ការធ្វើជំនួញជោគជ័យ ជាក្ដីប្រាថ្នារបស់មនុស្សគ្រប់រូប ពិសេសវិនិយោគិន សហគ្រិនពាណិជ្ជករ និងអាជីវករ ប៉ុន្ដែមិនប្រាកដថា ការធ្វើជំនួញទាំងអស់សុទ្ធតែជោគជ័យនោះទេ។ យោងតាមការស្រាវជ្រាវ មានកត្តាជាច្រើនដែលនាំឲ្យការធ្វើជំនួញរបស់អ្នកបរាជ័យ ក្នុងនោះក្រៅពីប្រភេទនៃមុខជំនួញ,…
ការធ្វើជំនួញជោគជ័យ ជាក្ដីប្រាថ្នារបស់មនុស្សគ្រប់រូប ពិសេសវិនិយោគិន សហគ្រិនពាណិជ្ជករ និងអាជីវករ ប៉ុន្ដែមិនប្រាកដថា ការធ្វើជំនួញទាំងអស់សុទ្ធតែជោគជ័យនោះទេ។ យោងតាមការស្រាវជ្រាវ មានកត្តាជាច្រើនដែលនាំឲ្យការធ្វើជំនួញរបស់អ្នកបរាជ័យ ក្នុងនោះក្រៅពីប្រភេទនៃមុខជំនួញ, ការរៀបចំផែនការ និងយុទ្ធសាស្ត្រហើយនោះ ក៏ពាក់ព័ន្ធនឹងទម្លាប់របស់ខ្លួនអ្នកផ្ទាល់ផងដែរ ។ ខាងក្រោមនេះគឺជាទម្លាប់មួយចំនួនដែលលោកអ្នកគួរកែប្រែ ព្រោះវាធ្វើឲ្យប៉ះពាល់ដល់មុខជំនួញរបស់អ្នក ៖
១- ខ្វះការបន្ធូរអារម្មណ៍
ជីវិតក្នុងវិថីជំនួញដែលពុំមានការសម្រាកបន្ធូរអារម្មណ៍ឲ្យបានគ្រប់គ្រាន់នោះ អ្នកនឹងចំណាយពេលកាន់យូរអង្វែងទ្វេដងក្នុងការធ្វើគម្រោងដដែលៗនៅក្នុងដំណើរការលើមុខជំនួញ ហើយភាពនឿយណាយបានរុកកួនធ្វើឲ្យអ្នកចង់តែគេង ។ អារម្មណ៍នឿយណាយនេះគឺធ្វើឲ្យការគិតរបស់អ្នកដើរយឺត ។ ការបន្ធូរអារម្មណ៍នឹងនាំមកនូវផលិតភាព ការច្នៃប្រឌិតនិងប្រសិទ្ធភាពកាន់តែច្រើន ។ ចូរចាប់យកការប្រកបអាជីវកម្មមួយតាមរយៈការទទួលនូវអារម្មណ៍ស្រស់ស្រាយដែលសរីរាង្គកាយ និងចិត្តរបស់អ្នកត្រូវការ នោះអាជីវកម្មរបស់លោកអ្នកនឹងដំណើរការទៅដោយរលូន ។
២-កម្សោយនៃការគ្រប់គ្រងហិរញ្ញវត្ថុផ្ទាល់ខ្លួន កង្វះខាតនៃការគ្រប់គ្រងហិរញ្ញវត្ថុផ្ទាល់ខ្លួននឹងធ្វើឲ្យមានកម្សោយនៅក្នុងការគិតនិងមុខជំនួញរបស់អ្នក ។ នៅពេលដែលការគិតរបស់អ្នកបារម្ភតែអំពីលុយច្រើនពេក វានឹងពុំមានសេរីភាពនៅក្នុងការបង្កើតឡើងនូវសហគ្រិនដែលអ្នកអាចធ្វើបាននោះឡើយ ។ ការពង្រីកខ្ទង់ចំណាយផ្ទាល់ខ្លួន នឹងធ្វើឲ្យកាន់តែប៉ះពាល់ដល់ក្រុមហ៊ុនរបស់អ្នកច្រើនជាងការគិតក្នុងខួរក្បាល ។ ជាថ្មីម្តងទៀត ការគ្រប់គ្រងលើហិរញ្ញវត្ថុផ្ទាល់ខ្លួន នឹងធ្វើឲ្យរីកលូតលាស់និងថ្កុំថ្កើនទៅមុខ ។
