រាជធានីភ្នំពេញ ៖ ជនសង្ស័យមុខសញ្ញាចាស់ម្នាក់ចំណោមបក្សពួក២នាក់ ត្រូវបានជនរងគ្រោះចាប់ប្រគល់ជូនសមត្ថកិច្ច បន្ទាប់ពីបន្លំខ្លួនចូលក្នុងបន្ទប់ទ្រូម៉ាន់នីលួចលុយជាង៣៥ម៉ឺនរៀល បង្កឱ្យមានការភ្ញាក់ផ្អើលកាលពីម៉ោង១២និង៣០នាទីថ្ងៃត្រង់ ថ្ងៃទី១៦ ខែកុម្ភៈ ឆ្នាំ២០១៩ នៅចំណុចផ្ទះលេខ២៤៦A…
រាជធានីភ្នំពេញ ៖ ជនសង្ស័យមុខសញ្ញាចាស់ម្នាក់ចំណោមបក្សពួក២នាក់ ត្រូវបានជនរងគ្រោះចាប់ប្រគល់ជូនសមត្ថកិច្ច បន្ទាប់ពីបន្លំខ្លួនចូលក្នុងបន្ទប់ទ្រូម៉ាន់នីលួចលុយជាង៣៥ម៉ឺនរៀល បង្កឱ្យមានការភ្ញាក់ផ្អើលកាលពីម៉ោង១២និង៣០នាទីថ្ងៃត្រង់ ថ្ងៃទី១៦ ខែកុម្ភៈ ឆ្នាំ២០១៩ នៅចំណុចផ្ទះលេខ២៤៦A ផ្លូវ៥៩៨ ក្រុមទី៤ ស្ថិតក្នុងភូមិទួលថ្ងាន់ សង្កាត់ទួលសង្កែទី២ ខណ្ឌឫស្សីកែវ ។
សមត្ថកិច្ចឱ្យដឹងថា ជនសង្ស័យទី១-ឈ្មោះ សុខ បុត្រ ភេទប្រុស អាយុ២៥ឆ្នាំ មុខរបរមិនពិតប្រាកដ ទីលំនៅមិនពិតប្រាកដ ជនសង្ស័យទី២-ឈ្មោះ រិទ្ធ ភេទប្រុស អាយុ៣៥ឆ្នាំ ជាម្ចាស់ម៉ូតូម៉ាកហុងដាឌ្រីម ពណ៌ខ្មៅ ស៊េរីឆ្នាំ២០១៥ (គេចខ្លួន) រីឯជនរងគ្រោះឈ្មោះ ប៉ាន់ ត្រៀក ភេទប្រុស អាយុ៥៦ឆ្នាំ មុខរបរលក់ដូរ ស្នាក់ផ្ទះកើតហេតុ។ បន្ទាប់ពីឃាត់ខ្លួនដកហូតវត្ថុតាងទឹកប្រាក់៣៥ម៉ឺនរៀល (បានប្រគល់ជូនជនរងគ្រោះវិញ)។
សមត្ថិច្ចឱ្យដឹងថា មុនពេលកើតហេតុ នៅម៉ោងកើតហេតុខាងលើជនរងគ្រោះកំពុងតែលក់នៅផ្ទះ ស្រាប់មានជនសង្ស័យ២នាក់ មកដល់ ម្នាក់ធ្វើជាទិញប្រាក់ដុល្លារចំនួន៥០ដុល្លារ បន្ទាប់មកទិញស្រាបៀរចំនួនមួយកេសទៀត ដោយបានឱ្យប្រាក់រាយមិនគ្រប់ចំនួន ដើម្បីពន្យារពេល ចំណែកបក្សពួកម្នាក់ទៀតឈ្មោះ សុខ បុត្រ បានបន្លំចូលទៅក្នុងផ្ទះលួចយកប្រាក់ដាក់ក្នុងថង់ ប៉ុន្តែក៏ត្រូវម្ចាស់តាមទាន់ស្រែកឆោឡោផ្អើល រួចឃាត់ខ្លួនបានម្នាក់ រីឯម្នាក់ទៀតឈ្មោះ រិទ្ធ រត់គេចខ្លួនបាត់។
អ្វីដែលហួសចិត្តនោះ គឺខណៈបងប្អូនប្រជាពលរដ្ឋស្វាគមន៍ម្នាក់មួយដៃមួយជើង ជនសង្ស័យស្រែកថា «ខ្លួនកើតអេដស៍ កុំវ៉ៃខ្លាំងពេក ប្រយ័ត្នបែកឈាមប្រឡាក់ឆ្លងអេដស៍» ។ បច្ចុប្បជនសង្ស័យត្រូវនគរបាលជំនាញខណ្ឌ កំពុងសាកសួរយកចំលើយ និងបទល្មើសកន្លងមក ដើម្បីកសាងសំណុំរឿងបញ្ចូនទៅសាលាដំបូងរាជធានីភ្នំពេញអនុវត្តន៍តាមនីតិវិធី ៕
ចែករំលែកព័តមាននេះ