ឧបករណ៍បច្ចេកវិទ្យាដូចជា ស្មាតហ្វូន ថេបប្លេត និងនាឡិកា Smartwatch អាចត្រូវបានលួចឬហេកបានយ៉ាងងាយ ។ ប្រសិនបើនរណាម្នាក់អាចហេកចូលទៅក្នុងនាឡិការបស់អ្នកនោះ ពួកគេនឹងដឹងពីទិន្នន័យផ្ទាល់ខ្លួនរបស់អ្នក រួមទាំងអាចលួចប្រាក់ក្នុងគណនីធនាគារអ្នកផងដែរ…
ឧបករណ៍បច្ចេកវិទ្យាដូចជា ស្មាតហ្វូន ថេបប្លេត និងនាឡិកា Smartwatch អាចត្រូវបានលួចឬហេកបានយ៉ាងងាយ ។ ប្រសិនបើនរណាម្នាក់អាចហេកចូលទៅក្នុងនាឡិការបស់អ្នកនោះ ពួកគេនឹងដឹងពីទិន្នន័យផ្ទាល់ខ្លួនរបស់អ្នក រួមទាំងអាចលួចប្រាក់ក្នុងគណនីធនាគារអ្នកផងដែរ ។ ដូច្នេះវាពិតជាសំខាន់ណាស់ក្នុងការរឹតបន្តឹងសន្តិសុខនាឡិកា Smartwatch ប៉ុន្តែតើអ្នកត្រូវការកម្មវិធីការពារមេរោគលើវាទេ?
ក្នុងករណីភាគច្រើន នាឡិកាទាំងនេះប្រៀបដូចជាចំណុចបន្ថែមនៃស្មាតហ្វូនរបស់អ្នកព្រោះវាតភ្ជាប់ទៅនឹងទូរស័ព្ទរបស់អ្នកតាមរយៈ Bluetooth ឬ WiFi ដែលមានន័យថាអ្នកហេកអាចចូលទៅតាមការតភ្ជាប់នេះបាន ។
ការស្ទង់មតិមួយរបស់ HP បានប្រទះឃើញថា Smartwatch ដែលបានលក់ចេញកាលពីឆ្នាំ ២០១៥ មានចន្លោះខ្វះខាតផ្នែកសន្តិសុខយ៉ាងខ្លាំង ។ ប៉ុន្តែប្រសិនបើអ្នកទិញវានាពេលបច្ចុប្បន្ន អ្នកនឹងទទួលបានសុវត្ថិភាពជាងមុន ជាពិសេសសម្រាប់ Apple Watch ជាដើម ។
យ៉ាងណាក្តី ប្រសិនបើអ្នកបញ្ចូលកម្មវិធី Software លើឧបករណ៍ណាមួយ អ្នកក៏អាចបញ្ចូលមេរោគ Malware ផងដែរ។ ដូច្នេះអ្នកអាចត្រូវបានបោកប្រាស់ឲ្យបញ្ចូលកម្មវិធី ឬបើកចូលទៅកាន់គេហទំព័រមិនល្អណាមួយបានយ៉ាងងាយតែវាក៏មិនមែនជាហានិភ័យធំសម្រាប់អ្នក និងនាឡិកាអ្នកដែររ ។
នាឡិកាទាំងនេះអាចឆ្លងមេរោគបានប៉ុន្តែសព្វថ្ងៃមិនទាន់មានមេរោគ Malware ណាមួយដែលអាចគម្រាមកំហែងដល់អ្នកទេ ។ លើសពីនេះទៅទៀត នាឡិកាទាំងនេះមានទីផ្សារតូចចង្អៀតនៅឡើយបើធៀបនឹងអ្នកប្រើប្រាស់ Windows ហើយអ្នកហេកក៏មានវិធីងាយៗច្រើនជាងនេះក្នុងការលួចទិន្នន័យរបស់អ្នកដែរ ៕
ចែករំលែកព័តមាននេះ