តាមប្រភពព័ត៌មាន The Sun បានឱ្យដឹងថា ជើងខ្លាំងក្លិបសេះបង្កង់ Cristiano Ronaldo រីករាយសប្បាយចិត្តជាខ្លាំងក្រោយពីដឹងថា បងស្រីបង្កើតរបស់ខ្លួនមានផ្ទៃពោះក្នុងវ័យ៤១ឆ្នាំដែលជាកូនទី៣ក្នុងគ្រួសារ ។…
តាមប្រភពព័ត៌មាន The Sun បានឱ្យដឹងថា ជើងខ្លាំងក្លិបសេះបង្កង់ Cristiano Ronaldo រីករាយសប្បាយចិត្តជាខ្លាំងក្រោយពីដឹងថា បងស្រីបង្កើតរបស់ខ្លួនមានផ្ទៃពោះក្នុងវ័យ៤១ឆ្នាំដែលជាកូនទី៣ក្នុងគ្រួសារ ។
បងស្រី Ronaldo ឈ្មោះ Katia Aveiro បានប្រកាសនៅក្នុង Instagram ថា នាងនឹងទទួលស្វាគមន៍ការមកដល់របស់កូនទី៣ នៅក្នុងវ័យ៤១ឆ្នាំ ។ នាងមានកូន២នាក់រួចមកហើយជាមួយនឹងប្តីមុន Jose Pereira ដែលកូនទី១ឈ្មោះ Rodrigo មានអាយុ១៨ឆ្នាំ និងកូនទី២ឈ្មោះ Dinis Maria អាយុ៨ឆ្នាំ ។
នាងបានប្រាប់ថា ផ្ទៃពោះនេះគឺជារបស់នាង និងគូស្នេហ៍របស់នាងឈ្មោះ Alexandre Bertolucci Jr.។ នាងនិយាយថា៖«ខ្ញុំមិនភ្លេចទេជីវិតធ្វើជាស្ត្រីមានផ្ទៃពោះ ។ ខ្ញុំភ័យចំពោះការប្រែប្រួលលើរាងកាយខ្ញុំ ដូចជាការក្អួតចង្អោរ សុខភាពមិនល្អ ដេកមិនសូវបាន និងមានអារម្មណ៍ឆេវឆាវ ។ តែវាគឺជារង្វាន់ដ៏ល្អមួយ» ។ ដូចនេះ Ronaldo នឹងអាចបីទារកទើបនឹងកើតម្តងទៀតដែលជាក្មួយរបស់គេ ៕
ចែករំលែកព័តមាននេះ