មានមនុស្សច្រើនណាស់ដែលនៅជាប់ស្អិតនឹងរូបកាយ រហូតអ្នកខ្លះកើតទុក្ខ ទោមនស្ស តូចចិត្តនឹងខ្លួនមានសម្បុរអាក្រក់ កម្លាំងក៏ខ្សោយ ទ្រុឌទ្រោមពីមួយថ្ងៃទៅមួយ មានអវយវៈញ័រទទ្រើត ធ្មេញបាក់ ថ្ពាល់ផត ភ្នែករូងមើលមិនច្បាស់ រីឯត្រចៀកក៏ស្តាប់មិនសូវឮ ក៏ចេះតែកើតទុក្ខឥតល្អែ ។
មូលហេតុដែលនាំឱ្យបុគ្គលពួកខ្លះនៅតែកើតទុក្ខដិតជាប់ក្នុងអារម្មណ៍ព្រោះតែរូបកាយទុព្វលភាពៈ
១-ទុព្វណ្ណោ មានសម្បុរអាក្រក់ ស្បែកមិនភ្លឺថ្លា
២-ទុព្វលោ មានកម្លាំងថមថយ ខ្សោយទៅៗ
៣-ជិណ្ណកាយោ មានរាងកាយចាស់ទ្រុឌទ្រោម
៤-កាប្បិតសរីរោ មានសរីរាវយវៈញញាក់ញញ័រ
៥-ឆិន្នទន្តោ មានធ្មេញបាក់ ពុកផុយ
៦-ជរចក្ខុ មានភ្នែកស្រវាំង ឬងងឹត មើលមិនច្បាស់
៧-ជរសោតោ មានត្រចៀកជរាគឺស្តាប់មិនច្បាស់ ឬថ្លង់ ។
បុគ្គលណានៅជាប់ជំពាក់នឹងមាតិកាធម៌ទាំង៧ប្រការនេះ សេចក្តីទុក្ខនឹងកើតមានដូចស្រមោលតាមជាប់នឹងប្រាណ គួរចម្រើនអសុភកម្មដ្ឋាន ដើម្បីឱ្យដឹងច្បាស់ពីរូបកាយនេះ ។
ចែករំលែកព័តមាននេះ