ខេត្តកំពត ៖ តាមសេចក្តីរាយការណ៍បឋមបានឲ្យដឹងថា បុរសមានវ័យជំណាស់ម្នាក់ត្រូវបានធ្លាក់ពីលើភ្នំមួយឈ្មោះ ភ្នំដំរី ហើយបានស្លាប់នៅនឹងកន្លែង កាលពីវេលាម៉ោង៩ព្រឹក ថ្ងៃទី១២ កុម្ភៈនេះ ។…
ខេត្តកំពត ៖ តាមសេចក្តីរាយការណ៍បឋមបានឲ្យដឹងថា បុរសមានវ័យជំណាស់ម្នាក់ត្រូវបានធ្លាក់ពីលើភ្នំមួយឈ្មោះ ភ្នំដំរី ហើយបានស្លាប់នៅនឹងកន្លែង កាលពីវេលាម៉ោង៩ព្រឹក ថ្ងៃទី១២ កុម្ភៈនេះ ។
សេចក្តីរាយការណ៍បានបន្តថា បុរសខាងលើនេះមានឈ្មោះ សូត្រ សិត អាយុ៥២ឆ្នាំ នៅភូមិភ្នំដំរី ឃុំដំណាក់កន្ទួត ខាងជើង ស្រុកកំពង់ត្រាច ខេត្តកំពត ។
លោករត្ន័ សំអាង អធិការរងទទួលផែនព្រមហ្មទណ្ឌនគរបាលស្រុកកំពង់ត្រាចបាននិយាយប្រាប់អោយដឹងថា បុរសរងគ្រោះបានឡើងទៅគាស់ដុំថ្ម នៅភ្នំដំរីជាមួយក្រុមអ្នកភូមិផ្សេងទៀតជាច្រើននាក់ ខណៈពេលដែលជនរងគ្រោះកំពង់គាស់ដុំថ្ម ស្រាប់តែគាត់បានរអិលជើងបណ្ដាលអោយធ្លាក់មកពីលើភ្នំមិនខ្ពស់ប៉ុន្មានទេ តែជនរងគ្រោះត្រូវបានបោកក្បាលស្លាប់នៅនិងដុំថ្មធំមួយ ។
ទោះជាបែបណាអាជ្ញាធរស្រុកបានដាក់បម្រាបហាមដល់ពួកអ្នកស្រុកមិនអោយឡើងទៅដាក់រំសេវបំផ្ទុះបំបែកផ្ទាំងថ្មទេ ដោយខ្លាចមានគ្រោះថ្នាក់ ។ គេបានដឹងថា គ្រាន់តែនៅជិតភ្នំរមណីដ្ឋានទេសចរណ៍កំពង់ត្រាចមានការដ្ឋានម៉ាស៊ីនកិនថ្មខ្នាតមធ្យមចំនួន៦កន្លែងផ្សេងៗគ្នា ។ ហើយពួកអ្នកស្រុកនាំគ្នាឡើងទៅវាយថ្មនោះក៏យកមកលក់អោយអ្នកធ្វើអាជីវកម្មកិនថ្មនោះដែរ ៕
ចែករំលែកព័តមាននេះ