អ្នកនិពន្ធ៖ ប្រេ វីន មនុស្សភេទទីបីដែលមានរហស្សនាមថា «ចំប៉ីខ្មៅ» បានធ្វើអោយមានការភ្ញាក់ផ្អើលខ្លាំងកក្រើកបណ្តាញ សង្គម និងធ្វើឱ្យមានចំណាត់ការផ្នែកច្បាប់ប្រឆាំងនឹងរូបគាត់ ដោយសារតែវីដេអូដែលបានចុះផ្សាយត្រូវបានគេយល់ថា មានការប្រមាថហួសហេតុដល់ពូជសាសន៍ខ្មែរ…
អ្នកនិពន្ធ៖ ប្រេ វីន
មនុស្សភេទទីបីដែលមានរហស្សនាមថា «ចំប៉ីខ្មៅ» បានធ្វើអោយមានការភ្ញាក់ផ្អើលខ្លាំងកក្រើកបណ្តាញ សង្គម និងធ្វើឱ្យមានចំណាត់ការផ្នែកច្បាប់ប្រឆាំងនឹងរូបគាត់ ដោយសារតែវីដេអូដែលបានចុះផ្សាយត្រូវបានគេយល់ថា មានការប្រមាថហួសហេតុដល់ពូជសាសន៍ខ្មែរ ។
ដោយសារតែវីដេអូនោះ ចំប៉ីខ្មៅត្រូវបានចាប់ខ្លួនកាលពីថ្ងៃទី៥ មករា ក្រោមការចោទប្រកាន់អំពីការញុះញង់នាំអោយមានការរើសអើង ។ បើសិនជាគាត់ត្រូវបានតុលាការរកឃើញថា មានទោសនោះ គាត់អាច ជាប់ពន្ធនាគាររយ:ពេលពីមួយឆ្នាំដល់បីឆ្នាំ ។
ចំប៉ីខ្មៅបានចុះផ្សាយវីដេអូនោះ ពីព្រោះតែកំហឹងដែលគាត់មានចំពោះមនុស្សបីនាក់ផ្សេងទៀត ដែលបានខោកក្បាលរបស់គាត់ ។ ចំប៉ីខ្មៅដែលក្តៅចិត្តខ្លាំងក៏ថតវីដេអូនៅមុខព្រះបរមរាជវាំង ដៀលដល់មនុស្សទាំងបីនាក់នោះ ហើយធ្ងន់ធ្ងរជាងនេះ គឺគាត់បានជ្រុលរហូតដល់ប្រមាថពូជសាសន៍ខ្មែរទាំងមូល ដែលធ្វើអោយមនុស្សម្ នានៅក្នុងបណ្តាញសង្គមមានប្រតិកម្មខ្លាំង ហើយរដ្ឋាភិបាលទ្រាំមិនបានក៏ចាត់ការគាត់តាមផ្លូវច្បាស់ ។
តាមដំណើររឿងនេះ ចំប៉ីខ្មៅប្រហែលជានឹងមិនមានវាសនាបែបនេះឡើយ បើសិនគាត់មិនត្រូវបាន គេខោកក្បាល ហើយគាត់ផ្ទុះចេញជាកំហឹងហួសហេតុនៅលើបណ្តាញសង្គម ។
ខណ:ដែលរឿងរ៉ាវចំប៉ីខ្មៅនឹងត្រូវទុកអោយតុលាការសម្រេចជោគវាសនារបស់គាត់នោះ វាជា ហេតុការណ៍មួយ ដែលមានតម្លៃនឹងយកមកវិភាគអំពីសេរីភាពនៃការបញ្ចេញមតិតាមបណ្តាញសង្គម ផលប្រយោជន៍ ផលប៉ះពាល់ឬបញ្ហា ដែលចេញពីការប្រើប្រាស់ បណ្តាញសង្គម និងអ្វីដែលអ្នកប្រើប្រាស់ បណ្តាញសង្គមពិសេសហ្វេសប៊ុក ត្រូវយល់ដឹងដើម្បីចៀសវាងពីបញ្ហា ដែលកើតចេញពីការប្រើប្រាស់ បណ្តាញសង្គម នេះដូចជាអ្វីដែលកើតមានចំពោះបុរសភេទទីបីគឺចំប៉ីខ្មៅ ។
