រាជធានីភ្នំពេញ ៖ ស្របពេលដែលសម្តេចតេជោ ហ៊ុន សែន ប្រមុខរាជរដ្ឋាភិបាលបានកើនរំលឹក និងដាស់តឿនដល់យុវជនទាំងអស់ កុំឲ្យប្រព្រឹត្តទង្វើប្រាស់ចាកពីប្រពៃណី និងទំនៀមទម្លាប់ផូរផង់របស់ជាតិនៅក្នុងថ្ងៃ «ទិវានៃក្តីស្រឡាញ់»…
រាជធានីភ្នំពេញ ៖ ស្របពេលដែលសម្តេចតេជោ ហ៊ុន សែន ប្រមុខរាជរដ្ឋាភិបាលបានកើនរំលឹក និងដាស់តឿនដល់យុវជនទាំងអស់ កុំឲ្យប្រព្រឹត្តទង្វើប្រាស់ចាកពីប្រពៃណី និងទំនៀមទម្លាប់ផូរផង់របស់ជាតិនៅក្នុងថ្ងៃ «ទិវានៃក្តីស្រឡាញ់» ១៤ កុម្ភៈ ឬ Valentine Day នេះ ។
គេសង្កេតឃើញថា ទីតាំងលក់ផ្កាជុំវិញសាលារៀនរដ្ឋក៏ដូចជាឯកជនមិនមានដាក់លក់ផ្កាដូចបណ្តាលឆ្នាំមុនៗនោះទេ ហើយក្រុមយុវជន និងនារីៗមិនការចោមរោមទិញផ្កានោះដែរ រីឯសាលារៀនដំណើរការបង្រៀនជាធម្មតា នេះបើនិយាយតែសាលារៀនរដ្ឋ និងឯកជនទាំង១៥នៅក្នុងខណ្ឌដូនពេញ រាជធានីភ្នំពេញ ។
អ្នកគ្រូម្នាក់នៅវិទ្យាល័យ វត្តកោះ ក្នុងខណ្ឌដូនពេញ សុំមិនបង្ហាញឈ្មោះបានឲ្យដឹងថា ទិវានៃក្តីស្រលាញ់ ថ្ងៃទី១៤ ខែកុម្ភៈ ឆ្នាំ២០១៩ នៅតែទទួលបានការចាប់អារម្មណ៍ពីសំណាក់យុវវ័យនៅក្នុងប្រទេសកម្ពុជាហើយទិវានៃក្ដីស្រលាញ់នេះ ត្រូវបានយុវវ័យកម្ពុជាបង្ហាញពីការយល់ឃើញខុសៗគ្នា ខណៈអ្នកខ្លះចាត់ទុកថ្ងៃទី១៤ ខែកុម្ភៈ គ្រាន់តែថ្ងៃធម្មតា មិនសំខាន់ឡើយព្រោះ មិនមែនជាបុណ្យប្រពៃណីជាតិខ្មែរទេ ប៉ុន្តែអ្នកខ្លះទៀតចាត់ទុកថា ១៤ កុម្ភៈ គឺជាថ្ងៃសំខាន់សម្រាប់ពួកគេផងដែរ ។
ប៉ុន្តែទិវានៃក្តីស្រឡាញ់ឆ្នាំនេះឃើញថា យុវសិស្សទាំងប្រុសស្រីមិននាំគ្នាឈប់ការពីសិក្សានោះទេហើយការលក់ផ្កានៅជុំវិញសាលាគឺគ្មានតែម្តងម្យ៉ាងវិញទៀតក្រសួងអប់រំយុវជន និងកីឡាបានចេញសេចក្តីណែនាំដល់គ្រឹះស្ថានសិក្សាមាន៤ចំណុចដែលត្រូវ ធ្វើការផ្សព្វផ្សាយដល់ប្អូនសិស្សានុសិស្ស ។
ស្ត្រីលក់ផ្កានៅជាប់របងវត្តលង្កាតាមបណ្តោយវិថីព្រះសីហនុស្ថិតក្នុងសង្កាត់បឹងកេងកងទី១ ខណ្ឌចំការមន ហាមមិនឲ្យថតទីតាំងលក់ផ្កាបានឲ្យដឹងថា ចាប់តាំងពីម៉ោង៨ព្រឹកនាថ្ងៃទីវាក្តីស្រឡាញ់ ១៤ កុម្ភៈ អ្នកលក់ផ្កាក៏ដូចជាកាដូមិនសូវដាច់ប៉ុន្មាននោះទេវាធ្លាក់ចុះជាងឆ្នាំមុនទៅទៀត តែដោយសារស្តាយក្នុងលក់ផ្កាក្នុងថ្ងៃនេះជារៀងរាល់ឆ្នាំទៅហើយតែមកលក់ទៅ ៕
ចែករំលែកព័តមាននេះ