ស្មាតហ្វូនដែលមានស្គ្រីនអាចបត់បែនបានដោយងាយត្រូវបានគិតថា នឹងចាប់មាននៅលើទីផ្សារក្នុងឆ្នាំ ២០១៩នេះហើយ ។ ជាមួយគ្នានេះផងដែរ មិនមែនមានតែ Samsung ទេដែលកំពុងមានគម្រោងចេញលក់ស្មាតហ្វូនប្រភេទនេះ តែមាន Huawei, Xiaomi, Motorola, LG និង Oppo ថែមទៀតដែលបានបញ្ជាក់ថាពួកគេមានគម្រោងពង្រីកចូលទីផ្សារនេះ ។
បន្ទាប់ពីមានការសាកល្បងអស់ជាច្រើនឆ្នាំមក Samsung ប្រៀបដូចជាសម្រេចលើម៉ូដទូរស័ព្ទដែលមិនមានភាពស្មុគស្មាញច្រើនឡើយ ប៉ុន្តែក្រុមហ៊ុន Xiaomi វិញបានបង្ហាញស្មាតហ្វូនដែលអាចបត់បែនបានពីរដង ហើយអាចនឹងចេញលក់ក្នុងពេលខាងមុខនេះផងដែរ ។
ក្នុងវីឌីអូមួយរបស់លោក Bin Lin ដែលជាប្រធាននិងសហស្ថាបនិក Xiaomi បានបង្ហាញពីស្មាតហ្វូនដែលអាចបត់បែនពីស្មាតហ្វូនទៅជាថាប្លេតដោយងាយស្រួល ។
បើទោះជា Xiaomi មិនទាន់ប្រកាសពីកាលបរិច្ឆេទនៃការចេញលក់ពិតប្រាកដពិតមែនក្តី ទូរស័ព្ទនេះអាចនឹងមានឈ្មោះថា Dual Flex ឬ Mi Mix Flex ។
យោងទៅតាមការវិភាគរបស់ LetsGoDigital បានឲ្យដឹងថាស្មាតហ្វូនខាងលើអាចបត់បែនបានដល់ទៅបួនដំណាក់កាលឯណោះ ដែលធ្វើឲ្យ Samsung Galaxy Fold ប្រៀបដូចជាមិនមានអ្វីអស្ចារ្យឡើយ ។
ប្រសិនបើមានការផលិតបានល្អ Xiaomi Dual Flex ខាងលើអាចអនុញ្ញាតឲ្យអ្នកប្រើប្រាស់បត់ពីរផ្នែកនៃស្គ្រីនទៅក្រោយបានយាងងាយ ហើយវាក៏មានភាពស្តើង និងធំល្អផងដែរ ។
ដូច្នេះបើទូរស័ព្ទះនេះត្រូវបានលក់លើទីផ្សារនៅចុងឆ្នាំ២០១៩ នោះ Samsung អាចនឹងជួបប្រទះការលំបាកក្នុងការទាញប្រាក់ចំណូលពី Galaxy Fold ដ៏ល្បីល្បាញរបស់ខ្លួន ៕
Source : LETSGODIGITAL
ចែករំលែកព័តមាននេះ