ពហុស្សូតលោកមិនដែលអប់រំឱ្យមនុស្សដើរផ្លូវខុសទេ បុគ្គលដែលចូលទៅរក ចូលទៅសេពគប់នឹងបានផលច្រើន។ ចំណែកពួកជនពាល កាលបើបុគ្គលចូលទៅសេពគប់ហើយ ក៏នឹងជួបនូវគ្រោះអាក្រក់ផ្សេងៗដូចនាំខ្លួនឱ្យដល់នូវសេចក្តីវិនាស ព្រោះពួកពាល ប្រៀបដូចជាសាកសពដែលសង្គមស្អប់ខ្ពើម។ បុគ្គលណាសេពគប់នឹងជនពាល បុគ្គលនោះដូចយកខ្លួនទៅប្រឡាក់នឹងសាកសពដ៏ស្អុយអសោចិ៍…
ពហុស្សូតលោកមិនដែលអប់រំឱ្យមនុស្សដើរផ្លូវខុសទេ បុគ្គលដែលចូលទៅរក ចូលទៅសេពគប់នឹងបានផលច្រើន។ ចំណែកពួកជនពាល កាលបើបុគ្គលចូលទៅសេពគប់ហើយ ក៏នឹងជួបនូវគ្រោះអាក្រក់ផ្សេងៗដូចនាំខ្លួនឱ្យដល់នូវសេចក្តីវិនាស ព្រោះពួកពាល ប្រៀបដូចជាសាកសពដែលសង្គមស្អប់ខ្ពើម។
បុគ្គលណាសេពគប់នឹងជនពាល បុគ្គលនោះដូចយកខ្លួនទៅប្រឡាក់នឹងសាកសពដ៏ស្អុយអសោចិ៍ បានជាទីស្អប់ខ្ពើមនៃមហាជនផងទាំងពួង ។
អ្នកប្រាជ្ញប្រៀបដូចជា គ្រឿងក្រអូបមានខ្លឹមក្រស្នានិងផ្កាមាលាជាដើម កាលបើបុគ្គលសេពគប់ជាមួយនឹងបណ្ឌិតប្រៀបដូចជានាំខ្លួនទៅរកសេចក្តីសុខ សេចក្តីចម្រើន ហើយខ្លួនប្រាណជាប់ទៅដោយគ្រឿងក្រអូប ជាអ្នកគួរសរសើរ គួរជាទីពេញចិត្តនៃពួកវិញ្ញូជន ។
សេចក្តីនេះលោកចង់បញ្ជាក់ថា បើយើងចូលទៅសេពគប់នូវបុគ្គលណាហើយ រមែងនឹងមានបុគ្គលនោះជាគំរូ ជាគតិរបស់យើងដោយពិតមិនអាចឃ្វាងបានឡើយ មានន័យថាសេពគប់ពាល នឹងមានចិត្តគំនិតពាល បើចូលទៅសេពគប់បណ្ឌិត ក៏បានសុខចម្រើន ។
ចែករំលែកព័តមាននេះ