ខេត្តរតនគិរី ៖ តាមសេចក្តីរាយការណ៍បឋមបានឲ្យដឹងថា ជនសង្ស័យម្នាក់បង្កអំពើហិង្សាដោយចេតនា និងប្រើដាវសាំមូរ៉ៃអុកឡុក អ្នកភូមិ រំខានដល់ការរស់នៅរបស់ប្រជាពលរដ្ឋ ត្រូវកម្លាំងអធិការនគរបាលក្រុងបានលុងបានធ្វើការឃាត់ខ្លួន បញ្ជូនទៅសាលាដំបូងខេត្ត ។
សេចក្តីរាយការណ៍បានបន្តថា ការឃាត់ខ្លួននេះសមត្ថកិច្ចបានធ្វើឡើងវេលាម៉ោង១៥និង៣០នាទីថ្ងៃទី១២ ខែកុម្ភៈ ឆ្នាំ២០១៩ នៅចំណុចខាងកើតផ្សារបានលុង ស្ថិតក្នុងភូមិជ័យជំនះ សង្កាត់ឡាបានសៀក ក្រុងបានលុង ។
ប្រភពពីសមត្ថកិច្ចបានឱ្យដឹងថា ជនសង្ស័យដែលឃាត់ខ្លួនបាននោះឈ្មោះ គឹម ម៉េងគាង ភេទប្រុស អាយុ២០ឆ្នាំ ជនជាតិខ្មែរ មុខរបរជាងឈើ មានទីលំនៅភូមិដីឡូត៍ ឃុំជ័យឧត្តម ស្រុកលំផាត់ ខេត្តរតនគិរី ។
ក្រោយពីធ្វើការឃាត់ខ្លួនជនសង្ស័យបានឃុំខ្លួនបណ្តោះអាសន្ន នៅអធិការដ្ឋាននគរបាលក្រុងបានលុង ដើម្បីធ្វើការស្រាវជ្រាវ និងកសាងសំណុំរឿងបញ្ជូនទៅសាលាដំបូងខេត្តចាត់ការតាមនីតិវិធីច្បាប់ ៕
ចែករំលែកព័តមាននេះ