សម្លា.ប់ស្រីៗ១៦នាក់ហើយ គូររូបទុកមើលទៀត (មានវីដេអូ)
សហរដ្ឋអាមេរិក ៖ បើតាមភ្នាក់ងារ FBI អាមេរិកបានចេញផ្សាយកាលពីថ្ងៃទី១២ កុម្ភៈ រូបភាពរបស់នារីរងគ្រោះ១៦នាក់ ដែលត្រូវសម្លាប់ ដោយឃាតករអាមេរិកម្នាក់ មានឈ្មោះ…
សហរដ្ឋអាមេរិក ៖ បើតាមភ្នាក់ងារ FBI អាមេរិកបានចេញផ្សាយកាលពីថ្ងៃទី១២ កុម្ភៈ រូបភាពរបស់នារីរងគ្រោះ១៦នាក់ ដែលត្រូវសម្លាប់ ដោយឃាតករអាមេរិកម្នាក់ មានឈ្មោះ SAMUEL LITTLE ។ រូបភាពស្ត្រីរងគ្រោះទាំងនោះត្រូវបានឃាតកររូបនេះគូរទុកមើល។
FBI ថ្លែងប្រាប់ទូរទស្សន៍CNNថា ពួកអ្នកស៊ើបអង្កេតរបស់ខ្លួនសង្ឃឹមថា តាមរយៈរូបភាពទាំងនោះ សមាជិកគ្រួសារមួយ អ្នកជិតខាងម្នាក់ ឬមិត្តសម្លាញ់អាចស្គាល់ជនរងគ្រោះ ហើយផ្ដល់តម្រុយសំខាន់ៗ សម្រាប់ជួយដល់អាជ្ញាធរ ក្នុងការកំណត់អត្តសញ្ញាណរបស់ពួកគេ។
កាលពីឆ្នាំ២០១៤ជនឈ្មោះSAMUEL LITTLEទទួលការចោទប្រកាន់ ពីបទសម្លាប់ នារី៣នាក់ ប្រព្រឹត្តនៅរដ្ឋកាលីហ្វ័រនីញ៉ា រវាងឆ្នាំ១៩៨៧និង១៩៨៩។ ជននោះបានសារភាពចំពោះអំពើរបស់គេ ហើយត្រូវកាត់ទោសដាក់គុកអស់មួយជីវិត។ ប៉ុន្តែចាប់ពីខែឧសភាឆ្នាំ២០១៨មក ឃាតកររូបនោះបានរៀបរាប់ថា គេបានច្របាច់ករសម្លាប់នារីដល់ទៅច្រើននាក់ទៀត ជាអ្នកមានជីវភាពយ៉ាប់យ៉ឺន ក្នុងនោះភាគច្រើនជានារីរកសីុផ្លូវភេទឬញៀនថ្នាំ ក្នុងសហរដ្ឋអាមេរិក។
យោងតាមកាសែតឡូសអេនចឺឡេសថែមថា សរុបឃាតករនោះបានសារភាពថា រូបគេបានសម្លាប់មនុស្សដល់ទៅជិត៩០នាក់ ធ្វើឲ្យរូបគេក្លាយជាឃាតករសម្លាប់មនុស្សអស់ច្រើនបំផុតនៃប្រវត្តិសាស្ត្រអាមេរិក។ អាជ្ញាធរនិយាយថា មកទល់ពេលនេះ កំណត់ដឹងពីមនុស្សយ៉ាងតិច៣៦នាក់ ដែលត្រូវជននោះសម្លាប់។
ទោះបីយ៉ាងណាបណ្ដាការសារភាពលម្អិតទាំងឡាយរបស់ឃាតករ ក៏នៅតែមានការលំបាក ក្នុងការកំណត់ឲ្យដឹងអត្តសញ្ញាណជនរងគ្រោះទាំងអស់។ ព្រោះជនរងគ្រោះច្រើននាក់ជាជននៅក្រៅសង្គម ហើយការស្លាប់របស់ពួកគេ ពុំមែនជាកម្មវត្ថុនៃការស៊ើបអង្កេតមួយ។ នេះជាការបញ្ជាក់របស់ការិយាល័យFBI។ តែពេលនេះតាមរយៈរូបភាពជនរងគ្រោះ ដែលឃាតករបានគូរទុកមើល FBIសង្ឃឹមថាវានឹងជួយក្នុងការដោះស្រាយករណីមួយចំនួន។ យើងចង់ដឹងឈ្មោះរបស់នារីទាំងនេះ ព្រមទាំងសាច់ញាតិគ្រួសាររបស់ពួកគេដែលរង់ចាំចម្លើយចាប់តាំងពីយូរមកហើយ៕ ប្រភពវីដេអូ ៖ That Chapter
ចែករំលែកព័តមាននេះ