ខេត្តកណ្តាល ៖ ប្រទះឃើញបុរសម្នាក់បានចងកសម្លាប់ខ្លួននៅចំណុចដើមស្វាយក្រោយផ្ទះឈ្មោះម៉ិច មុន្នី ស្ថិតនៅភូមិអន្លង់តាសេកលើ ឃុំព្រែកអំបិល ស្រុកស្អាង ខេត្តកណ្តាល បានបង្កឱ្យមានការភ្ញាក់ផ្អើលកាលពីវេលាម៉ោង២ឈានចូលថ្ងៃទី១៤ ខែកុម្ភៈ…
ខេត្តកណ្តាល ៖ ប្រទះឃើញបុរសម្នាក់បានចងកសម្លាប់ខ្លួននៅចំណុចដើមស្វាយក្រោយផ្ទះឈ្មោះម៉ិច មុន្នី ស្ថិតនៅភូមិអន្លង់តាសេកលើ ឃុំព្រែកអំបិល ស្រុកស្អាង ខេត្តកណ្តាល បានបង្កឱ្យមានការភ្ញាក់ផ្អើលកាលពីវេលាម៉ោង២ឈានចូលថ្ងៃទី១៤ ខែកុម្ភៈ ឆ្នាំ២០១៩ ។
ជនរងគ្រោះដែលស្លាប់ឈ្មោះរិន រ៉ាវី ភេទប្រុស អាយុ២៥ឆ្នាំ មុខរបរកសិករ មានទីលំនៅភូមិឃុំកើតហេតុខាងលើ។
តាមប្រភពពីសាក្សីនៅកន្លែងកើតហេតុបានអោយដឹងថា កាលពីវេលាម៉ោង១រំលងអធ្រាត្រឈានចូលថ្ងៃទី១៤ ខែកុម្ភៈ ឆ្នាំ២០១៩ ជនរងគ្រោះអង្គុយនិយាយតែម្នាក់ឯងនៅក្រោមផ្ទះឈ្មោះម៉ិច មុន្នី (ត្រូវជាឪពុកមារបស់ជនរងគ្រោះ) ។ ដោយឃើញដូច្នេះ ឈ្មោះ ថាវ រិត ភេទប្រុស នៅផ្ទះជិតគ្នា ដែលមកពីដើរលេងក៏បានប្រាប់ទៅជនរងគ្រោះថា «ឈប់និយាយទៀតទៅ គេដេក កុំអោយរំខានគេ»។
លុះវេលាម៉ោង៦ព្រឹកថ្ងៃទី១៤ ខែកុម្ភៈ ឆ្នាំ២០១៩ ឈ្មោះភិន ផាត ភេទប្រុស អាយុ៣៣ឆ្នាំ បានដើរទៅខាងក្រោយផ្ទះរបស់ខ្លួន ក៏ប្រទះឃើញជនរងគ្រោះយកក្រមាចងកនៅលើដើមស្វាយ រួចក៏បានស្រែកផ្អើលឆោឡោ ហៅបងប្អូនឱ្យជួយដែរ តែជនរងគ្រោះបានស្លាប់បាត់ទៅហើយ។ បន្ទាប់មកក៏រាយការណ៍ទៅសមត្ថកិច្ចប៉ុស្តិ៍ព្រែកអំបិលដើម្បីឱ្យចុះមកពិនិត្យ ។
ក្រោយពីទទួលបានព័ត៌មានខាងលើភ្លាម កម្លាំងប៉ុស្តិ៍ និងកម្លាំងជំនាញពិនិត្យហេតុស្រុក ក្រុមប្រឹក្សាឃុំ លោកមេភូមិ និងពេទ្យឃុំ ធ្វើការពិនិត្យសព រកឃើញមានស្នាមជាំខ្មៅជុំវិញ.កដោយសារក្រមារឹត ក្រៅពីនោះពុំមានស្លាកស្នាមអ្វីគួរអោយកត់សំគាល់នោះឡើយ។ ក្រោយពីពិនិត្យរួច សមត្ថកិច្ចបានប្រគល់សពអោយក្រុមគ្រួសារយកធ្វើបុណ្យតាមប្រពៃណី ៕
ចែករំលែកព័តមាននេះ