រាជធានីភ្នំពេញ ៖ ស្នូរផ្ទុះអាវុធជាបន្តបន្ទាប់ជិត១០គ្រាប់ពីសំណាក់នគរបាលខណ្ឌជ្រោយចង្វារនៅក្នុងប្រតិបត្តិការបង្ក្រាបគ្រឿងញៀនដោយឃាត់ខ្លួន ជនសង្ស័យចំនួន៨នាក់ ព្រមទាំងដកហូតថ្នាំញៀនចំនួន១៧ បញ្ចប់ និងវត្ថុតាងមួយចំនួន ។
ហេតុការណ៍នេះបង្កអោយមានការភ្ញាក់ផ្អើលកាលពីវេលាម៉ោង១២និង៣០នាទីថ្ងៃត្រង់ថ្ងៃទី ១៦ ខែកុម្ភៈឆ្នាំ២០១៩ ស្ថិតនៅតំបន់មិនរៀបរយខាងក្រោយវិហារឥស្លាមឯករង្សី ក្នុងភូមិ៣ សង្កាត់ជ្រោយចង្វារ ខណ្ឌជ្រោយចង្វារ ។
តាមនគរបាលបាន ឱ្យដឹងថា ជនសង្ស័យទាំង៨នាក់ខាងលើ ក្នុងនោះ៣នាក់នាក់ជាប់ពាក់ព័ន្ធនឹងករណីចែកចាយថ្នាំញៀន និងជនសង្ស័យចំនួន៥នាក់ទៀតជាប់ពាក់ព័ន្ធនឹងការប្រើប្រាស់ថ្នាំញៀន ។
តាមប្រភពព័ត៌មានពីប្រជាពលរដ្ឋបានអោយដឹងថា សមត្ថកិច្ចបានផ្ទុះអាវុធចំនួន៦គ្រាប់ តែសមត្ថកិច្ចបានព្យាយាមលាក់បាំងថាពុំមានការផ្ទុះអាវុធនោះទេ ។
សមត្ថកិច្ចបានឲ្យដឹងថា មុននឹងឈានដល់ប្រតិបត្តិការបង្ក្រាបក្រុមជួញដូរ និងប្រើប្រាស់ថ្នាំញៀនទាំង៨នាក់ខាងលើ គឺសមត្ថកិច្ចបានតាមដានអស់រយៈពេលជាយូរមកហើយ រួចក៍ចុះបង្ក្រាបជាក់ស្តែងតែម្តង ។
ជាលទ្ធផលក្នុងការបង្ក្រាបសមត្ថកិច្ចបានឃាត់ខ្លួនជនសង្ស័យចំនួន៨នាក់ និងថ្នាំញៀនចំនួន១៧កញ្ចប់ រួមនឹងវត្ថុតាងមួយចំនួន រួចបញ្ជួនទៅកាន់អធិការដ្ឋានដើម្បីចាត់ការតាមច្បាប់៕
ចែករំលែកព័តមាននេះ