នៅពេលណាបុគ្គលមិនមានចិត្តក្រេវក្រោធ កើតទោសៈនៅក្នុងខ្លួន ពេលនោះទឹកមុខរបស់អ្នកនឹងមានសភាពស្រស់ថ្លា អារម្មណ៍ស្រស់ស្រាយ ពណ៌សម្បុរក៏ស្រស់ល្អ និងនាំឱ្យអ្នកមានសុខភាពល្អ ។
ខាងក្រោមនេះជាផលនៃការប្រព្រឹត្តអំពើល្អឱ្យផលភ្លាមៗក្នុងពេលបច្ចុប្បន្នៈ
១-មានអាយុវែង ព្រោះមិនសម្លាប់សត្វ
២-មិនមានរោគ ព្រោះមិនបៀតបៀនសត្វ
៣-មានសម្បុរល្អ ព្រោះមិនក្រេវក្រោធពិរោធ
៤-មានតេជានុភាពច្រើន ព្រោះមិនច្រណែនឈ្នានីសគេ
៥-មានទ្រព្យសម្បត្តិច្រើន ព្រោះបានបរិច្ចាគទានដល់អ្នកដទៃ
៦-មានត្រកូលខ្ពង់ខ្ពស់ ព្រោះគោរពកោតក្រែងចំពោះចាស់ព្រឹទ្ធាចារ្យ
៧-មានប្រាជ្ញាច្រើន ព្រោះសេពគប់នឹងសប្បុរស ។
ត្រង់ការសេពគប់នេះសំខាន់ណាស់ បើសេពគប់ខុសគឺសេពគប់ចំបុគ្គលពាលនឹងនាំទៅរកសេចក្តីវិនាស តែបើសេពគប់សប្បុរស បណ្ឌិត អ្នកប្រាជ្ញ នឹងនាំទៅរកសេចក្តីចម្រើន នេះជាទ្រឹស្តីនៃព្រះពុទ្ធសាសនា ។
ចែករំលែកព័តមាននេះ