ទីផ្សារផលិតផលធ្វើពីទឹកដោះគោ និងស៊ុតវៀតណាមត្រូវប៉ាន់ខ្លាំង
ប្រទេសវៀតណាម ៖ យោងតាមរបាយការណ៍មួយរបស់ក្រុមហ៊ុន Rong Viet Securities Company (VDSC) ដែលត្រូវបានផ្សាយឡើងដោយភ្នាក់ងារសារព័ត៌មាន Viet…
ប្រទេសវៀតណាម ៖ យោងតាមរបាយការណ៍មួយរបស់ក្រុមហ៊ុន Rong Viet Securities Company (VDSC) ដែលត្រូវបានផ្សាយឡើងដោយភ្នាក់ងារសារព័ត៌មាន Viet…
ប្រទេសវៀតណាម ៖ យោងតាមរបាយការណ៍មួយរបស់ក្រុមហ៊ុន Rong Viet Securities Company (VDSC) ដែលត្រូវបានផ្សាយឡើងដោយភ្នាក់ងារសារព័ត៌មាន Viet Nam News បានឲ្យដឹងកាលពីថ្ងៃចន្ទ កន្លងមកថា វិស័យផលិតផលធ្វើពីទឹកដោះគោ និងស៊ុតរបស់វៀតណាមនឹងជួបការកួតប្រជែងយ៉ាងខ្លាំងក្នុងឆ្នាំនេះ ព្រោះតែកិច្ចព្រមព្រៀងស៊ីជម្រៅ និងដំណើរការទៅមុខនៃភាពដៃគូពាណិជ្ជកម្មឆ្លងសមុទ្រប៉ាស៊ីហ្វិក (CPTPP) ។
VDSC គិតថា យីហោផលិតផលទាំងនេះរបស់វៀតណាមនឹងជួបការប្រកួតប្រជែងយ៉ាងខ្លាំងពីយីហោបរទេសព្រោះពេលដែលកិច្ចព្រមព្រៀង CPTPP ចូលជាធរមានក្នុងប្រទេសវៀតណាមនៅថ្ងៃទី១៤ ខែមករា ពន្ធនាំចូលផលិតផលទាំងនេះពីនូវែលសេឡង់ សិង្ហបុរី និងជប៉ុន នឹងត្រូវបានលុបបំបាត់ទាំងស្រុង ធ្វើឲ្យផលិតផលបរទេសមានភាពប្រកួតប្រជែងជាង ។
លើសពីនេះទៅទៀត អតិថិជនក្នុងស្រុកមានការព្រួយបារម្ភពីសុខភាព និងបានយល់ដឹងកាន់តែច្រើនឡើងពីផលិតផលមានជីវជាតិ ដូច្នេះពួកគេក៏ចាប់ផ្តើមមានស្តង់ដារកាន់តែខ្ពស់ដែរដែលធ្វើឲ្យពួកគេជ្រើសរើសផលិតផលដែលមានគុណភាពខ្ពស់ៗដូចជាទឹកដោះគោជាដើម ។ ប៉ុន្តែផលិតផលទាំងនេះស្មើមួយផ្នែកតូចនៃការផ្គត់ផ្គង់ទឹកដោះគោសរុបក្នុងប្រទេសប៉ុណ្ណោះ ។
គេហទំព័រ ndh.vn បានឲ្យដឹងថារបាយការណ៍របស់ VDSC បាននិយាយទៀតថា ក្រុមហ៊ុនវៀតណាមត្រូវការរយៈពេលយូរទៀតដើម្បីអាចផ្លាស់ប្តូររចនាសម្ព័ន្ធដើម្បីសម្របតាមតម្រូវការទីផកសារ ។ ប៉ុន្តែតម្រូវការសម្រាប់ពេលអនាគតនៅតែមានភាពវិជ្ជមានដដែល ហើយកត្តាផ្សេងៗទៀតដូចជាកំណើនប្រជាជនវ័យក្មេង និងកំណើនប្រាក់ចំណូលប្រជាជនថ្នាក់កណ្តាលនឹងបង្កើនតម្រូវការទឹកដោះគោក្នុងរយៈពេលវែង ។
ដើម្បីជួបជាមួយនឹងតម្រូវការនាពេលអនាគត ក្រុមហ៊ុនវៀតណាមបានពង្រីកសិដ្ឋានរបស់ពួកគេដើម្បីបង្កើនការផ្គត់ផ្គង់ ប៉ុន្តែយោងទៅតាមរបាយការណ៍ខាងលើបានឲ្យដឹងថាក្រុមហ៊ុនមកពីនូវែលសេឡង់ សិង្ហបុរី ម៉ាឡេស៊ី និងជប៉ុនក៏ចង់ចូលក្នុងទីផ្សារទឹកដោះគោវៀតណាមដែរ ។ ក្រោមកិច្ចព្រមព្រៀង CPTPP ប្រទេសជប៉ុននឹងអាចចូលក្នុងទីផ្សារវៀតណាមបានកាន់តែងាយស្រួលទៀតក្នុងរយៈពេលប៉ុន្មានឆ្នាំខាងមុខនេះ ៕
ចែករំលែកព័តមាននេះ