រាជធានីភ្នំពេញ ៖ កាលពីល្ងាចថ្ងៃទី១៦ ខែកុម្ភៈ ប៉ុស្ដិ៍លេខ៥ បានរំលេចការប្រកួតអន្តរជាតិរវាងកីឡាករកម្ពុជា និងថៃ គួរឱ្យចាប់អារម្មណ៍ ខណៈដែលកីឡាករទាំងនោះក្រៅពីប្រកួតគ្នាបានល្អ ក៏ជាជំនួបរបស់កីឡាករវ័យ១៤ឆ្នាំមិនធ្លាប់មាន។
អ្នករៀបចំកម្មវិធីក៏បានប្រកាសថា នឹងដាក់បញ្ចូលការប្រកួតរវាងក្មេងៗវ័យ១៤ និង១៥ឆ្នាំបែបនេះ ឱ្យបានកាន់តែច្រើនផងដែរ ដើម្បីលើកទឹកចិត្តជំទង់ៗក្មេងឱ្យចង់ហ្វឹកហាត់ប្រដាល់ហើយធ្វើជាកម្លាំងស្នូលនៅក្នុងវិស័យប្រដាល់។
លោក សេង កដិកា អ្នករៀបចំកម្មវិធីប្រកួតកីឡាប្រដាល់របស់ស្ថានីយ៍ប៉ុស្តិ៍៥ បាននៅក្នុងការប្រកួតនោះថា ការពិតលោកចង់ដាក់ប្រកួតរវាងកីឡាករក្មេងនៅលើសង្វៀនរបស់ខ្លួនឱ្យបានញឹកញាប់ណាស់ ប៉ុន្តែបណ្ដាលមកពីមានប្រតិកម្មថា យកកីឡាករមិនគ្រប់អាយុមកប្រកួត ដែលមិនខុសពីបំផុសឱ្យមានការប្រើប្រាស់កម្លាំងពលកម្មលើកុមារមិនគ្រប់អាយុ ទើបចេះតែមិនហ៊ាន។
យ៉ាងណាមិញ ដោយសារតែមានការអនុញ្ញាតិឡើងវិញ ទើបលោកសម្រេចដាក់ឱ្យប្រកួតរវាងកីឡាករអាយុ១៤ឆ្នាំ២រូប ដោយមួយរូបមកពីប្រទេស និងមួយរូបទៀតជាកីឡាកររបស់កម្ពុជា ដែលល្បីល្បាញគួរសមនៅតាមព្រំដែននៅខេត្តបន្ទាយមានជ័យ។ លោកថា ការប្រកួតរវាងកីឡាករទាំងពីរទទួលបានការចាប់អារម្មណ៍មិនតិចនេះទេ ដោយលោកបានចាត់ទុកថា ក្មេងៗ។ បើទោះជាការប្រកួតរបស់ពួកគេ មើលទៅមិនមានបច្ចេកទេសរស់រវើកដូចកីឡាករពេញវ័យ ប៉ុន្តែក៏ប្លែកភ្នែកម្យ៉ាងនៅក្នុងពិភពប្រដាល់ផង។
លោកមានគម្រោងបើកការប្រកួតបែបនេះឱ្យបានញឹកញាប់ ដោយក្រោយទទួលបានការចាប់អារម្មណ៍ជាមួយមួយគូនេះ គឺនាងមានការបង្ហាញការបង្ហាញគូប្រកួតលើកក្រោយៗទៀត ដើម្បីកុំឱ្យខ្មាស់ថៃ ដែលគេមានធនធានកីឡាករក្មេងៗតាំងពីអាយុ១០ឆ្នាំ ដែលធ្វើឱ្យក្មេងៗទាំងនោះឆ្អិតប្រដាល់នៅពេលពួកគេធំឡើង។
លោកថៃ អ៊ូ អ្នកដឹកនាំកីឡាករថៃ និងជាគ្រូបង្វឹកកីឡាករប្រចាំខេត្តបន្ទាយមានជ័យ បានឲ្យដឹងថា សម្រាប់លោកពិតជារីករាយដោយបានឃើញប៉ុស្តិ៍លេខ៥ ចេះគិតគូរនឹកឃើញតម្រុយចង់ឲ្យមានអ្នកប្រដាល់ជើងថ្មីបណ្ដុះពីក្មេងៗឲ្យឡើងរេញបង្ហាញរិទ្ធ ខណៈដែលលោកយល់ថា ធនធានកីឡាករ បើមិនបណ្ដុះពីពេលក្មេងទៅ គឺមិនអាចនឹងដើរដល់គោលដៅបានទេ។
គួរបញ្ជាក់ផងដែរថា ការប្រកួតនៅក្នុងកម្មវិធីប្រកួតកំពូលជើងឯក TV5 BOXING KNOCK OUT SERIES (K-Cement) កាលពីល្ងាចថ្ងៃទី១៦ កុម្ភៈ នោះ កីឡាករវ័យ១៤ឆ្នាំ ដែលបើកឆាកប្រកួតគ្នាជាអន្តរជាតិនោះ គឺកីឡាករបង្គោលក្រហមកម្ពុជាឈ្មោះ ឆៃ មករា មកពីមកពីក្លិបកងចក្រភ្នំតូច ប្រកួតជាមួយកីឡាករថៃបង្គោលខៀវឈ្មោះ Phech Arun ដោយកីឡាករទាំងពីរប្រកួតគ្នាល្អមើលរហូតដល់ចប់ទឹកតែម្ដង។ ក្រោយការប្រកួតខាងកម្ពុជាចាញ់ថៃដោយពិន្ទុ ប៉ុន្តែក៏បានធ្វើឱ្យជើងខ្លាំងវ័យក្មេងរបស់ថៃ ដែលមានប្រវត្តិប្រកួតរហូតដល់៥០ដង ទ្រមខ្លួនមិនតិចដែរ ដ្បិតថា ភាគីខាងកម្ពុជាទើបប្រកួតបានតែជាង២០ដង៕
ចែករំលែកព័តមាននេះ