រាជធានីភ្នំពេញ ៖ ប្រទេសចិននៅថ្ងៃទី១៤ ខែកុម្ភៈ ឆ្នាំ២០១៩ នេះបានសម្រេចផ្តល់មូលនិធិគិតជាប្រាក់សរុបប្រមាណជាង៧,៦លានដុល្លារអាមេរិកដោយមានវត្តមានលោក វ៉ាង វិនធាន ឯកអគ្គរដ្ឋទូតនៃសាធារណរដ្ឋប្រជាមានិតចិនប្រចាំព្រះរាជាណាចក្រកម្ពុជា និងឯកឧត្តមឧបនាយករដ្ឋមន្ត្រី…
រាជធានីភ្នំពេញ ៖ ប្រទេសចិននៅថ្ងៃទី១៤ ខែកុម្ភៈ ឆ្នាំ២០១៩ នេះបានសម្រេចផ្តល់មូលនិធិគិតជាប្រាក់សរុបប្រមាណជាង៧,៦លានដុល្លារអាមេរិកដោយមានវត្តមានលោក វ៉ាង វិនធាន ឯកអគ្គរដ្ឋទូតនៃសាធារណរដ្ឋប្រជាមានិតចិនប្រចាំព្រះរាជាណាចក្រកម្ពុជា និងឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេស និងសហការប្រតិបត្តការអន្តរជាតិព្រមទាំងឯកឧត្តម ភ្ញៀវកិត្តិយស លោក លោកស្រី ដែលជាតំណាងក្រសួង-ស្ថាប័នអនុវត្តគម្រោងចំនួន១៦គម្រោង ។
ថ្លែងក្នុងពិធីចុះហត្ថលេខាលោកឧបនាយករដ្ឋមន្ត្រីបានមានប្រសាសន៍ថា ៖«ថ្ងៃនេះតាំងនាមរាជរដ្ឋាភិបាលកម្ពុជា ខ្ញុំមានសេចក្តីសោមនស្ស ដោយបានចុះហត្ថលេខាជាមួយ ឯកឧត្តម វ៉ាង វិន ធាន ឯកអគ្គរដ្ឋទូតនៃសាធារណរដ្ឋប្រជាមានិតចិនប្រចាំព្រះរាជាណាចក្រកម្ពុជា លើកិច្ចព្រមព្រៀងស្តីពីគម្រោងកិច្ចសហប្រតិបត្តិការសម្រាប់មូលនិធិពិសេសកិច្ចសហប្រតិបត្តិការមេគង្គ-ឡានឆាង ២០១៨ ។ គួរបញ្ជាក់ថា កាលពីឆ្នាំ២០១៧ ខ្ញុំមានសេចក្តីរីករាយ ដោយបានចុះហត្ថលេខាជាមួយ ឯកឧត្តម Xiong Bo អតីតឯកអគ្គរដ្ឋទូតចិន សម្រាប់គម្រោងចំនួន១៦ របស់កម្ពុជា ដែលគាំទ្រដោយមូលនិធិពិសេសកិច្ចសហប្រតិបត្តិការមេគង្គ-ឡានឆាង ២០១៧» ។
លោកឧបនាយករដ្ឋមន្ត្រីបានបញ្ជាក់ថា ៖«ខ្ញុំសូមថ្លែងអំណរគុណយ៉ាងជ្រាលជ្រៅចំពោះរដ្ឋាភិបាលសាធារណរដ្ឋប្រជាមានិតចិន ដែលបានអនុម័ត និងគាំទ្រផែ្នកហិរញ្ញវត្ថុដល់គម្រោងរបស់កម្ពុជាចំនួន១៩ គាំទ្រដោយមូលនិធិពិសេសកិច្ចសហប្រតិបត្តិការមេគង្គ-ឡានឆាង ២០១៨ ដែលមានថវិកាសរុបចំនួន៧,៦៦លានដុល្លារអាមេរិក» ។
លោកឧបនាយករដ្ឋមន្ត្រីបន្តថា៖ចាប់តាំងពីការបង្កើតកិច្ចសហប្រតិបត្តិការមេគង្គ-ឡានឆាង ប្រទេសកម្ពុជាបានទទួលគម្រោងសរុបចំនួន៣៥ដែលមានវិសាលភាពគ្របដណ្តប់លើសកម្មភាពកិច្ចសហប្រតិបត្តិការក្នុងវិស័យកសិកម្ម ទេសចរណ៍ បច្ចេកទេសព័ត៌មានវិទ្យា អប់រំនិងស្រាវជ្រាវ ធនធានទឹក អភិវឌ្ឍន៍ជនបទ ការតភ្ជាប់ផ្លូវអាកាស ការផ្លាស់ប្តូរផ្នែកវប្បធម៌ និងសាសនា ។ គម្រោងមួយចំនួនត្រូវបានបញ្ចប់ជាស្ថាពរ និងគម្រោងដែលនៅសល់ផ្សេងទៀត ជិតត្រូវបានបញ្ចប់ ឬមានវឌ្ឍនភាពគួរឲ្យសម្គាល់ ៕
ចែករំលែកព័តមាននេះ