ម្តាយ Ronaldo ត្រូវប្រឈមគ្រោះថ្នាក់ម្តងទៀត ដើម្បីមានជីវិតនៅជាមួយកូនបន្ត
តាមប្រភពព័ត៌មាន Daily Mail បានឱ្យដឹងថា ម្តាយរបស់កីឡាករជើងខ្លាំង Cristiano Ronaldo បានបង្ហើបពីជីវិតមានផ្ទុកជម្ងឺមហារីកសុដន់ ដល់មហាជនឱ្យបានដឹង ។…
តាមប្រភពព័ត៌មាន Daily Mail បានឱ្យដឹងថា ម្តាយរបស់កីឡាករជើងខ្លាំង Cristiano Ronaldo បានបង្ហើបពីជីវិតមានផ្ទុកជម្ងឺមហារីកសុដន់ ដល់មហាជនឱ្យបានដឹង ។…
តាមប្រភពព័ត៌មាន Daily Mail បានឱ្យដឹងថា ម្តាយរបស់កីឡាករជើងខ្លាំង Cristiano Ronaldo បានបង្ហើបពីជីវិតមានផ្ទុកជម្ងឺមហារីកសុដន់ ដល់មហាជនឱ្យបានដឹង ។ គាត់រកឃើញថា មានជម្ងឺនេះ តាំងពីឆ្នាំ២០០៧ ។ វាមានរយៈពេលលើសពី១០ឆ្នាំទៅហើយ ដែលគាត់បានបន្តរស់ទៅមុខជានិច្ច ។
ស្ត្រីមានកូន៤នាក់ Dolores Aveiro អាយុ៦៤ឆ្នាំ ដែលជាម្តាយរបស់ Ronaldo ត្រូវធ្វើការវះកាត់ម្តងទៀតនាពេលថ្មីៗនេះ ជាមួយនឹងការបាញ់កាំរស្មី ។
គាត់និយាយថា ៖ «ខ្ញុំមានជំនឿទុកចិត្តលើកូនប្រុសរបស់ខ្ញុំ នៅពេលមានរឿងនេះកើតឡើង ។ ខ្ញុំបានធ្វើការវះកាត់ម្តងទៀតនៅ Madrid ។ ខ្ញុំក៏បានធ្វើការបាញ់កាំរស្មីហើយដែរ ។ នាពេលនេះ ខ្ញុំកំពុងតែព្យាយាមធ្វើយ៉ាងណាដើម្បីបន្តជីវិតទៀត» ។ នេះគឺជាពាក្យដែលគាត់បានប្រាប់នៅលើប៉ុស្តិ៍ទូរទស្សន៍ព័រទុយហ្កាល់កាលពីថ្ងៃព្រហស្បត្តិ៍ ។
កាលពីឆ្នាំ២០០៧ ម្តាយរបស់ Ronaldo បានធ្វើការវះកាត់យកដុំមហារីកចេញពីសុដន់ខាងស្តាំ ។ ក្រោយមកក៏ធ្វើការបាញ់កាំរស្មី និងបន្តលេបថ្នាំមហារីករហូតមក ។ ទើបតែពេលថ្មីៗនេះ គាត់ក៏ធ្វើការវះកាត់ម្តងទៀត ។
គួរបញ្ជាក់ផងដែរថា កាលពីឆ្នាំ២០០៩ កីឡាករជើងខ្លាំង Ronaldo បានបរិច្ចាគប្រាក់ចំនួន ១សែនផោនជួយដល់មជ្ឈមណ្ឌលមហារីកនៅក្នុងមន្ទីរពេទ្យ ដែលព្យាបាលសុដន់ដល់ម្តាយរបស់ខ្លួន ៕
ចែករំលែកព័តមាននេះ