ធនាគារ ជីបម៉ុង សាខាព្រះនរោត្តមចាប់ផ្ដើមដំណើរការជាផ្លូវការហើយ
- ភ្នំពេញ
រាជធានីភ្នំពេញ ៖ ធនាគារ ជីប ម៉ុង ខមមើសល ប៊ែង ត្រូវបានសម្ពោធដាក់ឲ្យដំណើរការជាផ្លូវការនៅថ្ងៃទី១៤ ខែកុម្ភៈ ឆ្នាំ២០១៩…
រាជធានីភ្នំពេញ ៖ ធនាគារ ជីប ម៉ុង ខមមើសល ប៊ែង ត្រូវបានសម្ពោធដាក់ឲ្យដំណើរការជាផ្លូវការនៅថ្ងៃទី១៤ ខែកុម្ភៈ ឆ្នាំ២០១៩…
រាជធានីភ្នំពេញ ៖ ធនាគារ ជីប ម៉ុង ខមមើសល ប៊ែង ត្រូវបានសម្ពោធដាក់ឲ្យដំណើរការជាផ្លូវការនៅថ្ងៃទី១៤ ខែកុម្ភៈ ឆ្នាំ២០១៩ ។ ធនាគារ ជីប ម៉ុង ខមមើសល ប៊ែង សាខាព្រះនរោត្តមដែលជាសាខាទីពីរថ្មី នៅតាមមហាវិថីព្រះនរោត្តម កែងផ្លូវសម្តេចប៉ាន សង្កាត់បឹងរាំង ខណ្ឌដូនពេញ បានដំណើរការបន្ថែមនៅថ្ងៃទី១៤ ខែកុម្ភៈ ស្របពេលកម្ពុជាមានការវិវឌ្ឍឥតឈប់ឈរនៃវិស័យបច្ចេកវិទ្យាហិរញ្ញវត្ថុ និងកំណើននៃចំនួនប្រតិបត្តិការ ក៏ដូចជាទំហំទឹកប្រាក់នៃសេវាធនាគារអេឡិចត្រូនិក ។
ក្នុងឱកាសនៃការដាក់សម្ពោធដំណើរការជាផ្លូវការ ធនាគារ ជីប ម៉ុង ខមមើសល ប៊ែង សាខាព្រះនរោត្តម អតិថិនជនទាំងអស់នឹងរីក រាយទទួលបានឱកាសពិសេស អាចជ្រើសរើសលេខគណនីពិសេសចំនួន៨ខ្ទង់ សម្រាប់ការបើកគណនីណាមួយរបស់ខ្លួន។
ធនាគារ ជីប ម៉ុង ខមមើសល ប៊ែង បានផ្តោតសំខាន់យ៉ាងពិសេសលើការប្រើប្រាស់ប្រព័ន្ធ បច្ចេកវិទ្យាឌីជីថលសុទ្ធសាធ សម្រាប់ប្រតិបត្តិ ការហិរញ្ញវត្ថុផ្សេងៗ ដោយចាប់តាំងពីការបើកគណនីធនាគារ រហូតដល់ការទូទាត់ផ្សេងៗ ក្នុងការប្រើប្រាស់ប្រចាំថ្ងៃ ។ ជាងនេះទៀត លក្ខណៈពិសេសនៃធនាគារ ជីប ម៉ុង ខមមើសល ប៊ែង នឹងបម្រើសេវាកម្មហិរញ្ញវត្ថុបែបឌីជីថលដ៏សម្បូរបែប សម្រាប់បំពេញតម្រូវការ ហិរញ្ញវត្ថុដល់អតិថិជន ដែលអនុញ្ញាតឲ្យអតិថិជនទទួលបានលើសពីសេវា ដែលផ្តល់ជូនតាមរយៈដៃគូសហការពាណិជ្ជកម្មរបស់យើង។
ធនាគារ ជីប ម៉ុង ខមមើសល ប៊ែង បានឈានជើងចូលក្នុងវិស័យធនាគារប្រកបដោយទំនុកចិត្តក្នុងទីផ្សារប្រទេសកម្ពុជា ស្របពេលដែលរបាយការណ៍ធនាគាជាតិនៃកម្ពុជាប្រចាំ ឆ្នាំ២០១៨ បានបង្ហាញថា ទំហំនៃប្រតិបត្តិការនៃសេវាធនាគារអេឡិចត្រូនិកដែលបានប្រើ ប្រាស់បច្ចេកវិទ្យាហិរញ្ញវត្ថុ មានរហូតតដល់ជាង៩.៦០០លានដុល្លារសហរដ្ឋអាមេរិក ។
ធនាគារ ជីប ម៉ុង ខមមើសល ប៊ែង ដែលជាពាណិជ្ជកម្មទី១២នៃក្រុមហ៊ុន ជីប ម៉ុង ផ្តោតសំខាន់លើការប្រើប្រាស់ប្រព័ន្ធឌីជីថល និងបច្ចេកវិទ្យាទំនើប ដើម្បីបម្រើនិងផ្តល់សេវាកម្មទៅដល់អតិថិជនរបស់ខ្លួន ដែលឆ្លុះបញ្ចាំងនូវការវិវឌ្ឍធំមួយទៀត ក្នុងការធ្វើទំនើបកម្មលើវិស័យធនាគារ ដែលជាចំណែកចូលរួមយ៉ាងសំខាន់ក្នុងការអភិវឌ្ឍប្រព័ន្ធសេវាកម្មធនាគារឲ្យកាន់តែសម្បូរបែប មានប្រសិទ្ធភាពនិងប្រសិទ្ធផលខ្ពស់និងភាពងាយស្រួលជាងមុន ៕ ដោយសហការ
ចែករំលែកព័តមាននេះ