រាជធានីភ្នំពេញ ៖ ជនជាតិចិនស្រវឹងស្រាបើករថយន្តបុកខឿនពុះចែកទ្រូងផ្លូវខូចទ្រង់ទ្រាយខឿន២ផ្ទាំង ហើយត្រូវរថយន្តមួយគ្រឿងទៀតបុកខឿនខ្ទាតទៅប៉ះរថយន្តជនជាតិចិនមួយគ្រឿងទៀតបណ្តាលឲ្យរងការខូចខាតយ៉ាងធ្ងន់ធ្ងរ បង្កអោយមានការភ្ញាក់ផ្អើលកាលពីវេលម៉ោង ៧និង៥០នាទីយប់ថ្ងៃទី១២ ខែកុម្ភ: ឆ្នាំ២០១៩ តាមបណ្ដោយផ្លូវសហព័ន្ធរុស្ស៊ី ទល់មុខប្រលានយន្តហោះអន្តរជាតិភ្នំពេញពោធិ៍ចិនតុង…
រាជធានីភ្នំពេញ ៖ ជនជាតិចិនស្រវឹងស្រាបើករថយន្តបុកខឿនពុះចែកទ្រូងផ្លូវខូចទ្រង់ទ្រាយខឿន២ផ្ទាំង ហើយត្រូវរថយន្តមួយគ្រឿងទៀតបុកខឿនខ្ទាតទៅប៉ះរថយន្តជនជាតិចិនមួយគ្រឿងទៀតបណ្តាលឲ្យរងការខូចខាតយ៉ាងធ្ងន់ធ្ងរ បង្កអោយមានការភ្ញាក់ផ្អើលកាលពីវេលម៉ោង ៧និង៥០នាទីយប់ថ្ងៃទី១២ ខែកុម្ភ: ឆ្នាំ២០១៩ តាមបណ្ដោយផ្លូវសហព័ន្ធរុស្ស៊ី ទល់មុខប្រលានយន្តហោះអន្តរជាតិភ្នំពេញពោធិ៍ចិនតុង ដែលស្ថិតនៅភូមិក្បាលដំរី១ សង្កាត់កាកាបទី១ ខណ្ឌពោធិ៍សែនជ័យ ។
រថយន្តបង្កម៉ាក CRV ពណ៌ទឹកប្រាក់ ពាក់ផ្លាកលេខ ភ្នំពេញ 2Y-5218 បើកបរដោយបុរសម្នាក់ជាជនជាតិចិន បើកក្នុងទិសដៅពីលិចទៅកើត ។ ចំណែកឯរថយន្តបង្កមួយគ្រឿងទៀត ម៉ាក RAV4 ពណ៌ទឹកប្រាក់ដូចគ្នា ពាក់ផ្លាកលេខ ភ្នំពេញ 2AK-4854 បើកបរក្នុងទិសដៅពីកើតទៅលិច ។
តាមប្រភពព័ត៌មានពីកន្លែងកើតហេតុបាននិយាយថា នៅមុនពេលកើតហេតុគេឃើញរថយន្តម៉ាក CRV មួយគ្រឿងបើកបរក្នុងទិសដៅពីលិចទៅកើតក្នុងល្បឿនយ៉ាងលឿនលុះបើកមកដល់ចំណុចកើតហេតុស្រាប់តែរថយន្តបង្កខាងលើរ៉េចង្កូតទៅបុកក្បាលនាគពុះចែកទ្រូងផ្លូវបណ្តាលឲ្យខ្ទាតខូចទ្រង់ទ្រាយអស់ចំនួន២ផ្ទាំង ។
ចំណែកឯអ្នកបើកបររថយន្តបង្កខាងលើបានចុះពីលើរថយន្តហើយគេចខ្លួនបាត់ ខណៈពេលភ្លាមៗនោះជំនាញចរាចរណ៍ខណ្ឌពោធិសែនជ័យបានប្រគល់ឲ្យជំនាញរាជធានីភ្នំពេញធ្វើការវាស់វែង និងស្ទូចរថយន្តខាងលើយកទៅរក្សាទុកដើម្បីរង់ចាំការដោះស្រាយថ្ងៃក្រោយ ។
ប្រភពព័ត៌មានបានបន្តទៀតថា ខណៈពេលរថយន្តបង្កខាងលើត្រូវបានជំនាញចរាចរណ៍រាជធានីភ្នំពេញធ្វើការវាស់វែង និងស្ទូចយកទៅរក្សាទុក ភ្លាមៗនោះស្រាប់តែមានរថយន្តមួយគ្រឿងម៉ាករ៉េវហ្វរ ពណ៌ទឹកប្រាក់ មួយគ្រឿងទៀតបានបើកបុកខឿនពុះចែកទ្រូងផ្លូវកន្លែងដដែល បើកក្នុងទិសដៅពីកើតទៅលិច ហើយបានបុកខឿនពុះចែកទ្រូងផ្លូវខ្ទាតទៅប៉ះរថយន្តមួយគ្រឿងទៀត ម៉ាក Starex របស់ជនជនចិនមួយគ្រឿងទៀតបណ្តាលឲ្យកំពិតចំកណ្តាលរថយន្ត រងការខូចខាត ។ ចំណែកឯរថយន្តបង្កម៉ាក RAV4 បង្ករងការខូចខាតយ៉ាងធ្ងន់ធ្ងរ ដាច់កាឡេខាងឆ្វេងម្ខាងទៅមុខមិនរួចអ្នកបើកបរចុះរត់គេចខ្លួនបាត់ដែរ ។
ក្រោយពេលកើតហេតុជំនាញចរាចរណ៍ ខណ្ឌពោធិ៍សែនជ័យបានប្រគល់អោយជំនាញចរាចរណ៍រាជធានីភ្នំពេញស្ទូចយកទៅរក្សាទុកដើម្បីរង់ចាំការដោះស្រាយថ្ងៃក្រោយប៉ុន្តែ រថយន្តរងគ្រោះម៉ាក Starex អ្នកបើកបរសុំសម្របសម្រួលយករថយន្តទៅជួសជុលខ្លួនឯង ៕
ចែករំលែកព័តមាននេះ