តាមប្រភពពី The Sun បានឱ្យដឹងថា ដំណេកបានជួយដល់ប្រព័ន្ធភាពស៊ាំការពាររាងកាយ ប្រឆាំងនឹងវីរុស និងកោសិកាមហារីក នេះបើតាមការអះអាងរបស់អ្នកវិទ្យាសាស្ត្រ ។ ក្រុមអ្នកវិទ្យាសាស្ត្របានធ្វើការសង្កេតទៅលើកោសិកា T ដែលជាកោសិកាទៅភ្ជាប់ខ្លួននឹងកោសិកាឆ្លងរោគដើម្បីសម្លាប់វា ក្នុងអ្នកដែលស្ម័គ្រចិត្តមកដេក និងអ្នកដែលមិនដេកពេលយប់ទាល់តែសោះ ។
អ្នកដែលបានដេកពេញលេញ មានកម្រិតសារធាតុប្រូតេអ៊ីនគ្រប់គ្រាន់ សម្រាប់ឱ្យកោសិកា T កាន់តែរឹងមាំ ។ លោកវេជ្ជបណ្ឌិត Luciana Besedovsky ដែលជាអ្នកសហការស្រាវជ្រាវបានប្រាប់ថា «ការរកឃើញរបស់យើងបង្ហាញថា ដំណេកមានឥទ្ធិពលក្នុងការពង្រឹងការឆ្លើយតបរបស់កោសិកា T ។ វាខុសគ្នាទៅនឹងអ្នកដេកមិនគ្រប់ ដែលមានជំងឺធ្លាក់ទឹកចិត្ត ស្ត្រេសជាប្រចាំ អាយុកាន់តែចាស់ និងធ្វើការពេលយប់» ។
ការសិក្សានេះ បានបោះផ្សាយនៅក្នុង Journal of Experimental Medicine ដែលបានពន្យល់ពីការប្រឆាំងនឹងជំងឺតាមរយៈការទទួលទានដំណេក ។
ចែករំលែកព័តមាននេះ