រាជធានីភ្នំពេញ ៖ ដូចការគ្រោងទុករបស់ចៅក្រមសើុបសាលាដំបូងរាជធានីភ្នំពេញ បានកំណត់យកថ្ងៃទី១៥ កុម្ភៈ បង្គាប់ទៅអនុរក្សពន្ធនាគារព្រៃ.ស នាំខ្លួនជនជាប់សង្ស័យឈ្មោះយិន ហេង ហៅចំបុីខ្មៅ ជាជនភេទទី៣ មកសាកសួរឡើងវិញ ដែលពាក់ពន្ធជំុវិញសំណុំរឿងបទញុះញង់ឱ្យមានការរើសអើងនោះ ។
គួរបញ្ជាក់ថា ចំបុីខ្មៅ ត្រូវបានលោក ពេជ្រ វេជ្ជធរ ចៅក្រមសុើបសួរសាលាដំបូងរាជធានីភ្នំពេញ សម្រេចឃុំខ្លួនដាក់ពន្ធនាគារជាបណ្តោះអាសន្ន កាលពីល្ងាចថ្ងៃទី៦ កម្ភៈ ២០១៨ បន្ទាប់ពីតំណាងអយ្យការបានចោទប្រកាន់ជាផ្លូវការរួចមក ។ ជនសង្ស័យឈ្មោះ យិន ហេង ហៅចំបុីខ្មៅ ភេទទី៣ មានអាយុ២៣ឆ្នាំ កើតនៅភូមិអណ្តូងពោធិ៍ សង្កាត់កំពង់ប្រណាក ក្រុងព្រះវិហារ ខេត្តព្រះវិហារ ដែលជាជនសង្ស័យល្បីល្បាញក្នុងបណ្តាញសង្គមហ្វេសប៊ុក ពាក់ពន្ធរឿងជេរប្រមាថជាតិសាសន៍ខ្មែរ ។
គួរបញ្ជាក់ទៀតថា នៅថ្ងៃទី៦ ខែកុម្ភៈ ត្រូវបានលោកលី សុផាណាព្រះរាជអាជ្ញារងអមសាលាដំបូងរាជធានីភ្នំពេញ សម្រេចធ្វើការចោទប្រកាន់ពីបទ.ញុះញង់ឲ្យមានការរើសអើង តាមមាត្រា ៤៩៤ និង៤៩៦ នៃក្រមព្រហ្មទ័ណ្ឌ ដែលតាមមាត្រានេះតម្រូវឲ្យផ្តន្ទាទោសលើជនជាប់ចោទពី១ឆ្នាំទៅ៣ឆ្នាំ ។ ជនសង្ស័យត្រូវបានកម្លាំងសមត្តកិច្ចនគរបាលចាប់ខ្លួន កាលពីល្ងាចថ្ងៃទី៥ ខែកុម្ភៈ នៅហាងកាហ្វេមួយកន្លែងក្នុងទឹកដីខណ្ឌដូនពេញ ។
សមត្ថកិច្ចចាប់ខ្លួនចំបុីខ្មៅ កាលពីវេលាម៉ោង៥ និង២៥នាទីយប់ព្រលប់ថ្ងៃទី៤ ខែកុម្ភៈ នៅចំណុចមុខព្រះបរមរាជវាំង ចំបីុខ្មៅ បានបង្ហោះសារជាអក្សរលើទំព័រហ្វេសសប៊ុកដែលឈ្មោះ ចំប៉ីខ្មៅ Chompey Khmoa ថា ជូនទៅពូជអាខ្មែរតិរិច្ឆាន ៣នាក់ ដែលជិះម៉ូតូមកខោកក្បាលខ្លួនតាមផ្លូវ និងមានភ្ជាប់ឃ្លីបវីដេអូ មានរយៈពេល ១នាទី ៥៣វិនាទី ដោយជេរទៅលើក្រុមជនបង្ក ដែលបានខោកក្បាលខ្លួន៦ក្រញ៉ នោះ ។
ក្រោយពេលមានបង្ហោះសារវីដេអូខ្លីលើបណ្តាញសង្គមហ្វេសប៊ុក ដោយប្រើភាសារដៀលត្មេះពូជសាសន៍ជាតិខ្មែរ ធ្ងន់ៗ ក៏មានបណ្តាញសង្គមជាច្រើន បានប្រតិកម្មតបតវិញ ដោយមានការថ្កោលទោស និងទាមទារឲ្យសមត្ថកិច្ចស្វែងរកចាប់ខ្លួនជននេះ ឲ្យខាង តែបាន ដើម្បីនាំយកមកផ្ដន្ទាទោសតាម ច្បាប់ និងឲ្យកំហុសដែលខ្លួនបានប្រព្រិត្ត ។ ព្រោះថា យិន ហេង ហៅចំបុីខ្មៅ ធ្លាប់បានមើលងាយជាតិសាសន៍ខ្មែរ ជាច្រើនលើកហើយ ដែលធ្វើឲ្យមានការក្តៅក្រហាយពីសំណាក់បហាជន ដែលតាំងពីករណីដែលអង្គការយូនីស្កូចុះបញ្ជីទទួលស្គាល់ល្ខោនខោល ជារបស់បិតិភ័ណ្ឌពិភពលោកមកម្លេះ ។
ដូច្នេះ នៅព្រឹកថ្ងៃទី១៥ កុម្ភៈ នេះ ចៅក្រមសើុបសួរតម្រូវ ឲ្យអនុរក្សពន្ធនាគារ នាំចំបុីខ្មៅ មកសាកសួរឡើងវិញ ទំនងថ្ងៃឃុំខ្លួនបណ្តោះអាសន្ន មិនទាន់បានសួរគ្រប់ជ្រុងជ្រោយនៅឡើយទេ ទើបបានជាតម្រូវនាំមកសាកសួរ ដើម្បីបិតការសើុបអង្កេត និងដាក់ទៅជំនុំជម្រះលើអង្គសេចក្តី ៕
ចែករំលែកព័តមាននេះ