៣-បញ្ហាទំនាក់ទំនង បញ្ហាទំនាក់ទំនងគឺជាកត្តានៃបញ្ហាដ៏ចម្បងដែលអាចឈានដល់ការបិទក្រុមហ៊ុនរបស់អ្នក។ ការក្រេបយកថាមពលពីកិច្ចការអាជីវកម្មរបស់អ្នក បញ្ហាទំនាក់ទំនងនឹងស្រូបយកនូវសិទ្ធិរស់នៅរបស់អ្នក ។ ភាពស្និទ្ធស្នាលកាន់តែច្រើនក្នុងទំនាក់ទំនង បញ្ហាក៏កាន់តែច្រើនដែលនឹងប៉ះពាល់ដល់ផ្លូវចិត្ត សតិអារម្មណ៍របស់អ្នកជាមិនខាន ។ ដូច្នេះចូរចំណាយពេលទំនាក់ទំនងនូវអ្វីដែលចាំបាច់ និងត្រូវធ្វើ ហើយជម្រុះចេញនូវការបំពុលនៃភាពទំនាក់ទំនង ។ ការស្ដារពាណិជ្ជកម្មរបស់អ្នក គឺធ្វើការជួសជុលភាពទំនាក់ទំនងផ្ទាល់ខ្លួនរបស់អ្នក ។
៤-កង្វះលំហាត់ប្រាណ បណ្តាសហគ្រិនជាច្រើន គឺមិនអើពើលើសរីរាង្គកាយរបស់ពួកគេទេ ។ កង្វះនៃការធ្វើលំហាត់ប្រាណនឹងកាត់បន្ថយនូវកម្លាំងផ្លូវចិត្ត ស្មារតី និងរាងកាយរបស់អ្នកជាមិនខាន។សុខភាពផ្លូវចិត្ត និងរាងកាយដែលទទួលបានគុណប្រយោជន៍ពីការហាត់ប្រាណ វាគឺជារឿងដ៏សំខាន់ដែលអ្នកត្រូវធ្វើ ។ លៃលកពេលវេលាហាត់ប្រាណសម្រាប់ហាត់ប្រាណ នឹងជួយដល់អាជីវកម្មអ្នកតាមរយៈការធ្វើឲ្យស្រាកស្រាន្តនូវឧបសគ្គ និងរក្សាការបង្កើនពេលវេលា ។
៥-ការតស៊ូជាមួយនឹងការកំណត់ព្រំដែន កង្វះការទទួលស្គាល់រវាងក្តីបារម្ភ និងទំនួលខុសត្រូវ នឹងបណ្តាលឲ្យបណ្តាសហគ្រិនជាច្រើនអស់សង្ឃឹម និងការខកចិត្ត ។ ការជម្រុះចេញនូវភាពជាប់គាំងក្នុងចិត្តតាមរយៈការផ្តោតលើការជួសជុលនូវអ្វីដែលជាការទទួលខុសត្រូវរបស់អ្នក នឹងបន្សល់នូវក្តីបារម្ភដល់មនុស្សដែលជាទំនួលខុសត្រូវសម្រាប់ពួកគេ ។ប្រសិនជាលោកអ្នកអាចចៀសវាងបាន នឹងផ្លាស់ប្ដូរអាជីវកម្មរបស់អ្នកទៅរកការរីកចម្រើនមួយកម្រិតបន្ថែមទៀត ។ «ផ្លាស់ប្ដូរទម្លាប់របស់អ្នកចាប់ពីពេលនេះ នឹងផ្លាស់ប្ដូរពាណិជ្ជកម្ម និងជីវិតរបស់អ្នក» ៕
ចែករំលែកព័តមាននេះ