ហ្វេសប៊ុក គឺជាបណ្តាញសង្គមដ៏ពេញនិយមជាងគេ ហើយមានឥទ្ធិពលនៅក្នុងនយោបាយ និងសង្គមខ្មែរដោយសារតែប្រជាជនខ្មែរពេញវ័យយ៉ាងច្រើនលើសលុបប្រើប្រាស់បណ្តាញមួយនេះ ។ ដូច្នេះ ហ្វេសប៊ុក ក៏ក្លាយជាច្រកដ៏សំខាន់មួយ ដើម្បីការបញ្ចេញមតិនិងដំណើរការលទ្ធិប្រជាធិបតេយ្យនៅកម្ពុជា ។
ហ្វេសប៊ុកអាចធ្វើអោយមនុស្សគ្រប់គ្នា មានអំណាចប្រៀបដូចជាអ្នកសារព័ត៌មានមួយរូប តាមរយ:សំណេរ រូបភាព និងវីដេអូ ដែលបានបង្កើតនិងដាក់ផ្សាយតាមហ្វេសប៊ុក ។ អ្នកខ្លះបានប្រើប្រាស់វា ដើម្បីបញ្ចេញមតិរបស់ខ្លួន អំពីបញ្ហាសង្គម និងធ្វើការស្នើយោបល់ដល់នាយករដ្ឋមន្ត្រី និងរដ្ឋាភិបាលដើម្បីអោយជួយ ដោះស្រាយបញ្ហារបស់ពួកគេផ្ទាល់ បញ្ហានៅមូលដ្ឋានរបស់ពួកគេក៏ដូចជាបញ្ហាដែល កំពុងញាំញី សង្គមទាំងមូល។ អ្នកខ្លះទៀតក៏បានប្រើប្រាស់វាដើម្បីកសាងបណ្តាញ ទំនាក់ទំនងរបស់ខ្លួន អោយ កាន់តែទូលំទូលាយដើម្បីជាប្រយោជន៍មិត្តភាព ការងារនិងមុខជំនួញរបស់ពួកគេ ។
ដើម្បីជាប្រយោជន៍នោះ អ្នកប្រើប្រាស់ហ្វេសប៊ុកទាំងអស់គប្បីប្រើប្រាស់វានៅក្នុង គោលដៅជាប្រយោជន៍ ដូចដែលបានរៀបរាប់ខាងលើនេះ ។ ប៉ុន្តែអ្វីដែលប្រជាជនខ្មែរឬអ្នកប្រើប្រាស់ហ្វេសប៊ុកត្រូវយល់ដឹងនោះ សេរីភាពត្រូវបានចងភ្ជាប់ជាមួយនឹងច្បាប់ និងគោលការណ៍ក្រមសីលធម៌មួយចំនួនដែលមានតម្លៃជាសាកល។ ការយល់ដឹងអំពីច្បាប់និង េគាលការណ៍សីលធម៌ទាំងនោះនឹងធ្វើអោយមនុស្សគ្រប់គ្នាប្រើប្រាស់ហ្វេសប៊ុកយ៉ាងមានប្រយោជន៍សម្រាប់ខ្លួនឯងនិងសង្គមជាតិទាំងមូលហើយរួចផុតពីទុក្ខ
ភ័យ។
