ការបំបៅកូនដោយទឹកដោះអាចជួយកាត់បន្ថយហានិភ័យនៃការធាត់លើសទម្ងន់សម្រាប់ក្មេងអាយុចន្លោះពី៥ឆ្នាំដល់៨ឆ្នាំបានពាក់កណ្តាល ។ ការសិក្សាដែលបានពិសោធលើក្មេងៗជនជាតិជប៉ុន៤ម៉ឺន៣ពាន់នាក់បង្ហាញទៀតថា ប្រសិនជាការបំបៅមានរយៈពេល៦ខែ នោះអត្រាធាត់លើសទម្ងន់អាចកាត់បន្ថយបានប្រមាណ១៥ភាគរយ ។
ការបំបៅកូនដោយទឹកដោះអាចជួយកាត់បន្ថយហានិភ័យនៃការធាត់លើសទម្ងន់សម្រាប់ក្មេងអាយុចន្លោះពី៥ឆ្នាំដល់៨ឆ្នាំបានពាក់កណ្តាល ។ ការសិក្សាដែលបានពិសោធលើក្មេងៗជនជាតិជប៉ុន៤ម៉ឺន៣ពាន់នាក់បង្ហាញទៀតថា ប្រសិនជាការបំបៅមានរយៈពេល៦ខែ នោះអត្រាធាត់លើសទម្ងន់អាចកាត់បន្ថយបានប្រមាណ១៥ភាគរយ ។
វេជ្ជបណ្ឌិត Michiyo Yamakawa អ្នកដឹកនាំការស្រាវជ្រាវមកពីសាកលវិទ្យាល័យ Okayama University ក្រុងអូកាយ៉ាម៉ា ប្រទេសជប៉ុនបានថ្លែងថា ការបំបៅដោះជាប់ពាក់ព័ន្ធនឹងការធ្វើឱ្យថយចុះនូវអត្រាប្រឈមការធាត់លើសទម្ងន់ក្នុងចំណោមក្មេងៗសិស្សសាលាជប៉ុន ។
លោកបន្តថា៖ «ហេតុដូច្នេះ វាជាកិច្ចការល្អប្រសើរដែលត្រូវលើកទឹកចិត្តឱ្យមានការបំបៅកូនដោយទឹកដោះក្នុងបណ្តាប្រទេសអភិវឌ្ឍជឿនលឿន»។ដោយឡែក នៅក្នុងការសិក្សាស្រាវជ្រាវកាលពីលើកមុនក៏បានបង្ហាញផងដែរថា ទឹកដោះម្តាយអាចជួយការពារកូនប្រឆាំងនឹងជំងឺក្រពះ ជំងឺហឺត អាលែរហ្ស៊ី និងជំងឺរលាកប្រព័ន្ធផ្លូវដង្ហើម ៕
ចែករំលែកព័តមាននេះ