សហរដ្ឋអាមេរិក-ចិន ៖ ដោយដកស្រង់ប្រភពនានា ទីភ្នាក់ងារព័ត៌មានBLOOMBERGអាមេរិករាយការណ៍នាថ្ងៃទី១៤កុម្ភៈថា ប្រធានាធិបតីអាមេរិកលោកដូណាល់ត្រាំ គ្រោងពន្យារពេលឱសានវាទកំណត់ឲ្យចិន ចុះហត្ថលេខាលើកិច្ចព្រមព្រៀងពាណិជ្ជកម្មមួយ រយៈពេល៦០ថ្ងៃទៀត បើពុំដូច្នោះទេនឹងដំឡើងពន្ធគយអាមេរិក ដល់ទំនិញចិន មានទឹកប្រាក់ដល់ទៅជាង២០០ពាន់លានដុល្លារ។
លោកត្រាំថ្លែងកាលពីថ្ងៃទី១២កុម្ភៈថា លោកចង់ពន្យារពេលបន្តិចទៀត ការកំណត់ត្រឹមថ្ងៃទី១ មីនា សម្រាប់កិច្ចចរចាពាណិជ្ជកម្មជាមួយក្រុងប៉េកាំង ទោះបីលោកពុំចង់ក្ដី។ លោកបន្តថាលោកសង្ឈឹមជួបជាមួយសមភាគីចិន លោកសីុជីនពីងដើម្បីចុះហត្ថលេខាជាផ្លូវការលើកិច្ចព្រមព្រៀងខណៈដល់ពេល។
អ្នកចរចាអាមេរិកបានមកដល់ក្រុងប៉េកាំងកាលពីថ្ងៃទី១២កុម្ភៈ ហើយចាប់ចរចាគ្នាជាមួយសមភាគីចិន។ ប្រសិនបើការចរចា ពុំុសម្រេចបានការសម្របសម្រួលគ្នាមួយ មុនថ្ងៃទី១មីនានាពាក់់កណ្ដាលយប់ទេ នោះអាមេរិកគំរាមដំឡើងពន្ធគយដល់២៥%មានទឹកប្រាក់២០០ពាន់លានដុល្លារ ទល់នឹងពេលនេះត្រឹម១០% ហើយចិនប្រាកដណាស់នឹងតបតវិញ៕
ចែករំលែកព័តមាននេះ