ស្នាមក្រិនអាចកើតឡើងដោយងាយបំផុត តែមិនអាចបាត់បង់ទៅវិញដោយស្រួលៗនោះទេ ។ ស្នាមក្រិនដែលកើតមាននៅលើបាតដៃ ដោយសារតែមានការប៉ះទង្គិចជាមួយវត្ថុរឹង ឬធ្វើការងារធ្ងន់ៗ កាលណាប៉ះទង្គិចយូរៗទៅ បង្កឱ្យមានស្នាមក្រិននៅលើបាតដៃ ។
ស្នាមក្រិនអាចកើតឡើងដោយងាយបំផុត តែមិនអាចបាត់បង់ទៅវិញដោយស្រួលៗនោះទេ ។ ស្នាមក្រិនដែលកើតមាននៅលើបាតដៃ ដោយសារតែមានការប៉ះទង្គិចជាមួយវត្ថុរឹង ឬធ្វើការងារធ្ងន់ៗ កាលណាប៉ះទង្គិចយូរៗទៅ បង្កឱ្យមានស្នាមក្រិននៅលើបាតដៃ ។
លោកវេជ្ជបណ្ឌិត ស្រេង រាសី អ្នកឯកទេសផ្នែករោគសើស្បែកនៃគ្លីនិកសើស្បែក និងសម្ផស្ស ស្រេង រាសី បានប្រាប់កោះសន្តិភាពឱ្យដឹងថា ស្នាមក្រិននៅលើបាតដៃគឺឡើងក្រាស់ខុសពី ធម្មតានៃស្រទាប់សើលើស្បែកបាតដៃដែលមានសភាពរឹង និងគ្រើមៗ ឬអាចមានសភាពក្រាស់ស្មើ ។
ស្នាមក្រិននៅលើបាតដៃ ជាបាតុភូតការពាររបស់ស្បែកប្រឆាំងនឹងការប៉ះទង្គិច ឬការកកិត និងការរោលរលាក ។ ស្នាមក្រិនដែលមានសភាពក្រាស់ស្មើនៅលើបាតដៃ និងនៅលើបាតជើង គឺជាសញ្ញារបស់ជំងឺតំណពូជម៉្យាង តែក៏បណ្តាលមកពីការរលាកស្បែកបាតដៃរ៉ាំរ៉ៃ ដោយ សារធាតុអាឡែកហ្សុី ឬសារធាតុរោលបាតដៃឡើងក្រិន និងមានសភាពស្ងួតប្រេះផងដែរ ។
វាអាចបណ្តាលមកពីការប៉ះពាល់ជាមួយសារធាតុរោល ឬអាឡែកហ្ស៊ីរុាំរ៉ៃ ។ មូលេហតុដែលធ្វើឱ្យមានស្នាមក្រិននៅលើបាតដៃនេះ ដោយមានការប៉ះទង្គិច ឬការកកិតរុំារ៉ៃរវាងបាតដៃជាមួយនឹងវត្ថុរឹងផ្សេងៗ ដូចជាការធ្វើការងារដោយប្រើដៃច្រើន មិនបានពាក់ស្រោមដៃជាដើម ។
ដើម្បីបំបាត់ស្នាមក្រិននៅលើបាតដៃលោកអ្នកត្រូវអនុវត្តនូវវិធីសាស្ត្រមួយចំនួនដូចខាងក្រោម ៖
១-ត្រូវព្យាយាមកែទម្លាប់ផ្សេងៗដែលបណ្តាលឱ្យមានការប៉ះទង្គិច ឬកកិតដល់បាត ដៃ ។
២-លោកអ្នកគួរពាក់ស្រោមដៃដែលមានលក្ខណៈទន់ ដើម្បីការពារបាតដៃ រាល់ពេលធ្វើការងារដោយដៃ ។ បើអនុវត្តទម្លាប់នេះបានស្នាមក្រិននឹងបាត់ដោយឯងៗ គ្រាន់តែត្រូវការពេលវេលាយូរបន្តិច ។
៣-លោកអ្នកអាចខាត់ស្នាមក្រិននោះចេញ ដោយប្រើប្រាស់ថ្មសំលៀង បន្ទាប់មកប្រើផលិតផលផ្តល់សំណើមមកលាបលើស្បែកដែលក្រិននោះ ដើម្បីឱ្យស្បែកមានសំណើមគ្រប់គ្រាន់ និងកុំឱ្យរបួសស្បែក ។
៤-ប្រសិនជាស្បែកបាតដៃរបស់លោកអ្នកមានស្នាមក្រិនច្រើន គួរតែទៅរកអ្នកជំនាញផ្នែកសើស្បែកដើម្បីពិភាក្សា និងធ្វើការព្យាបាលឱ្យបានត្រឹមត្រូវ ។
លោកវេជ្ជបណ្ឌិតបានបញ្ជាក់ថា ដើម្បីការពារកុំឱ្យមានស្នាមក្រិននៅលើបាតដៃគឺងាយស្រួលបំផុត ដោយលោកអ្នកការពារបាតដៃលោកអ្នកកុំឱ្យប៉ះទង្គិច ឬកកិតញឹកញាប់ពេកជាមួយនឹងវត្ថុរឹងផ្សេងៗ ។ ចៀសវាងធ្វើការងារណាធ្ងន់ៗដោយប្រើដៃផ្ទាល់ គួរតែពាក់ស្រោមដៃការពារ រាល់ពេលលោកអ្នកធ្វើការងារផ្សេងៗដោយប្រើដៃ ។ លោកអ្នកអាចប្រើប្រាស់ក្រែមផ្តល់សំណើមលើបាតដៃបើវាស្ងួត ។ គួរចាំថា ស្នាមក្រិននៅលើបាតដៃមិនមែនជាជំងឺដែលចាំបាច់ត្រូវតែព្យាបាលទេ វាជាប្រតិកម្មដើម្បីការពាររបស់ស្បែក ៕
ចែករំលែកព័តមាននេះ