រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា នៅវេលាម៉ោង១២ថ្ងៃត្រង់ ថ្ងៃទី១១ ខែកុម្ភៈ ឆ្នាំ២០១៩នេះកម្លាំងនគរបាលការិយាល័យព្រហ្មទណ្ឌកម្រិតស្រាលនៃស្នងការដ្ឋាននគរបាលរាជធានីភ្នំពេញ បើកការចុះបង្ក្រាបក្រុមចោរប្លន់ប្រដាប់អាវុធមួយក្រុមធំ នៅចំណុចបន្ទប់ផ្ទះជួលមួយកន្លែង ស្ថិតក្នុងសន្សំកុសល សង្កាត់បឹងទំពន់ទី១ ខណ្ឌមានជ័យ ។
សេចក្តីរាយការណ៍បានបន្តថា ប្រតិបត្តិការចុះបង្ក្រាបនេះធ្វើឡើងដឹកនាំដោយលោក ប៊ុន សត្យា ប្រធានការិយាល័យព្រហ្មទណ្ឌកម្រិតស្រាលក្រុងភ្នំពេញដោយបានឃាត់ខ្លួនជនសង្ស័យជាច្រើននាក់ និងដកហូតអាវុធខ្លីមួយដើមផងដែរ ។
ប្រភពអោយដឹងថា ក្រុមចោរប្លន់ប្រដាប់អាវុធខាងលើ គឺជាក្រុមចោរចេញប្លន់យ៉ាងសកម្មក្នុងភូមិសាស្ត្ររាជធានីភ្នំពេញមួយរយៈក្រោយមកនេះ ។ យ៉ាងណាមិញជុំវិញព័ត៌មានលម្អិតនៃដំណើរបង្ក្រាបក្រុមចោរប្លន់ខាងលើនេះ គឺពុំមានប្រភពណាបង្ហើបអោយដឹងពីដំណើរការបង្ក្រាបឡើយពោល គឺកម្លាំងនគរបាលជំនាញកំពុងបន្តនីតិវិធីតាមជំនាញរបស់ខ្លួន ៕
ចែករំលែកព័តមាននេះ