ខេត្តព្រះសីហនុ ៖ ក្នុងឱកាសបុណ្យចូលឆ្នាំប្រពៃណីចិន-វៀតណាមរយៈពេល៣ថ្ងៃកន្លងមកនេះ ភ្ញៀវទេសចរជាតិ និងអន្តរជាតិទៅលេងកម្សាន្ដនៅតំបន់នានាក្នុងខេត្តព្រះសីហនុថយចុះជាង៣៤% បើធៀបនឹងគ្រានដូចគ្នានៃឆ្នាំមុន ។
យោងតាមរបាយការណ៍ពីមន្ទីរទេសចរណ៍ខេត្តព្រះសីហនុ បានឲ្យដឹងថា ចំនួនភ្ញៀវទេសចរណ៍ជាតិដែលមកលេងកម្សាន្ដនៅខេត្តព្រះសីហនុ ក្នុងឱកាសបុណ្យចូលឆ្នាំប្រពៃណីចិន-វៀតណាម ឆ្នាំ២០១៩នេះ មានការថយចុះជាងឆ្នាំ២០១៨កន្លងទៅ ។
របាយការណ៍បានបញ្ជាក់ថា ៖« នៅក្នុង រយៈពេល៣ថ្ងៃ គិតចាប់ពីថ្ងៃទី៤ ដល់ថ្ងៃទី៦ ខែកុម្ភៈ ចំនួនភ្ញៀវទេសចរជាតិ និងអន្តរជាតិចូលមកកម្សាន្ដមានប្រមាណ៥៨.០០០នាក់ ថយចុះ៣៤,០៩%។ ក្នុងនោះភ្ញៀវជាតិប្រមាណ៤៥.៥០០នាក់ ថយចុះ៤២,៤៤% និងអន្តរជាតិប្រមាណ១២.៥០០នាក់ កើនឡើង៣៩,៦៦% ហើយក្នុងចំណោមនោះ ភ្ញៀវជនជាតិចិនច្រើនជាងគេ »។
លោក តាំង សុចិត្រគ្រឹស្នា ប្រធានមន្ទីរទេសចរណ៍ខេត្តព្រះសីហនុ បានឲ្យដឹងដែរថា ភ្ញៀវដែលចូលមកខេត្តព្រះសីហនុ បានទៅលេងនៅតាមតំបន់ទេសចរណ៍នានា មានដូចជាតំបន់ឆ្នេរខ្សាច់ និងឆ្នេរនៅតាមតំបន់ប្រជុំកោះ ព្រមទាំងរមណីយដ្ឋានធម្មជាតិ ដែលមានក្នុងខខត្តព្រះសីហនុ ៕
ចែករំលែកព័តមាននេះ