រាជធានីភ្នំពេញ ៖ សេចក្តីរាយការណ៍ឱ្យដឹងថា ម៉ូតូចំនួន៩គ្រឿងដែលទុកនៅមុខបន្ទប់ផ្ទះជួលមួយកន្លែង ត្រូវក្រុមចោរហារយមួយក្រុមធំ ចូលធ្វើសកម្មភាពកាត់សោររបងផ្ទះ ហើយចូលទៅកាច់.កយកម៉ូតូអស់៩គ្រឿងបានសម្រេចដោយសុវត្ថិភាព ហើយបង្កការភ្ញាក់ផ្អើលនៅវេលាម៉ោង៥ព្រឹកថ្ងៃទី១៨ កុម្ភៈ ស្ថិតនៅចំណុចបន្ទប់ផ្ទះជួលមួយល្វែង…
រាជធានីភ្នំពេញ ៖ សេចក្តីរាយការណ៍ឱ្យដឹងថា ម៉ូតូចំនួន៩គ្រឿងដែលទុកនៅមុខបន្ទប់ផ្ទះជួលមួយកន្លែង ត្រូវក្រុមចោរហារយមួយក្រុមធំ ចូលធ្វើសកម្មភាពកាត់សោររបងផ្ទះ ហើយចូលទៅកាច់.កយកម៉ូតូអស់៩គ្រឿងបានសម្រេចដោយសុវត្ថិភាព ហើយបង្កការភ្ញាក់ផ្អើលនៅវេលាម៉ោង៥ព្រឹកថ្ងៃទី១៨ កុម្ភៈ ស្ថិតនៅចំណុចបន្ទប់ផ្ទះជួលមួយល្វែង តាមបណ្តោយផ្លូវវេងស្រេង ក្បែរស្តុបលូ៥ក្នុងភូមិដំណាក់ធំ៣ សង្កាត់ស្ទឹងមានជ័យ៣ ខណ្ឌមានជ័យ ។
តាមប្រភពពីពលរដ្ឋជាជនរងគ្រេោះម្ចាស់ម៉ូតូបានឱ្យដឹងថា នៅចំណុចបន្ទប់ផ្ទះជួលរបស់ពួកគេ គឺពំុមានទីតាំងសមប្រកបទូលាយល្អ សម្រាប់ចតម៉ូតូឡើយ ដោយមានច្រកតូចប៉ុណ្ណេាះ ។ ហើយជារៀងរាល់យប់ពួកគាត់តែងដាក់ម៉ូតូចតតម្រៀបគ្នាជាជួរ ដោយចាក់សោ.កម៉ូតូ រួមជាមួយចាក់សោជន្ទល់ម៉ូតូត្រឹមត្រូវផងដែរ ដើម្បីសុវត្ថិភាព ។ លើសពីនេះ នៅរបងបន្ទប់ផ្ទះជួល ក៏មានចាក់សោរទ្វារមួយតង់ទៀតផងដែរ ។
ប្រភពបន្តថា នៅវេលាយប់កើតហេតុ គឺក្រុមអ្នកជួលបន្ទប់ខាងលើ តែងនាំគ្នាទុកម៉ូតូដោយចាក់សោត្រឹមត្រូវដូចរាល់ដង ហើយក៏នាំគ្នាចូលសម្រាកក្នុងបន្ទប់រៀងៗខ្លួន ។ លុះព្រឹកឡើងម៉ោង៥ព្រឹក មានបុរសជាអ្នករស់នៅបន្ទប់ជួលខាងលើក្រោកឡើងមកដើម្បីចេញទៅខាងក្រៅ ស្រាប់តែមិនឃើញម៉ូតូរបស់ខ្លួន រួមទាំងម៉ូតូជាច្រើន ដែលធ្លាប់តែទុកតម្រាបជួរគ្នាក៏ត្រូវបាត់ ក៏ស្រែកឆោឡោឡើង បង្កការភ្ញាក់ផ្អើលដល់អ្នកជួលបន្ទប់ក្បែរនោះទាំងអស់នាំគ្នារត់ចេញទៅមើល ទើបដឹងថា មានក្រុមចោរកាត់សោរទ្វាររបង ចូលធ្វើសកម្មភាពកាច់.ក យកម៉ូតូអស់៩គ្រឿង ។
ភ្លាមៗបន្ទាប់ពីដឹងថា មានក្រុមចោរកាត់សោចូលយកម៉ូតូហើយនោះ ក្រុមអ្នករស់នៅបន្ទប់ជួលខាងលើ ក៏នាំគ្នារត់ទៅប្តឹងសមត្ថកិច្ចមូលដ្ឋាន ដើម្បីសំុកិច្ចអន្តរាគមន៍ ។ ជាក់ស្តែងកម្លាំងនគរបាលមូលដ្ឋាន បានចុះមកពិនិត្យដល់កន្លែងកើតហេតុ ប៉ុន្តែបានត្រឹមតែសាកសួរនាំព័ត៌មានតែប៉ុណ្ណេាះ ខណៈម៉ូតូត្រូវក្រុមចោរយកទៅអស់គ្មានសល់ ។ យ៉ាងណាមិញ បច្ចុប្បន្ន ជនរងគ្រេាះដែលជាម្ចាស់ម៉ូតូទាំង៩គ្រឿង បានទៅដាក់ពាក្យបណ្តឹងនៅប៉ុស្តិ៍រដ្ឋបាលនគរបាលស្ទឹងមានជ័យអស់ហើយដែរ ។
គួរបញ្ជាក់ទៀតថា ម៉ូតូទាំង៩គ្រឿង ក្នុងនោះ៨គ្រឿងជាម៉ូតូហុងដាឌ្រីមសេ១២៥ សុទ្ធសឹងតែស៊េរីឆ្នាំ២០១៥ ដល់២០១៩ និងមួយគ្រឿងទៀត ម៉ាកស៊ុយស៊ីគីឡេត ។
ការកាត់សោរបងចូលលួចម៉ូតូដ៏សាហាវខាងលើនេះ ធ្វើឡើងបន្ទាប់ពីមានការផ្លាស់ប្តូរតំណែងអធិការខណ្ឌមានជ័យថ្មី ទើបតែបាន៤ថ្ងៃប៉ុណ្ណោះ ។ ពលរដ្ឋរង់ចាំមើលថា តើលោកម៉េង វិមានតារា ជាអធិការនគរបាលខណ្ឌមានជ័យថ្មី អាចមានសមត្ថភាពក្នុងការតាមប្រមាញ់ក្រុមចោរបានដែរឬអត់? ព្រោះជនរងគ្រោះដែលជាម្ចាស់ម៉ូតូបាត់ទាំង៩គ្រឿងនោះ គឺសុទ្ធសឹងតែជាកម្មករ ហើយខ្លះទៀត ត្រូវបានដឹងថា គឺខ្ចីលុយគេមកទិញម៉ូតូ កំពុងសងបំណុលគេមិនទាន់អស់ទៀតផង ។
ចែករំលែកព័តមាននេះ