រាជធានីភ្នំពេញ ៖ បន្ទាប់ពីបានទទួលអាជ្ញាបណ្ណពីធនាគារជាតិនៃកម្ពុជាដើម្បីដាក់ឲ្យដំណើរការទីស្នាក់ការកណ្តាលរបស់ខ្លួនកាលពីពេលកន្លងទៅថ្មីៗនេះ ធនាគារ ជីប ម៉ុង ខមមើសល ប៊ែង ដាក់ឲ្យដំណើរការសាខាថ្មីរបស់ខ្លួនបន្ថែមទៀតនាថ្ងៃទី១៤ ខែកុម្ភៈ…
រាជធានីភ្នំពេញ ៖ បន្ទាប់ពីបានទទួលអាជ្ញាបណ្ណពីធនាគារជាតិនៃកម្ពុជាដើម្បីដាក់ឲ្យដំណើរការទីស្នាក់ការកណ្តាលរបស់ខ្លួនកាលពីពេលកន្លងទៅថ្មីៗនេះ ធនាគារ ជីប ម៉ុង ខមមើសល ប៊ែង ដាក់ឲ្យដំណើរការសាខាថ្មីរបស់ខ្លួនបន្ថែមទៀតនាថ្ងៃទី១៤ ខែកុម្ភៈ ឆ្នាំ២០១៩ ស្របពេលកម្ពុជាមានការវិវត្តឥតឈប់ឈរនៃវិស័យបច្ចេកវិទ្យាហិរញ្ញវត្ថុ និងធនាគារ។
ធនាគារ ជីបម៉ុង ខមមើសល ប៊ែង សាខាព្រះនរោត្តមនេះនឹងមានទីតាំងស្ថិតនៅអគារលេខ៩៩ តាមបណ្តោយមហាវិថីព្រះនរោត្តម សង្កាត់ផ្សារថ្មី៣ ខណ្ឌដូនពេញ រាជធានីភ្នំពេញ។ ធនាគារ ជីបម៉ុង ខមមើសលប៊ែង សាខាព្រះនរោត្តមនេះ នឹងមានទីតាំងធំទូលាយ ស្ថិតនៅចំណុចកណ្តាលនៃសង្កាត់ពាណិជ្ជកម្មដែលអាចបម្រើសេវា កម្មជូនអតិថិជនប្រកបដោយភាពងាយស្រួល ឆាប់រហ័ស និងប្រកបដោយផាសុកភាព។
ធនាគារ ជីប ម៉ុង ខមមើសល ប៊ែង បានជ្រើសរើសយកប្រព័ន្ធឌីជីថលឈានមុខគេជាយុទ្ធសាស្ត្រគោលដំបូងរបស់ខ្លួនបង្អស់ក្នុងប្រទេសកម្ពុជា និងការបានផ្តល់សេវាធានាគារអេឡិចត្រូនិកដែលមិនប្រើប្រាស់សាច់ប្រាក់មានភាពរលូន និងងាយស្រួលដោយ មិនចាំបាច់ប្រើប្រាស់កាត កាត់បន្ថយការប្រើប្រាស់សាច់ប្រាក់ផ្ទាល់ និងមានភាពរលូន មានសុវត្ថិភាពជាងគេរាល់ប្រតិបត្តិការហិរញ្ញវត្ថុ។
ការបោះជំហានចូលប្រឡូកក្នុងវិស័យហិរញ្ញវត្ថនៃធនាគារ ជីប ម៉ុង ខមមើសល ប៊ែង ក៏ដូចជាការពង្រីកសាខារបស់ខ្លួនបានបង្ហាញថា ធនាគារ ជីប ម៉ុង ខមមើសល ប៊ែង បាននិងកំពុងតែដើរតួនាទីយ៉ាងសកម្មក្នុងការគាំទ្រ ដល់ការរីកលូតលាស់នៃវិស័យបច្ចេកវិទ្យាហិរញ្ញវត្ថុដែលនឹងចូលរួមចំណែកជួយឲ្យកម្ពុជាសម្រេចគោលដៅជាប្រទេសសេដ្ឋកិច្ចឌីជីថល ក្នុងឆ្នាំ២០២៣។
គួរបញ្ជាក់ថា ធនាគារ ជីប ម៉ុង ខមមើសលប៊ែង គឺជាពាណិជ្ជកម្មទី១២ របស់ក្រុមហ៊ុន ជីប ម៉ុង ដែលបានទទួលអាជ្ញាប័ណ្ណពីធនាគារជាតិនៃកម្ពុជា ក្នុងកម្មវិធីសម្ពោធជាផ្លូវការ កាលពីថ្ងៃទី២១ ខែមករា ឆ្នាំ២០១៩៕ ដោយសហការ
ចែករំលែកព័តមាននេះ