ខេត្តតាកែវ ៖ ក្រុមអាជីវករដែលធ្លាប់មានតូបលក់ដូរនៅក្នុងផ្សារព្រៃសណ្តែកចាស់ស្រុកទ្រាំងនៅតែមានការតវ៉ាជាមួយនឹងក្រុមហ៊ុនវិនិយោគផ្សារដដែលបើទោះបីមានការចុះសម្របសម្រួលពីលោក អ៊ូច ភា អភិបាលនៃគណៈអភិបាលខេត្តតាកែវជាច្រើនលើកច្រើនសារក៏ដោយ ។
ក្រុមអាជីវករដែលនាំគ្នាធ្វើការតវ៉ាទាំងនោះបានអះអាងថា ក្រុមហ៊ុនវិនិយោគផ្សារព្រៃសណ្តែកថ្មីនេះនៅតែរំលោភលើកិច្ចសន្យាចំពោះពួកគាត់ដដែលពាក់ព័ន្ធនឹងទំហំតូប តម្លៃតូប និងទីតាំងដែលពួកគាត់ធ្លាប់លក់ពីមុន ពិសេសអាជីវករចាស់គ្មានតូបលក់ឲ្យបែរជាមានតូបលក់អាជីវករថ្មីទៅវិញ ។
ក្រោយពីមានការចុះសម្របសម្រួលពីលោក អ៊ូច ភា អភិបាលនៃគណៈអភិបាលខេត្តតកែវកន្លងទៅថ្មីៗនេះដូចជាមិនមានផ្លែផ្កានៅព្រឹកថ្ងៃទិ១១ ខែកុម្ភៈ ឆ្នាំ២០១៩ នេះក្រុមអាជីវករបានផ្ទុះការតវ៉ាជាថ្មីម្តងទៀតស្រមពេលដែលលោកអភិបាលខេត្តតាកែវក៏មានវត្តមានក្នុងពេលនោះដែរ ។
ជាមួយនឹងវត្តមានលោកអភិបាលខេត្តតាកែវដែលចុះដោះស្រាយនាពេលនេះពន្លឺនៃក្តីសង្ឃឹមរបស់ក្រុមអាជីវករហាក់មានពន្លឺតិចតួច ព្រោះលោកបានលើកពេលសម្រាប់ការដោះស្រាយជូនពួកគាត់ទៅថ្ងៃខាងមុខទៀតគឺថ្ងៃទី១៤ ខែកុម្ភៈ ឆ្នាំ២០១៩ វិញ ៕
ចែករំលែកព័តមាននេះ