ខេត្តកំពង់ស្ពឺ ៖ ជីវិតសត្វលោកកើតមកតែងមានវាសនាខុសៗគ្នា អ្នកខ្លះក៏មានគូ មានកូនចៅជួយទំនុកបំរុងនៅពេលខ្លួនចាស់ជរា ដោយឡែកស្ត្រីម្នាក់នេះមិនមានគូគាប់ និងកូនចៅជួយទំនុកបំរុងដូចអ្នកដទៃនោះទេ គឺគាត់បានតស៊ូជំនះរាល់ការលំបាកនានា ដោយលក់លត និងបន្លែទៅតាមរដូវកាល…
ខេត្តកំពង់ស្ពឺ ៖ ជីវិតសត្វលោកកើតមកតែងមានវាសនាខុសៗគ្នា អ្នកខ្លះក៏មានគូ មានកូនចៅជួយទំនុកបំរុងនៅពេលខ្លួនចាស់ជរា ដោយឡែកស្ត្រីម្នាក់នេះមិនមានគូគាប់ និងកូនចៅជួយទំនុកបំរុងដូចអ្នកដទៃនោះទេ គឺគាត់បានតស៊ូជំនះរាល់ការលំបាកនានា ដោយលក់លត និងបន្លែទៅតាមរដូវកាល ដើម្បីយកប្រាក់មកចិញ្ចឹមជីវិតដោយសុចរិត។ តែពេលនេះគាត់មិនអាចដើរលក់លត និងទិញបន្លែទៅលក់នៅផ្សារបានដូចមុនទៀតឡើយ ព្រោះភ្នែកអ្នកមីងនៅសុខៗក៏ងងឹតដោយគ្មានមូលហេតុ។
ជួបជាមួយអ្នកយកព័ត៌មានយើង អ្នកមីងបានប្រាប់ថា គាត់ឈ្មោះ ដុំ សេង អាយុ៥៣ឆ្នាំ រស់នៅភូមិក្បាលថ្នល់ ឃុំមហាសាំង ស្រុកភ្នំស្រួច ខេត្តកំពង់ស្ពឺ។
អ្នកមីងបានប្រាប់ថា រាល់ថ្ងៃនេះគឺគាត់រស់នៅតែម្នាក់ឯងគ្មានកូនចៅទេ ការរស់នៅអាស្រ័យដោយការប្រកបរបរលក់លតតាមភូមិ ហើយពេលខ្លះក៏ទៅទិញបន្លែពីផ្សារយកមកលក់ គ្រាន់ បានប្រាក់កំរៃចិញ្ចឹមខ្លួន ។ អ្នកមីងបន្តទៀតថា ពេលនេះភ្នែកគាត់ងងឹត ហើយមើលអ្វីមិនច្បាស់ដូចមុនទេ ការងងឹងនេះគឺទើបតែរយៈ២ខែនេះប៉ុណ្ណោះ។
ពីដើមខំរកស៊ីចិញ្ចឹមជីវិតដោយកម្លាំង ព្រោះកម្លាំងមានភ្នែកភ្លឺ ឥឡូវមិនដឹងពឹងទៅលើអ្វីទេ បើភ្នែកមើលអ្វីមិនឃើញបែបេះ។ ចុងក្រោយអ្នកមីងសូមអង្វរដល់អស់សប្បុរសជនដែលមានចិត្តមេត្តា សូមជួយសង្គ្រោះគាត់ផង ពេលនេះគាត់មិនអាចទៅប្រកបការងាររកប្រាក់មកចិញ្ចឹមខ្លួនបានដូចមុនឡើយ៕
ចែករំលែកព័តមាននេះ