ប្រទេសថៃ ៖ រត់ភៀសខ្លួ្នដោយឆ្លងទន្លេមេគង្គទៅត្រើយខាងប្រទេសឡាវ អ្នកជេរប្រមាថស្ដេចថៃ២នាក់ ទើបត្រូវបានរកឃើញស្លាប់ ហើយអ្នកទី៣នៅបាត់ខ្លួន ចាប់តាំងពីពាក់កណ្ដាលខែធ្នូឆ្នាំ២០១៨មក។ អ្នកប្រឆាំងនិងប្រមាថស្ដេចថៃទាំងនោះ ជារឿយៗមានប្រភពពីចលនាកុំមុយនីស្តថៃ ដែលពេលនេះស្រម័យចង់រត់ទៅកាន់អឺរ៉ុបដើម្បីសង្គ្រោះជីវិតពួកគេ។
សាកសពមនុស្ស២នាក់ដែលអណ្ដែតលើផ្ទៃទឹកនៃទន្លេមេគង្គត្រូវបានប្រទះឃើញ។ សាកសពទាំង២នោះហើមរលួយមើលលែងស្គាល់ទៅហើយ។ សាកសពពួកគេត្រូវចងរួបរួចចាក់់ស៊ីម៉ង់ដ៏ មុនពេលច្រកចូលក្នុងបាវអង្ករ យកទៅទម្លាក់ចូលក្នុងទឹកទន្លេ។ ទោះមានការប្រុងប្រយ័ត្នខ្លាចគេឃើញបែបនេះក្ដី តែទីបំផុតសាកសពពួកគេ នៅត្រូវរកឃើញកាលពីខែធ្នូ នៅមាត់ច្រាំងទន្លេ នៃភូមិតូចមួយនាភាគខាងជើងថៃ ជិតទីក្រុងណាខនភ្នំនាព្រំដែនឡាវ។
ការធ្វើតេស្តNDAទើបអះអាងពីអត្តសញ្ញាណពួកគេ។ សាកសពមួយជាសាកសពរបស់បុរសឈ្មោះPUCHANAអាយុ៥៤ឆ្នាំ ហើយសាកសពមួយទៀតជាសពរបស់ជនឈ្មោះKASALONG អាយុ៤៧ឆ្នាំ។ អ្នកទាំង២ជាអ្នកប្រឆាំងរាជានិយមថៃ រស់នៅនិរទេសក្នុងប្រទេសឡាវជិតខាង ចាប់តាំងពីប៉ុន្មានឆ្នាំមកហើយ។
ពួកគជាជំនួយការរបស់សកម្មជនទី៣ម្នាក់ទៀត ដែលមានអាយុច្រើនជាង ហើយជាអ្នកមានឈ្មោះល្បី គឺលោកSURACHAI DANWATTANUSORN អតីតមេដឹកនាំបក្សកុំមុយនីស្តថៃ កាលក្នុងទសវត្សឆ្នាំ៨០។ជាអ្នកជេរប្រមាថស្ដេចថៃអាក្រក់អាក្រីបំផុត ជននោះធ្លាប់ជាប់គុកជាច្រើនឆ្នាំ ពីបទឧក្រិដ្ឋប្រមាថព្រះមហាក្សត្រ។ បាត់ខ្លួនជាមួយអ្នកទាំង២កាលពីពាក់កណ្ដាលខែធ្នូ សាកសពរបស់គេនៅពុំទាន់រកឃើញនៅឡើយ៕
ចែករំលែកព័តមាននេះ