ចេញពីគោលការណ៍ច្បាប់នៃប្រទេសកម្ពុជា អ្នកប្រើប្រាស់ហ្វេសប៊ុកត្រូវយល់ថា ពួកគេមានការទទួូល ខុសត្រូវចំពោះមុខច្បាប់ ចំពោះការផ្សព្វផ្សាយទាំងឡាយណា ដែលអាចនាំអោយប៉ះពាល់ដល់ព្រះមហាក្សនិងប៉ះពាល់ដល់សន្តិសុខសង្គម។ ច្បាប់ក៏បានហាមឃាត់ផងដែរចំពោះរាល់ការផ្សព្វផ្សាយដែលនាំ អោយមានអំពើហិង្សាជម្លោះឬការរើសអើងពូជសាសន៍និងសាសនា។ ដូច្នេះ វាចាំបាច់ណាស់ ដែលអ្នក ប្រើប្រាស់ហ្វេសប៊ុកត្រូវប្រាកដក្នុងខ្លួនថាសំណេរ រូបថតឬវីដេអូដែលពួកគេដាក់ផ្សាយ នៅក្នុងហ្វេសប៊ុក ត្រូវចៀសវាងការបង្កជាបញ្ហាដូចបានរៀបរាប់នេះដើម្បីចៀសវាងទំនាស់ផ្នែកច្បាប់ដែលអាចមានជាការផាកពិន័យជាលុយកាក់និងការផ្តន្ទាទោសជាប់ពន្ឋនាគារ។
ចំប៉ីខ្មៅប្រហែលជានឹងមិនធ្វើការផ្សព្វផ្សាយវីដេអូរបស់គាត់ដែលត្រូវគេយល់ថាមានខ្លឹមសារប្រមាថដល់ប្រជាជនខ្មែរទាំងអស់់ឡើយ បើសិនជាគាត់បានយល់ដឹងផ្នែកច្បាប់ដែលបានរៀបរាប់ខាងលើ។ នៅពេល ដែលចំប៉ីខ្មៅស្ថិតក្រោមការឃុំខ្លួនរង់ចាំការជំនុំជម្រះក្តី ហេតការណ៍កើត មានចំពោះចំប៉ីខ្មៅ នេះប្រាប់ អោយយើងគ្រប់គ្នាប្រុងប្រយ័ត្នជាងមុននៅក្នុងការបញ្ចេញមតិតាមហ្វេសប៊ុកនិងបណ្តាញសង្គមនានាដើម្បីចៀសវាងបញ្ហាដែលកើតមានដូចចំប៉ីខ្មៅនិងបញ្ហាសម្រាប់សង្គមជាតិផងដែរ។
ក្រៅពីនេះទៀត អ្នកប្រើប្រាស់ហ្វេសប៊ុកទាំងអស់ក៏មិនត្រូវផ្សព្វផ្សាយ អ្វីដែលនាំអោយប៉ះពាល់សិទ្ឋិ ឯកជន សេចក្តីថ្លៃថ្នូរនិងកិត្តិយសរបស់បុគ្គលផ្សេងឡើយ។ សំខាន់ដូចគ្នានេះ រាល់សំណេរ រូបភាព និង វីដេអូដែលប្រឡាក់ដោយឈាមយ៉ាងសាហាវហួសហេតុ (ដូចជារូបភាពជនរង គ្រោះស្រោចស្រព ដោយ ឈាមដែលបណ្តាលមកពីគ្រោះថ្នាក់តាមដងផ្លូវ) ឬក៏សំណេរ រូបភាព និង វីដេអូដែលអាសអាភាស ក៏មិន ត្រូវធ្វើការផ្សព្វផ្សាយតាមបណ្តាញសង្គមក៏ដូចជាសារព័ត៌មានផងដែរ។
ការយល់ដឹងអំពីអ្វីដែលគួរធ្វើនិងអ្វីមិនគួរធ្វើនៅលើបណ្តាញសង្គមពិសេសហ្វេសប៊ុកនឹងធ្វើអោយអ្នកប្រើប្រាស់ទាំងអស់កាន់តែប្រើប្រាស់ហ្វេសប៊ុកកាន់តែមានប្រយោជន៍ហើយចៀសវាងការប្រើប្រាស់ខុសនៃសេរីភាពរបស់ខ្លួនដែលនាំដល់ទុក្ខទោសសម្រាប់ខ្លួន៕
ចែករំលែកព័តមាននេះ