បន្ទាប់ពីបានប្រកាសជាផ្លូវការនូវការពង្រីកប្រតិបត្តិការបន្ថែមជាផ្លូវការរបស់ខ្លួនកាលពីចុងខែធ្នូ ២០១៨មក ក្រុមហ៊ុនអីុនធើណេត Today Communication ទទួលបានការស្វាគមន៍យ៉ាងកក់ក្តៅពីសំណាក់អតិថិជនរបស់ខ្លួនទាំងក្នុងតំបន់កំពុងប្រតិបត្តិការស្រាប់ ក៏ដូចជានៅតាមបណ្តាខេត្ត-ក្រុងដែលទើបតែប្រកាសឱ្យដំណើរការថ្មីៗនេះ។ សរុបមកដល់បច្ចុប្បន្ន ក្រុមហ៊ុនអីុនធើណេត Today Communication កំពុងប្រតិបត្តិការនៅតាមបណ្តាខេត្ត-ក្រុង ដូចជា រាជធានីភ្នំពេញ ក្រុងតាខ្មៅ ខេត្តសៀមរាប ខេត្តបាត់ដំបង ខេត្តព្រះសីហនុ ក្រុងបាវិត និងក្រុងប៉ោយប៉ែត។
ជាការឆ្លើយតបនឹងសេចក្តីទុកចិត្តក៏ដូចជា ការគាំទ្ររបស់អតិថិជនមកលើក្រុមហ៊ុន កាលពីដើមខែមករាក្រុមហ៊ុនអីុនធើណេត Today Communication បានដាក់ចេញនូវគម្រោងទំនួលខុសត្រូវសង្គម ដើម្បីផ្តល់អីុនធើណេតឥតគិតថ្លៃទៅដល់សាលារៀនដែលស្ថិតនៅក្នុងតំបន់ ដែលក្រុមហ៊ុនកំពុងប្រតិបត្តិការ។
កាលពីខែមករាថ្មីៗនេះ ក្រុមហ៊ុនបានសម្រេចចិត្តផ្តល់អីុនធើណេតឥតគិតថ្លៃពេញ ១ឆ្នាំដល់ វិទ្យាល័យ ១០ មករា ១៩៧៩ ស្ថិតនៅក្នុងខេត្តសៀមរាប ដែលទទួលបានការគាំទ្រច្រើន ជាងគេពីសំណាក់សាធារណជន។
សម្រាប់ខែកុម្ភៈនេះ មានសាលារៀនចំនួន ៣បន្ថែមទៀតដែលស្ថិតនៅខេត្តព្រះសីហនុ នឹងចូលរួមប្រកួតប្រជែងក្នុងការបោះឆ្នោតពីសំណាក់សាធារណជន។ សាលារៀនទាំងនោះមានដូចជា វិទ្យាល័យ ហ៊ុន សែន មិត្តភាព វិទ្យាល័យក្រុងព្រះសីហនុ និងសាលារៀន សាគូរ៉ា មិត្តភាពកម្ពុជា ជប៉ុន។ សម្រាប់លក្ខខណ្ឌមានដូចជា ៖
- ការបោះឆ្នោតត្រូវបានរាប់តែនៅលើគេហទំព័រដើមនៃ Facebook Page របស់ TODAY ISP បានបង្ហោះតែមួយគត់។
- សូមបោះឆ្នោតទៅតាមរូបសញ្ញាតំណាងរបស់សាលានីមួយៗ
- ផុតកំណត់ការបោះឆ្នោតត្រឹមថ្ងៃអង្គារ ទី២៦ ខែកុម្ភៈ
- លទ្ធផលនឹងធ្វើការប្រកាសជូននៅថ្ងៃពុធ ទី២៧ ខែកុម្ភៈ
លោក ស៊ុយ ចន្ធា ប្រធានផ្នែកលក់ និងទីផ្សារក្រុមហ៊ុនអីុនធើណេត Today Communication បានមានប្រសាសន៍ថា «ក្រុមហ៊ុនរបស់យើងកំពុងតែខិតខំប្រឹងប្រែង ដើម្បីក្លាយជាផ្នែក មួយជួយដល់ការអភិវឌ្ឍន៍របស់សង្គមជាតិតាមរយៈសកម្មភាពសង្គមផ្សេងៗដែលយើង បាននិងកំពុងចូលរួមក្រៅពីការជួយពង្រីកវិសាលភាពអីុនធើណេតដល់គ្រប់ទីកន្លែងក្នុងប្រទេសកម្ពុជា។ កាលណាបណ្តាញអីុនធើណេតបានគ្របដណ្តប់កាន់តែទូលំទូលាយ នោះយើងនឹង អាចចូលរួមជួយដល់សង្គមក៏ដូចជានៅតាមតំបន់ផ្សេងទៀតដែលកំពុងខ្វះខាតអីុនធើណេតប្រើប្រាស់បានកាន់តែច្រើន និងផ្តល់ភាពងាយស្រួលដល់បងប្អូនប្រជាពលរដ្ឋយើងទៀតផង»។
សាធារណជនទាំងអស់អាចចូលរួមបោះនឹងតាមដាននូវលទ្ធផលតាមរយៈ Facebook Page «TODAY ISP»។
សម្រាប់ព័ត៌មានបន្ថែមសូមទំនាក់ទំនងមកកាន់ទូរស័ព្ទលេខ ៖ 023/070215577 ឬតាមរយៈ Facebook Messenger «TODAY ISP» ឬគេហរទំព័រ www.today.com.kh៕ ដោយសហការ
ចែករំលែកព័តមាននេះ