តាមប្រភពពី Shanghaiist បានឱ្យដឹងថា បុរសអាយុ៦៣ឆ្នាំម្នាក់ បានដួលសន្លប់បាក់ឆ្អឹងកញ្ចឹង.ក ក្រោយពីត្រូវឆ្កែរបស់ខ្លួនទទួលស្វាគមន៍ហក់ពីលើផ្ទះជាន់ទីមួយ មកចំពីលើពេញមួយទំហឹង ។ លោក Li បានមកផ្ទះវិញកាលពីថ្ងៃទី៩ កុម្ភៈ វិញ ក្រោយពីទៅលេងគ្រួសារនៅថ្ងៃបុណ្យចូលឆ្នាំចិន ។
ពេលនោះ គ្រាន់តែលោកមកដល់ភ្លាម ក៏ត្រូវឆ្កែរបស់គាត់ដែលជាពូជ Husky បានព្រុសទទួលស្វាគមន៍ពីជាន់ទីមួយ ។ មិនត្រឹមតែប៉ុណ្ណោះ វាបានលោតចុះពីជាន់ទីមួយមកលើម្ចាស់របស់វា ដែលធ្វើឱ្យគាត់ត្រូវគេបញ្ជូនទៅមន្ទីរពេទ្យជាបន្ទាន់ ។
ជាមួយនឹងទម្ងន់ដល់ទៅ៣០គីឡូក្រាម Husky ដ៏គួរឱ្យស្រឡាញ់មួយនេះ បានធ្វើឱ្យម្ចាស់របស់វាសន្លប់បានស្មារតី និងត្រូវបញ្ជូនទៅមន្ទីរពេទ្យក្នុងទីក្រុង Chenzhou ខេត្ត Hunan ដែលវេជ្ជបណ្ឌិតបានរកឃើញថា ឆ្អឹងកងករបស់លោក Li បានបាក់ ខណៈដែលឆ្អឹងកងខ្នងត្រូវបានភ្លាត់។ គេក៏បានធ្វើការវះកាត់ជូនភ្លាម។
ពេលកំពុងដេកលើគ្រែពេទ្យ លោក Li និយាយថា មិនបានប្រកាន់ឆ្កែរបស់ខ្លួននោះទេ។ តែលោកនឹងប្រុងប្រយ័ត្ននៅពេលក្រោយ ។
ចែករំលែកព័តមាននេះ