ខេត្តបាត់ដំបង ៖ សមត្ថកិច្ចបានរាយការណ៍ថា ជនមិនស្គាល់មុខបានគាស់សោទ្វារទីចាត់ការនៃសាលាបឋមសិក្សាគោកក្ដួច ដែលស្ថិតនៅក្នុងឃុំតាម៉ឺន ស្រុកថ្មគោល ហើយចូលលួចយកសម្ភារនិងគ្រឿងបរិក្ខាផ្សេងៗទៀតអស់គ្មានសល់ ។ សមត្ថកិច្ចបានឲ្យដឹងថា គេមិនទាន់ដឹងថា…
ខេត្តបាត់ដំបង ៖ សមត្ថកិច្ចបានរាយការណ៍ថា ជនមិនស្គាល់មុខបានគាស់សោទ្វារទីចាត់ការនៃសាលាបឋមសិក្សាគោកក្ដួច ដែលស្ថិតនៅក្នុងឃុំតាម៉ឺន ស្រុកថ្មគោល ហើយចូលលួចយកសម្ភារនិងគ្រឿងបរិក្ខាផ្សេងៗទៀតអស់គ្មានសល់ ។
សមត្ថកិច្ចបានឲ្យដឹងថា គេមិនទាន់ដឹងថា ជនសង្ស័យមានគ្នាប៉ុន្មាននាក់ ហើយក៏មិនទាន់ដឹងចោរបានចូលធ្វើសកម្មភាពនៅម៉ោងប៉ុន្មាននោះដែរ។ ប៉ុន្តែលោកនាយកសាលាបានដឹងនៅវេលាម៉ោង៩និង៣០នាទីព្រឹកថ្ងៃទី១៤ កុម្ភៈ ខណៈគាត់ទៅដល់សាលា ។
បើតាមលោកហង្ស ប៊ុនហៀង ជានាយកសាលាបឋមសិក្សានេះបាននិយាយថា គាត់មានការភ្ញាក់ផ្អើលយ៉ាងខ្លាំង ពេលចូលដល់ឃេីញទ្វារបន្ទប់ទីចាត់ការរបេីក ហើយឃើញមានស្នាមគាស់សោ ។ លុះចូលដល់ក្នុងបន្ទប់ស្រាប់តែបាត់សម្ភារនិងគ្រឿងបរិក្ខាផ្សេងៗទៀតអស់គ្មានសល់ ។
លោកនាយកបានប្រាប់ទៀតថា សម្ភារដែលបាត់បង់រួមមានទ្បេបថប់៣គ្រឿង, ម៉ាសុីនព្រីន១គ្រឿង, អំភ្លី១គ្រឿង, អំភ្លីបាស់១គ្រឿង, មេក្រូហ្វូន២, មេក្រូហ្វូន១គ្រឿង, ដែលសរុបទឹកប្រាក់អស់ចំនួន៥,៣៧លានរៀល។
ជុំវិញករណីនេះ សមត្ថកិច្ចក៏បានឲ្យដឹងដែរថា គេនៅមិនទាន់មានតម្រុយពីមុខសញ្ញាចោរនៅឡើយ តែកម្លាំងកំពុងស្រាវជ្រាវរកហើយ ។
ចែករំលែកព័តមាននេះ