រាជធានីភ្នំពេញ ៖ ទំនាស់ដីធ្លីប្រើអំពើហិង្សាវាយគ្នាទៅវិញទៅមករងរបួសធ្ងន់២នាក់ ស្រាល៤នាក់សមត្ថកិច្ចឃាត់៦នាក់ទៅផ្នែកជំនាញ បង្កអោយមានការភ្ញាក់ផ្អើលកាលពីវេលាម៉ោង៧និង៣០នាទីយប់ថ្ងៃទី១២ ខែកុម្ភៈ ឆ្នាំ២០១៩ នៅចំណុចមុខផ្ទុះ ដែលស្ថិតនៅភូមិចោមចៅ២ សង្កាត់ចោមចៅទី២ ខណ្ឌពោធិ៍សែនជ័យ ។
ភាគីខាងជាងឃាត់២នាក់ ទី១-ឈ្មោះ យ៉ាង ផានិត ភេទប្រុស អាយុ២៣ឆ្នាំ មុខរបរកម្មករសំណង់ ស្នាក់នៅភូមិកើតហេតុខាងលើ និងទី២-ឈ្មោះ ស៊ុន សុធា ភេទប្រុស អាយុ២៣ឆ្នាំមុខរបរ កម្មករសំណង់ ស្នាក់នៅភូមិកើតហេតុខាងលើ ។ ភាគីខាងផ្ទះសាងសង់ចាស់ ឃាត់៤នាក់ ទី១-ឈ្មោះ អេង សុផេង ភេទប្រុស អាយុ៤០ឆ្នាំ មុខរបរនៅផ្ទះ និងជាម្ចាស់ផ្ទះ រស់នៅភូមិកើតហេតុខាងលើ, ទី២-ឈ្មោះ ម៉េត ចាន់ថាភេទប្រុស អាយុ៣៩ឆ្នាំ មុខរបរបុគ្គលិកក្រុមហ៊ុនឯកជន រស់នៅភូមិគោកចំបក់ សង្កាត់ចោមចៅទី១ ខណ្ឌពោធិ៍សែនជ័យ, ទី៣-ឈ្មោះ យឹម ភារម្យ ភេទប្រុស អាយុ៤៥ឆ្នាំ មុខរបរកម្មកររោងចក្រ ស្នាក់នៅសង្កាត់បឹងទំពុន ខណ្ឌមានជ័យ និងទី៤-ឈ្មោះ នួន សាវុធ ភេទប្រុស អាយុ៣៧ឆ្នាំ មុខរបរសន្តិសុខឯកជន រស់នៅភូមិកើតហេតុខាងលើ ។
បើតាមប្រភពពីសមត្ថកិច្ចបានសាកសួរទាំងសង្ខាងបានបញ្ជាក់ប្រាប់ថា ភាគីខាងម្ចាស់ផ្ទះដែលសាងសង់ចាស់មានទំនាស់ជាមួយជាងសំណង់ដែលមកសាងសង់ផ្ទះដេរម៉ូដសក់ជ្រាប់ព្រំប្រទល់ជាមួយគ្នាដោយខាងម្ចាស់ផ្ទះសាងសង់ចាស់បានដៀមដាមទៅក្រុមជាងដែលសាងសង់ផ្ទះដេរម៉ូដសក់ខាងលើដោយជេរគ្នាទៅវិញទៅមក បន្ទាប់មកម្ចាស់ផ្ទះសាងសង់ចាស់បានទូរស័ព្ទហៅបក្សពួកគូកនមកវាយជាងបណ្តាលឲ្យបែកក្បាល បន្ទាប់មកភាគីខាងជាងសំណង់បានវាយតបវិញបណ្តាលឲ្យបែកមុខរងរបួសធ្ងន់២នាក់ ។
ប្រភពព័ត៌មានបានបន្តទៀតថា ខណៈពេលប្រើអំពើហិង្សាភ្លាមៗប្រជាពលរដ្ឋបានទាក់ទងទៅសមត្ថកិច្ចឲ្យមកជួយអន្តរាគមន៍ភ្លាមៗផងដែរបន្ទាប់មកសមត្ថកិច្ចបានមកដល់កន្លែងកើតហេតុហើយបានឃាត់ភាគីទាំងសង្ខាង ។ ដោយភាគីផ្ទុះសាងសង់ចាស់ ដែលមកជួយអន្តរាគមន៍ឃើញសមត្ថកិច្ចមកដល់បំរុងជិះម៉ូតូគេចហើយសមត្ថកិច្ចឃាត់ភ្លាមៗ ។ ខណៈពេលភ្លាមៗនោះដែរនាក់រងរបួសធ្ងន់២នាក់សមត្ថកិច្ចនាំទៅព្យាបាលផងដែរ ។
ក្រោយពេលកើតហេតុភាគីទាំងសង្ខាងមកប៉ុស្តិ៍ដើម្បីសំរបសំរួលប៉ុន្តែភាគីទាំងសង្ខាង និយាយយកត្រូវរៀងៗខ្លួនហើយបន្ទាប់មកកំលាំងនគរបាលប៉ុស្តិ៍បានកសាងសំណុំរឿងបញ្ជូនទៅជំនាញព្រហ្មទណ្ឌខណ្ឌពោធិ៍សែនជ័យដើម្បីចាត់ការតាមនីតិវិធី ៕
ចែករំលែកព័តមាននេះ