ខេត្តបាត់ដំបង ៖ នៅថ្ងៃទី១៤ កុម្ភៈ គឺជាទិវានៃក្តីស្រឡាញ់ (ដែលជាទំនៀមទំលាប់របស់ប្រទេសខាងក្រៅ) នោះ សម្រាប់ពលរដ្ឋខ្មែរក៏បានចាប់ផ្តើមធ្វើតាមគ្នាប្រមាណជាង១០ឆ្នាំមកហើយ ។ សម្រាប់ខេត្តបាត់ដំបង…
ខេត្តបាត់ដំបង ៖ នៅថ្ងៃទី១៤ កុម្ភៈ គឺជាទិវានៃក្តីស្រឡាញ់ (ដែលជាទំនៀមទំលាប់របស់ប្រទេសខាងក្រៅ) នោះ សម្រាប់ពលរដ្ឋខ្មែរក៏បានចាប់ផ្តើមធ្វើតាមគ្នាប្រមាណជាង១០ឆ្នាំមកហើយ ។ សម្រាប់ខេត្តបាត់ដំបង គឺបានឃើញមានការដាក់តាំងលក់ផ្កា និងវត្ថុអនុស្សាវរីយ៍ជាច្រើនផងដែរ ។
ជួបជាមួយកញ្ញា សៀក បុប្ផា ដែលកំពុងលក់ផ្កានៅចុងស្ពានថ្ម (ត្រើយខាងកើត) បានឱ្យកោះសន្តិភាពដឹងថា នាងបានមករៀបដាក់តាំងលក់ផ្កា តុក្កតា និងវត្ថុអនុស្សាវរីយ៍ផ្សេងៗចាប់ពីម៉ោង៣រសៀល ។នាងបន្ត ប៉ុន្តែសម្រាប់ឆ្នាំនេះ លក់ផ្កាមិនសូវមានមនុស្សចូលទិញដូចឆ្នាំមុនៗនោះទេ ដើម្បីយកទៅជូនមនុស្សជាទីស្រឡាញ់របស់ពួកគេ ។ ការលក់បានថយចុះ ដែលរាល់ឆ្នាំនាងអាចយកផ្កាមកលក់មានចំនួន២០០ ទៅ៣០០ទងឯណោះ ពេលនេះដាក់ត្រឹម៥០ ឬ៦០ទងក៏លក់មិនអស់ផង ។ នាងថា តម្លៃផ្កាគឺនៅដដែលទេ ពី៣ពាន់រៀលទៅ៤ពាន់រៀលក្នុង១ទង ។
នៅល្ងាចថ្ងៃដដែលនេះ បានឃើញមានកូនសិស្សសាលាច្រើននាក់ នាំគ្នាចូលទៅកន្លែងបានណាត់ជួបក្នុង
ព្រលានយន្តហោះបែកចាន ក្រុងបាត់ដំបង ។ ពួកគេទៅកម្សាន្ត ហូបចុក ជួបជុំតាមរបៀបមិត្តិភក្តិ និងក្រុមគ្រួសារ ប៉ុន្តែអត់សូវទិញផ្កាជូនគ្នានោះទេ ។
ចែករំលែកព័តមាននេះ