊េរីឆ្នាំ២០១៧ ពាក់ផ្លាកលេខ ភ្នំពេញ ១DH-៦៨៣៤ លេខតួនិងលេខម៉ាស៊ីន៥១១៧០៤៦ ។ជនសង្ស័យរួម
នឹងវត្ថុតាង ត្រូវបានបញ្ជូនទៅកាន់អធិកាេដ្ឋាននគរបាលខណ្ឌដង្កោ ដើម្បីសាកសួរនិងកសាងសំណុំរឿងចាត់ការតាមច្បាប់ ៕
ចែករំលែកព័តមាននេះ