ខេត្តព្រះសីហនុ ៖ជនជាតិចិនម្នាក់បានស្លាប់ភ្លាមៗបន្ទាប់ពីធ្លាក់កាំជណ្តើរ កាលពីវេលាម៉ោង៤និង៥០នាទី នៅល្ងាចថ្ងៃទី១២ ខែកុម្ភៈ នៅចំនុចក្រុម៤៧ ភូមិ៣ សង្កាត់៤ ក្រុងព្រះសីហនុ ដែលការស្លាប់នេះត្រូវបានសមត្ថកិច្ចសន្និដ្ឋានដោយសារគ្រោះថ្នាក់ការងារ មិនពាក់ខ្សែរក្រវ៉ាត់ការពារជាហេតុបណ្តាលអោយជនរងគ្រោះងងឹតមុខធ្លាក់មកក្រោមបាក់.កស្លាប់តែម្តង ។
ជុំវិញករណីការស្លាប់របស់ជនជាតិចិននេះផងដែរយោងតាមប្រភពសមត្ថកិច្ចបានអោយដឹងថា នៅវេលាម៉ោង៤និង៥០នាទី មានករណីជនជាតិចិនម្នាក់ស្លាប់នៅចំនុចក្រុម៤៧ ភូមិ៤ ក្រុងព្រះសីហនុ ។
ជនរងគ្រោះ (សាកសព) មានឈ្មោះ HOU SHENGXING ភេទប្រុស នជាតិចិន កម្មករសំណង់ នៅការដ្ឋានជិតអិលវី (L.V) ថ្ងៃខែឆ្នាំកំណើត 20-09-1978 កាន់លិខិតឆ្លងដែនលេខ G44301493 មានសុពលភាពដល់ថ្ងៃទី២០-០៨-២០២០ ទិដ្ឋាការលេខ EI01084785 មានសុពលភាពដល់ថ្ងៃទី១៦ -១១-២០១៨ ។
ក្រោយកើតហេតុត្រូវបាននគរបាលបច្ចេកទេសវិទ្យាសាស្ត្រត្រួតពិនិត្យឃើញថា សាកសពរងគ្រោះដោយការងារធ្លាក់ចុះពីទីខ្ពស់បណ្តាលអោយបាក់ឆ្អឹងកស្លាប់ ហើយក៏ត្រូវបានបញ្ជូនទៅរក្សាទុកនៅមន្ទីរបង្អែកខេត្តរង់ចាំការសម្រេចចាត់ចែងពីក្រុមគ្រួសារ និងស្ថានទូតសាម៉ី ។
ជុំវិញករណីស្លាប់ដោយសារករណីគ្រោះថ្នាក់ការងារនេះសម្រាប់ខេត្តព្រះសីហនុមួយរយៈចុងក្រោយនេះ (ប្រមាណ១ឆ្នាំនេះ) ត្រូវបានគេសង្កេតឃើញថា កម្មករសំណង់មិនក្រោម០៥នាក់ទេដែលស្លាប់ និងបានរងរបួសជាច្រើននាក់ទៀត ដោយសារគ្រោះថ្នាក់ការងារនេះ ប៉ុន្តែគេពុំដែលបានឃើញសមត្ថកិច្ចជំនាញពាក់ព័ន្ធចុះធ្វើការអប់រំដល់ម្ចាស់ការដ្ឋាន ឬអ្នកម៉ៅការសំណង់ម្តងណាទេ ភាគច្រើនគេសង្កេតឃើញតែមន្ត្រីពាក់ព័ន្ធមួយចំនួនចុះពិនិត្យទៅលើតែលក្ខណៈបច្ចេកទេស និងច្បាប់សំណង់តែប៉ុណ្ណោះ ហេតុដូចនេះគួរតែស្ថានប័ណ្ណដែលមានការពាក់ព័ន្ធគិតគូរលើបញ្ហានេះផង បើពុំដូចនោះទេករណីនេះនឹងបន្តកើតមានជាបន្តបន្ទាប់ទៀតជាក់ជាពុំខាន ៕
ចែករំលែកព័តមាននេះ