មនុស្សយើងម្នាក់ៗចៀសមិនផុតពីមានចំណុចល្អខ្លះ និងចំណុចអាក្រក់ខ្លះមិនខាន រកមនុស្សល្អសុទ្ធគ្រប់ដប់តែម្តងមិនឲ្យមានចំណុចខ្វះខាតសោះនោះមិនបានទេ ដូច្នេះហើយ ការងាររបស់យើងមិនមែនគ្រាន់តែជាអ្នកអង្គុយមើលទោសអ្នកដទៃឡើយ ។
មែនហើយមានចំណុចខ្លះ យើងថាល្អ តែអ្នកដទៃគេថាមិនល្អ ចំណុចខ្លះទៀត យើងថាមិនល្អ តែអ្នកផ្សេងគេថាល្អ ធ្វើឲ្យយើងក្រោធភ្លាមគិតថានេះជាចំណុចខ្សោយ ឬចំណុចខ្វះខាតរបស់គេ ព្រោះជាផ្នែកដែលមិនត្រូវចិត្តយើង ។
កាលបើចំណុចមិនល្អរបស់គេណាមួយដែលចេញមកមិនត្រូវចិត្តយើង នោះនឹងធ្វើឲ្យយើងក្រោធខឹងភ្លាម ដូច្នេះដើម្បីរំសាយចិត្តខឹងគឺយើងកុំចេះតែនឹកដល់ចំណុចនោះ ផ្នែកនោះរបស់គេ តែគប្បីបែរទៅមើលឬរលឹកដល់សេចក្ដីល្អរបស់គេវិញ ព្រោះមនុស្សយើងមិនមែនប្រព្រឹត្តតែអំពើអាក្រក់ទាំងអស់ទេ អំពើសុចរិតក៏គេធ្វើខ្លះដែរ បុថុជ្ជនគឺវាតែអញ្ចឹងឯង គ្មានអ្នកណាល្អគ្រប់ដប់ទេ។
ចែករំលែកព័តមាននេះ