រាជធានីភ្នំពេញ ៖ សេចក្តីរាយការណ៍ឱ្យដឹងថា ទីតាំងសិប្បកម្មផលិតទឹកម្ទេស ទឹកត្រីបុក ទឹកសៀង និងប្រេងខ្យងមួយកន្លែង ត្រូវបានអាជ្ញាធរខណ្ឌឬស្សីកែវចុះត្រូតពិនិត្យរួចក៏បិទមិនឱ្យធ្វើអាជីវកម្ម បន្ទាប់ពីមានពាក្យបណ្តឹងរបស់ប្រជាពលរដ្ឋក្បែរខាង ហើយក៏បានពិនិត្យឃើញថា…
រាជធានីភ្នំពេញ ៖ សេចក្តីរាយការណ៍ឱ្យដឹងថា ទីតាំងសិប្បកម្មផលិតទឹកម្ទេស ទឹកត្រីបុក ទឹកសៀង និងប្រេងខ្យងមួយកន្លែង ត្រូវបានអាជ្ញាធរខណ្ឌឬស្សីកែវចុះត្រូតពិនិត្យរួចក៏បិទមិនឱ្យធ្វើអាជីវកម្ម បន្ទាប់ពីមានពាក្យបណ្តឹងរបស់ប្រជាពលរដ្ឋក្បែរខាង ហើយក៏បានពិនិត្យឃើញថា ទីតាំងមិនសមស្របនឹងដំណើរការផលិតកម្ម ព្រមទាំងបានបង្កផលប៉ះពាល់ដល់ប្រជាពលរដ្ឋ ។
ការបិទទីតាំងសិប្បកម្មនេះ ធ្វើឡើងកាលពីវេលាម៉ោង៩ព្រឹកថ្ងៃទី១៣ កុម្ភៈ នេះ ស្ថិតនៅផ្ទះលេខ៧៨ ផ្លូវលេខ២ ក្រុមទី១១ ភូមិទួលសំពៅ សង្កាត់ទួលសង្កែទី១ ខណ្ឌឫស្សីកែវ ដែលមានម្ចាស់ឈ្មោះ ស៊ីន ប៊ុណ្ណា ភេទប្រុស អាយុ ៥១ឆ្នាំ ។
ទោះបីជាយ៉ាងណា នៅពេលដែលអាជ្ញាធរចុះបិទម្ចាស់សិប្បកម្ម គឺមិនបានផ្តិតមេដៃចូលរួមសហការឡើយ ។ លោកលឹម សាម៉ឺឌី ប្រធានអន្តរវិស័យខណ្ឌបានឱ្យដឹងទៀតថា ដោយមានការណែនាំពីលោក
ជា ពិសី អភិបាលខណ្ឌប្ញស្សីកែវ និងមន្ត្រីជំនាញ បានចុះមកត្រួតពិនិត្យទីតាំងសិប្បកម្មខាងលើ ។ ក្នុងនោះ ក៏មានពាក្យបណ្តឹងរបស់ប្រជាពលរដ្ឋក្បែរខាងទៀតផង ។
តាមប្រជាពលរដ្ឋដែលរស់នៅជិតខាងនោះឱ្យដឹងថា ទីតាំងសិប្បកម្មខាងលើ បានឱ្យប៉ះពាល់ដល់បរិស្ថានជុំវិញ ហើយការផលិតគឺមានអនាម័យទាល់តែសោះ ។
ចែករំលែកព័តមាននេះ