Mourinho ថា Neymar ត្រូវតែធ្វើរឿងម្យ៉ាងដើម្បីឱ្យឡើងដល់កម្រិត Pele
តាមប្រភពព័ត៌មាន Goal បានឱ្យដឹងថា អតីតគ្រូបង្វឹកក្លិបបិសាចក្រហម Manchester United លោក Jose Mourinho បានលើកឡើងថា…
តាមប្រភពព័ត៌មាន Goal បានឱ្យដឹងថា អតីតគ្រូបង្វឹកក្លិបបិសាចក្រហម Manchester United លោក Jose Mourinho បានលើកឡើងថា…
តាមប្រភពព័ត៌មាន Goal បានឱ្យដឹងថា អតីតគ្រូបង្វឹកក្លិបបិសាចក្រហម Manchester United លោក Jose Mourinho បានលើកឡើងថា Neymar នៅមិនទាន់ឡើងដល់កម្រិតស្មើ Pele ដូចគេថាទេ ដោយសារតែមិនទាន់បានលើកពានជាមួយនឹងក្រុមជម្រើសជាតិប្រេស៊ីល ។
នាពេលថ្មីៗនេះ ខាងទស្សនាវដ្តីប្រេស៊ីល Placar បានចុះផ្សាយថា Neymar គឺជាកីឡាករអស្ចារ្យជាងគេក្នុងប្រទេស (ប្រេស៊ីល) ក្រោយពីជំនាន់ Pele ។ ការចុះផ្សាយនេះធ្វើឱ្យមានការរិះគន់ ព្រោះថា កីឡាករផ្សេងៗទៀតក៏ត្រូវបានគេចាត់ទុកជាកីឡាករអស្ចារ្យប្រចាំប្រទេសប្រេស៊ីលដែរ ដែលមានដូចជា Ronaldo, Rivaldo, Zico និង Ronaldinho ជាដើម ។
លោក Mourinho ត្រូវបានសួរដោយសារព័ត៌មាន DAZN ស្តីពីមតិរបស់លោកទៅលើប្រធានបទនេះ ដោយលោកបានលើកឡើងថា ៖«Neymar គឺជាកីឡាករមានទេពកោសល្យយ៉ាងពិតប្រាកដ ។ គ្រាន់តែមកអឺរ៉ុបភ្លាម គេបានឈ្នះភ្លាម ។ តែខ្ញុំគិតថា ខាងទស្សនាវដ្តីប្រហែលជាភ្លេចរាប់កីឡាករផ្សេងៗទៀត ដែលអស្ចារ្យនាពេលកន្លងមកហើយ ដូចជា Ronaldo និង Rivaldo ជាដើម ។ ពួកគេក៏មកអឺរ៉ុប ហើយលេងបានល្អដែរ ។ តែពួកគេបាន ជួយប្រទេសរបស់ខ្លួនឱ្យឈ្នះក្នុងកម្រិតអន្តរជាតិ ដូចជាការឈ្នះពាន World Cup ជាដើម» ។
លោកបានបន្តថា ៖«Neymar នឹងធ្វើឱ្យកាន់តែល្អនៅអឺរ៉ុប ខណៈដែលការនាំប្រេស៊ីលឱ្យឈ្នះលំដាប់អន្តរជាតិនៅតែជាក្តីសុបិនរបស់គេ»។
គួរបញ្ជាក់ផងដែរថា នាពេលនេះ Neymar កំពុងតែសង្ឃឹមថាអាចជាសះស្បើយពីរបួសប្រអប់ជើង ដើម្បីអាចមកជួយ PSG ដណ្តើមយក Champions League ៕
ចែករំលែកព័តមាននេះ