រាជធានីភ្នំពេញ ៖ នគរបាលប៉ុស្តិ៍ទួលសង្កែទី២ បានឃាត់ខ្លួនបុរសម្នាក់បន្ទាប់ពីជននេះ ធ្វើសកម្មភាពចាប់រំលោភក្មេងស្រីអាយុ១៤ឆ្នាំម្នាក់បានសម្រេច រួចទៅសម្ងំដេកនៅក្នុងបន្ទប់ជួលរបស់ក្មួយធ្វើមិនដឹង ។ ជននេះ បានត្រូវនគរបាលចាប់ខ្លួន កាលពីវេលាម៉ោងប្រមាណ៣និង២០នាទីរសៀលថ្ងៃទី១២…
រាជធានីភ្នំពេញ ៖ នគរបាលប៉ុស្តិ៍ទួលសង្កែទី២ បានឃាត់ខ្លួនបុរសម្នាក់បន្ទាប់ពីជននេះ ធ្វើសកម្មភាពចាប់រំលោភក្មេងស្រីអាយុ១៤ឆ្នាំម្នាក់បានសម្រេច រួចទៅសម្ងំដេកនៅក្នុងបន្ទប់ជួលរបស់ក្មួយធ្វើមិនដឹង ។ ជននេះ បានត្រូវនគរបាលចាប់ខ្លួន កាលពីវេលាម៉ោងប្រមាណ៣និង២០នាទីរសៀលថ្ងៃទី១២ កុម្ភៈ នៅបន្ទប់ជួលក្បែរកន្លែងកើតហេតុ ស្ថិតក្នុងសង្កាត់ទួលសង្កែទី២ ខណ្ឌឫស្សីកែវ បន្ទាប់ពីម្តាយក្មេងស្រីបានប្តឹងនគរបាលឱ្យជួយអន្តរាគមន៍ ។
មន្ត្រីនគរបាលឱ្យដឹងថា ជនខាងលើឈ្មោះ សុខ វែង អាយុ៣៣ឆ្នាំ ជាកម្មករ ស្នាក់នៅផ្ទះជួលក្នុងសង្កាត់ចោមចៅ៣ ខណ្ឌពោធិ៍សែនជ័យ ។ នៅមុនពេលកើតហេតុ ក្មេងស្រីនៅផ្ទះតែម្នាក់ឯង និងកំពុងលេងទូរស័ព្ទ ។ ឯជនសង្ស័យដែលធ្វើដំណើរទៅរកការងារធ្វើនិងស្នាក់នៅផ្ទះក្មួយក្បែរកន្លែងកើតហេតុ មករកសុំខ្ទឹម.សក៏បានចូលទៅក្នុងបន្ទប់ក្មេងស្រីចាប់ខ្ទប់មាត់ និងធ្វើសកម្មភាពចាប់រំលោភរហូតបានសម្រេច ។
តាមព័ត៌មានឱ្យដឹងថា បន្ទាប់ពីចាប់រំលោភក្មេងស្រីរួច ជននេះក៏បានដើរចេញពីបន្ទប់ ទៅសម្ងំដេកក្នុងបន្ទប់របស់ក្មួយនៅក្បែរនោះ ។ លុះពេលម្តាយក្មេងស្រីមកដល់ ក៏បង្កឱ្យមានការភ្ញាក់ផ្អើលឡើង ហើយ
នាំគ្នាទៅចាក់សោបន្ទប់ដែលជននេះស្នាក់នៅពីក្រៅ ទើបប្តឹងនគរបាលប៉ុស្តិ៍ ឱ្យជួយអន្តរាគមន៍ឃាត់ខ្លួនតែម្តង ៕
ចែករំលែកព័តមាននេះ