ក្រុមហ៊ុន Toyota នៅសហរដ្ឋអាមេរិកបានបញ្ជាក់ថា រថយន្តមួយចំនួនរបស់ខ្លួនដែលមានសេរ៊ីឆ្នាំ២០២០ នឹងមានបំពាក់មកជាមួយនឹងកម្មវិធី Android Auto មកស្រាប់ ។ រថយន្តទាំងនោះមានដូចជា Sequoia, Tundra និង 4Runner ។
ចំពោះទីផ្សារនៅក្នុងទ្វីបអឺរ៉ុប គេអាចមាននៅលើរថយន្តផ្សេងទៀតដូចជា Aygo និង Yaris។ ជាដំបូង បច្ចេកវិទ្យានេះនឹងមាននៅលើតែរថយន្តថ្មីៗនោះទេ ។ Toyota មិនទាន់បានបញ្ជាក់ថា នឹងមានលក្ខណៈត្រឹមណាឬមានការបន្ថែមអ្វីផ្សេងៗនោះទេ ។
កម្មវិធី Apple CarPlay គឺមាននៅលើរថយន្ត Toyota និង Lexus រួចទៅហើយ តែដោយសារតែមានការបារម្ភទៅលើការរក្សាឯកជនភាព ទើបក្រុមហ៊ុននេះបានអនុញ្ញាតឱ្យ Android Auto របស់ក្រុមហ៊ុន Google លើរថយន្តរបស់ខ្លួនដែរ ។
កម្មវិធី Apple CarPlay មាននៅលើរថយន្ត Toyota ដំបូងគេកាលពីដើមឆ្នាំ២០១៨ ពោលគឺនៅលើរថយន្ត Avalon ។ ខណៈដែលការគាំទ្រពី CarPlay បានរីករាលដាលដល់ម៉ូដែលរថយន្ត Toyota និង Lexus ដទៃទៀត នៅក្នុងក្រុមហ៊ុនផលិតរថយន្តអាមេរិកខាងជើង រួមទាំងរថយន្ត Corolla ថ្មី និង រថយន្ត Lexus UX ផងដែរ វាមិនទាន់មាននៅលើរថយន្តអូស្ត្រាលីទេ ។
ទាំងកម្មវិធី Android Auto និង Apple CarPlay សុទ្ធតែអាចស្គាល់កម្មវិធីទូរស័ព្ទស្មាតហ្វូន និង មុខងារដូចជា កម្មវិធីប្រាប់ផ្លូវ កម្មវិធីចាក់ចម្រៀង និង ការភ្ជាប់មួយចំនួនជាមួយនឹងទូរស័ព្ទ ក្នុងលក្ខណៈសាមញ្ញនិងស្រួលប្រើពេលបើកបរ ៕
ចែករំលែកព័តមាននេះ