ខេត្តបាត់ដំបង ៖ នេះជាការបង្ក្រាបនិងរឹបអូសបាននូវគ្រឿងញៀនដ៏ធំសម្បើម ដែលមិនធ្លាប់មានពីមុនមកសម្រាប់កិច្ចប្រតិបត្តិការបង្ក្រាបគ្រឿងញៀនរបស់សមត្ថកិច្ចនៅខេត្តបាត់ដំបង ។ ខណៈមហាជនបានស្វាគមន៍យ៉ាងខ្លាំង ចំពោះការបង្ក្រាបក្រុមអ្នករត់ពន្ធគ្រឿងញៀនដ៏ធំសម្បើមមួយនេះ ។ គួរបញ្ជាក់ថា កម្លាំងកងរាជអាវុធហត្ថខេត្ត…
ខេត្តបាត់ដំបង ៖ នេះជាការបង្ក្រាបនិងរឹបអូសបាននូវគ្រឿងញៀនដ៏ធំសម្បើម ដែលមិនធ្លាប់មានពីមុនមកសម្រាប់កិច្ចប្រតិបត្តិការបង្ក្រាបគ្រឿងញៀនរបស់សមត្ថកិច្ចនៅខេត្តបាត់ដំបង ។ ខណៈមហាជនបានស្វាគមន៍យ៉ាងខ្លាំង ចំពោះការបង្ក្រាបក្រុមអ្នករត់ពន្ធគ្រឿងញៀនដ៏ធំសម្បើមមួយនេះ ។
គួរបញ្ជាក់ថា កម្លាំងកងរាជអាវុធហត្ថខេត្ត បានឃាត់ខ្លួនក្រុមសង្ស័យជួញដូរគ្រឿងញៀន៣នាក់ កាលពីវេលាម៉ោង១១ព្រឹកថ្ងៃទី១២ កុម្ភៈ ស្ថិតនៅចំណុចភូមិកម្មករ សង្កាត់ស្វាយប៉ោ ក្រុងបាត់ដំបង ដោយបានរឹបអូសនូវវត្ថុតាងថ្នាំញៀនចំនួន២ប្រភេទ ប្រមាណ១៥,៨គីឡូក្រាម។
ជនសង្ស័យទាំង៣នាក់ខាងលើ ១-ឈ្មោះតាត គិរីប្ស្រ អាយុ២៨ឆ្នាំ ២-ឈ្មោះពុំ ស៊ន ភេទស្រី អាយុ៦០
ឆ្នាំ និង៣-ឈ្មោះឈួ ន ម៉ារី ភេទស្រី អាយុ២៥ឆ្នាំ ។ ជាមួយនឹងការឃាត់ខ្លួននេះ កម្លាំងជំនាញរឹបអូសបានថ្នាំញៀនដែលនៅជាប់ខ្លួន និងបានឆែកឆេរកឃើញនៅក្នុងផ្ទះជនសង្ស័យផង បានទម្ងន់ប្រមាណ១៥,៨គីឡូក្រាម។ ក្នុងនោះមានថ្នាំញៀនប្រភេទម្ស៉ៅក្រាម ពណ៌.សថ្លាICE(ម៉ាទឹកកក)មានទម្ងន់ ៩,៧០គីឡូក្រាម និងថ្នាំញៀនគ្រាប់ WY (យ៉ាម៉ា) មានទម្ងន់៦,១០គីឡូក្រាម រួមទាំងវត្ថុតាងពាក់ព័ន្ធមួយចំនួន
ទៀត ។
បើតាមប្រភពពីមន្ត្រីកងរាជអាវុធហត្ថបានបញ្ជាក់ទៀតថា កម្លាំងការិយាល័យជំនាញ ក្រោមការបញ្ជាផ្ទាល់ពីលោកឧត្តមសេនីយត្រី មាស សុវណ្ណ មេបញ្ជាការកងរាជអាវុធហត្ថខេត្ត ដែលមានកិច្ចសហការផ្ទាល់ពីលោកនួន សាន ព្រះរាជអាជ្ញារអមសាលាដំបូងខេត្តផង បានប្រឹងប្រែងយ៉ាងខ្លាំង ក្នុងការតាមប្រមាញ់ក្រុមជនសង្គមងងិតរត់ពន្ធគ្រឿងញៀននេះ រហូតឈានដល់ការឃាត់ខ្លួនក្រុមនេះបានជាបន្តបន្ទាប់ ជាមួយនឹងការរឹបអូសបានគ្រឿងញៀនយ៉ាងច្រើនសន្ធឹកសន្ធាប់ ។
បើតាមមន្ត្រីជំនាញបានប្រាប់ថា នៅចំពោះមុខសមត្ថកិច្ចនិងចំពោះមុខវត្ថុតាង ដែលដាក់តាំងគរដូចកូនភ្នំនេះ ក្រុមរត់ពន្ធគ្រឿងញៀនញី-ឈ្មោលទាំង៣នាក់នេះ បានសារភាពទទូលស្គាល់វត្ថុតាងទាំងនេះហើយ។ បច្ចុប្បន្ន មន្ត្រីជំនាញកំពុងសួរនាំ ដើម្បីកសាងសំណុំរឿងចាត់ការតាមនីតិវិធី ។
ចែករំលែកព័តមាននេះ