ខេត្តស្ទឹងត្រែង ៖ មនុស្សប្រុសស្រីចំនួនបីនាក់ត្រូវគេរាយការណ៍ថា បានស្លាប់ដោយសារឃាតករលាក់មុខផ្តាច់ជីវិតក្នុងរយៈពេល២ថ្ងៃបន្តបន្ទាប់ នៅក្រុងស្ទឹងត្រែង ចាប់ពីថ្ងៃទី១៣ និង១៤កុម្ភៈ ២០១៩ ។
ប្រភពព័ត៌មានអោយដឹងថា ការស្លាប់ និងរបួសរបស់មនុសប្រុសស្រីខាងលើ ជាករណីដ៏រន្ធត់សម្រាប់គ្រួសារនៃសពដោយសារខ្វះការប្រុងប្រយ័ត្ននៅគ្រាបញ្ជាយាន្តលើដងផ្លូវ ហេតុការន៍នេះកើតឡើងកាលពីវេលាម៉ោង៩និង១៥នាទីថ្ងៃទី១៣ កុម្ភៈ២០១៩ ដែលបុរសម្នាក់ឈ្មោះ មករា អាយុ២៥ឆ្នាំ ទីលំនៅក្រុងស្ទឹងត្រែងបានស្លាប់ ខណៈបញ្ជូនដល់មន្ទីរពេទ្យបង្អែកខេត្តស្ទឹងត្រែងជាអ្នករួមដំណើរជាមួយលោក ចក់ ធឿន អាយុ៤៥ឆ្នាំ គយរដ្ឋាករប្រចាំច្រកទ្វាអន្តរជាតិត្រពាំងគ្រាល របួសធ្ងន់ជាអ្នកបើកបររថយន្តម៉ាកតាកូម៉ា ពណ៌ខ្មៅ ពាក់ផ្លាក់លេខ ភ្នំពេញ ២Y- ២៣០៧ក្នុងគោលចេញពីទីរួមខេត្តស្ទឹងត្រែងទៅកាន់ច្រកទ្វារត្រពាំងគ្រាល តាមបណ្ដោយផ្លូវជាតិលេខ៧ ដោយខ្វះការប្រុងប្រយ័ត្នបង្កអោយក្រឡាប់រថយន្ត នៅចំណុចត្រពាំងគ្រាល ស្ថិតនៅភូមិខាំផាន់ សង្កាត់សាមគ្គី ក្រុងស្ទឹងត្រែង ។
ក្រោយកើតហេតុបច្ចុប្បន្នមន្ត្រីគយរដ្ឋាករខាងលើកំពុងស្ថិតក្រោមការសម្រាកព្យាបាលនៅមន្ទីរពេទ្យ ចំណែកអ្នកស្លាប់ក្រុមគ្រួសារសាច់ញាតិធ្វើបុណ្យតាមប្រពៃណីនៅខេត្តស្ទឹងត្រែង។ ដោយឡែកនៅវេលាម៉ោង១៨និង១០នាទីថ្ងៃទី១៤ កុម្ភៈ ២០១៩ ដែលជាថ្ងៃបុណ្យនៃសេចក្តីស្រលាញ់ ក្មេងស្រីវ័យ៦ឆ្នាំមួយរូបបានផ្ទុះក្បាល ខណៈខ្ទាតចូលទៅក្រោមកងរថយន្ត ។
ប្រភពសាក្សីនៅនឹងកន្លែងរៀបរាប់ថា ក្នុងគ្រាកើតហេតុម៉ូតូមួយគ្រឿងរួមដំណើរគ្នាបីក្នុងគោលដៅពីត្បូងទៅជើងក្នុងកត្តាល្បឿនហើយក៏វាក់ និងរថយន្តបែនឆ្លងផ្លូវពីលិចទៅកើតជាន់ហ្វ្រាំងបង្ខំ បង្កអោយក្មេងស្រីរងគ្រោះធ្លាក់ពីលើម៉ូតូខ្ទាតចូលទៅក្រោមកងរថយន្តកិនស្លាប់មួយរំពេច ។ នគរបាលការិយាល័យចរាចរណ៍ជើងគោកអោយដឹងថា អ្នកបើកបររថយន្តបែនឈ្មោះ វ៉ាន់ សុផាត ភេទប្រុស អាយុ១៩ឆ្នាំ រស់នៅភូមិកោះហិប ឃុំអូស្វាយ ចំណែកអ្នកបើកម៉ូតូឈ្មោះ រៀម សុផល ភេទស្រី មុខរបសិស្ស អាយុ២០ឆ្នាំ រស់នៅភូមិកោះខឌិន សង្កាត់សាមគ្គី រួមដំណើរបីនាក់ធ្វើឲ្យកុមារីម្នាក់ស្លាប់ ។
ក្រោយកើតហេតុសពបានបញ្ជូនទៅធ្វើបុណ្យតាមប្រពៃណីនៅភូមិកំណើត ចំណែកតៃកុងរថយន្តរួមយានយន្តខាងលើ ត្រូវបញ្ជូនទៅការិយាល័យចរាចរណ៍ជើងគោក ដើម្បីដោះស្រាយតាមនីតិវិធី ។ នគរបាលចរាចរណ៍ដដែលបញ្ជាក់ថា ករណីគ្រោះថ្នាក់ចរាចរណ៍ខាងលើបង្កឡើងដោយកក្តាល្បឿនអ្នកបើកបរខ្វះការប្រុងប្រយ័ត្ន ៕
ចែករំលែកព័តមាននេះ