យោងតាមអ្នកវិទ្យាសាស្ត្រមកពីវិទ្យាស្ថានស្រាវជ្រាវមួយរបស់ប្រេស៊ីលបានឲ្យដឹងថា អ្នកវិទ្យាសាស្ត្រប្រេស៊ីលនឹងសាកល្បងប្រើប្រាស់វ៉ាក់សាំងប្រឆាំងនឹងជំងឺអេដស៍ហើយគម្រោងនេះនឹងចាប់ផ្តើមពិសោធទៅលើសត្វស្វានៅក្នុងឆ្នាំនេះ ។
យោងតាមអ្នកវិទ្យាសាស្ត្រមកពីវិទ្យាស្ថានស្រាវជ្រាវមួយរបស់ប្រេស៊ីលបានឲ្យដឹងថា អ្នកវិទ្យាសាស្ត្រប្រេស៊ីលនឹងសាកល្បងប្រើប្រាស់វ៉ាក់សាំងប្រឆាំងនឹងជំងឺអេដស៍ហើយគម្រោងនេះនឹងចាប់ផ្តើមពិសោធទៅលើសត្វស្វានៅក្នុងឆ្នាំនេះ ។
បើយោងតាមមូលនិធិស្រាវជ្រាវរដ្ឋសាវប៉ូឡូ (FAPESP) បានឱ្យដឹងថា វ៉ាក់សាំងថ្មីនេះមានឈ្មោះថា HIVBr18 ជាវ៉ាក់សាំងប្រឆាំងមេរោគអេដស៍ត្រូវបានអភិវឌ្ឍនិងធ្វើការសាកល្បងដោយក្រុមនិស្សិតមកពីមហាវិទ្យាល័យវិទ្យាសាស្ត្រនៃសាកលវិទ្យាល័យសាវប៉ូឡូ ។
អ្នកវិទ្យាសាស្ត្រនិយាយថា នៅដំណាក់កាលអភិវឌ្ឍន៍បច្ចុប្បន្ននេះវ៉ាក់សាំងនឹងមិនអាចសម្លាប់មេរោគលើសារពាង្គកាយបានទេ ។ ប៉ុន្តែវ៉ាក់សាំងថ្មីនេះនឹងមានសមត្ថភាពអាចធ្វើឲ្យមេរោគនោះស្ថិតនៅកម្រិតទាបដែលអ្នកផ្ទុកមេរោគនឹងមិនវិវត្តន៍ការបាត់បង់ភាពសុំាឬក៏ចម្លងមេរោគបាន ។ អ្នកស្រាវជ្រាវនិយាយថា ការសាកល្បងលើសត្វស្វាត្រូវបានគេរំពឹងថា នឹងមានរយៈពេល២ឆ្នាំ ។
លោកCunha Netoអ្នកស្រាវជ្រាវម្នាក់និយាយថា គោលដៅរបស់យើងគឺត្រូវសាកល្បងវិធីសាស្ត្រការធ្វើឲ្យស៊ាំនឹងជំងឺដើម្បីជ្រើសរើសវិធីសាស្ត្រមួយដែលអាចជំរុញឲ្យមានការឆ្លើយតបទៅនឹងប្រព័ន្ធភាពសុំាកាន់តែខ្លាំងក្លា ហេតុដូច្នេះយើងអាចយកវាទៅសាកល្បងលើមនុស្សបាន ៕
ចែករំលែកព័តមាននេះ