រាជធានីភ្នំពេញ ៖ ការអនុម័តរបស់សហគមន៍អឺរ៉ុបមកលើកម្ពុជាដោយចោទប្រកាន់ថា កម្ពុជារឹតតែបិទលំហរនយោបាយចំពោះបក្សប្រឆាំង និងរឹតត្បិត នាំអង្ករពីកម្ពុជាចូលទៅទីផ្សារអឺរ៉ុបជាការសម្រេចខុស និងធ្វើឲ្យប៉ះពាល់ដល់កសិករកម្ពុជាជាអ្នកផលិតស្រូវ ។
ការថ្លែងនេះនៅក្នុងជំនួបសំដែងការជួបជាលោក ល័ររិនហ្គោ ហ្គាឡិនទី ( Lorenzo Galanti) ឯកអគ្គរដ្ឋទូតអ៊ីតាលីថ្មី នៅទីស្តីការក្រសួង ឧបនាយករដ្ឋមន្ត្រីប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិនារសៀលម្សិលមិញ ថ្ងៃទី១១ កុម្ភៈ ឆ្នាំ២០១៩ ។
លោកកេត សុផាន់ណា អ្នកនាំពាក្យក្រសួងការបរទេសបានថ្លែងក្នុងជំនួបនោះលោកឧបនាយករដ្ឋមន្ត្រី ប្រាក់ សុខុន បានសំដែងសេចក្តីរីករាយ និងស្វាគមន៍ចំពោះលោកល័ររិនហ្គោ ហ្គាឡិនទី ( Lorenzo Galanti) ដែលត្រូវបានតែងតាំងជាឯកអគ្គរដ្ឋទូតវិសាមញ្ញ និងពេញសមត្ថភាពប្រចាំនៅព្រះរាជាណាចក្រកម្ពុជា ។
សម្រាប់កិច្ចបន្តសហប្រតិបត្តិការកម្ពូជា-អ៊ីតាលី លោកឧបនាយករដ្ឋមន្ត្រីបានស្នើឲ្យភាគីអ៊ីតាលីគឺទី១-ស្នើឲ្យមានកិច្ចសហប្រតិបត្តិការនយោបាយ អាចជាយន្តការពិគ្រោះយោបល់នយោបាយរវាងក្រសួងការបរទេសទាំងពីរ ។ ឧទាហរណ៍ដូចកាលពីពេលថ្មីៗនេះសហភាពអឺរ៉ុបបានអនុម័តនូវវិធានការចំពោះការនាំអង្ករចូលពីកម្ពុជាជាដើមនោះ ។ បើមានយន្តការពិគ្រោះយោបល់ជាមុននោះនឹងមានដោះស្រាយជាមុនផងដែរ ។
លោកឧបនាយករដ្ឋមន្ត្រីបន្តថា ដូចជាការនាំអង្ករពីកម្ពុជាទៅសហភាពអឺរ៉ុបជាង៥០%ជាងប្រភេទផ្កាម្លិះ មិនដូចជា អង្ករ (ធម្មតា) នៅប្រទេសអ៊ីតាលី និងអេស្បាញទេ ដូចនេះអង្ករកម្ពុជាមិនមែនជាអង្ករមានការប្រកួតប្រជែងលើទីផ្សារទេ របស់ពួកគាត់ទេ ។ ទី២-ដើម្បីកំណើនសេដ្ឋកិច្ចនៃប្រទេសទាំងពីរ ។ ប្រទេសទាំងពីរគួររៀបចំឲ្យមាននូវវេទិកា ឬគណៈប្រតិភូធុរៈកិច្ចរវាងប្រទេសទាំងពីរឲ្យបានញឹកញាប់ និងឲ្យបានទៀងទាត់ ។
ព្រោះថា នៅកម្ពុជាមានធុរៈកិច្ចអ៊ីតាលី ។ ទី៣- ទំនាក់ទំនងរវាងប្រជាជន និងប្រជាជននៃប្រទេសទាំងពីរស្គាល់គ្នា ។
ចំពោះបញ្ហា EBA វិញលោករដ្ឋមន្ត្រីបានលើកឡើងថា ចាប់តាំងពីក្រោយពេលបោះឆ្នោតមក គឺថាពលរដ្ឋបានបោះឆ្នោតប្រកបដោយសន្តិភាព គ្មានអំពើហិង្សាខិតខំបង្កើតលំហរនយោបាយ ។ ប៉ុន្តែសហគមន៍អឺរ៉ុប និងសម្ព័ន្ធមិត្តរបស់ (EU) នៅតែចោទប្រកាន់ថា កម្ពុជារឹតត្បិតនយោបាយសម្រាប់គណបក្សប្រឆាំង ។ លោកបន្តថា ដូចនេះកម្ពុជាបានចាត់វិធានការមួយចំនួនដូចជា ធ្វើវិសោធនកម្មច្បាប់ ដើម្បីសម្រួលនីតិសម្បទាអ្នកនយោបាយឲ្យមានសិទ្ធិធ្វើនយោបាយឡើងវិញ ការប្រជុំយ៉ាងទៀតទាត់ជាមួយសង្គមស៊ីវិល និងអង្គការបរទេសក្រៅរដ្ឋាភិបាលនៅកម្ពុជាដែរ និងបន្តជួបទៀត ។
បើសិនជាសហគមន៍អឺរ៉ុបយល់ការសម្រេចរបស់សហគមន៍នេះ គឺផ្ទុយ និងមានផលប៉ះពាល់ដល់កសិករផងដែរ ។ ជាការឆ្លើយតបលោក ឯកអគ្គរដ្ឋទូត ល័ររិនហ្គោ ហ្គាឡិនទី ( Lorenzo Galanti) បានថ្លែងថា លោកបានចូលបង្គំគាល់ព្រះមហាក្សត្រ និងបានថ្វាយសារតាំងកាលពីថ្ងៃទី១០ កុម្ភៈ នាព្រះបរមរាជវាំង ៕
ចែករំលែកព័តមាននេះ