រាជធានីភ្នំពេញ ៖ បន្ទាប់ពីមានការសង្ស័យប្រធានសហគមន៍ជ័យលាភីបញ្ញាជនកម្ពុជាបានប្តឹងមេបញ្ជាការកងរាជអាវុធហត្ថខេត្តរនតគិរីទៅអង្គភាពប្រឆាំងអំពើពុករលួយស៊ើបអង្កេតពាក់ព័ន្ធនឹងទ្រព្យសម្បត្តិមិនប្រក្រតី ។
ការប្តឹងមេបញ្ជាការកងរាជអាវុធហត្ថនេះស្របពេលដែលព្រះមហាហាក្សត្របានសម្រេចលុបឈ្មោះលោក គឹម រស្មី អគ្គលេខ០១៧៨៩៣ នាយទាហានថ្នាក់ឧត្តមសេនីយ៍នៃកងយោធពលខេមភូមិន្ទ ចេញពីក្របខណ្ឌនៃកងយោធពលខេមរភូមិ (មេបញ្ជាការកងរាជអាវុធហត្ថខេត្តរតនគិរី) ។
យោងតាមពាក្យបណ្តឹងរបស់លោក រស់ សារ៉ុម ប្រធានសហគមន៍ជ័យលាភី បញ្ជាជនកម្ពុជាប្តឹងទៅលោក ឱម យ៉ិនទៀង ប្រធានអង្គភាពប្រឆាំងអំពើពុករលួយបានប្តឹងឈ្មោះ គឹម រស្មី អតីតមេបញ្ជាការកងរាជអាវុធហត្ថខេត្តរតនគិរីពីបទមានទ្រព្យសម្បត្តិដោយខុសច្បាប់ តាមមាត្រា៣៦ និងពីបទទទួលផល បទល្មើសពុករលួយ តាមមាត្រា៣៧នៃច្បាប់ស្តីពីការប្រឆាំងអំពើពុករលួយប្រព្រឹត្តិនៅខេត្តរតនគិរី ។
លោក រស់ សារ៉ុម បានលើកឡើងថា សមាគមបានឃ្លាំងមើលយ៉ាងដិតដល់ចំពោះខ្សែអាត់វិឌីអូបែកធ្លាយ និងសកម្មភាពមិនប្រក្រតីជាច្រើនទៀតរបស់លោក គឹម រស្មី សហគមន៍យល់ឃើញថា លោក គឹម រស្មី គឺជាមេឈ្មួញរកស៊ីឈើខុសច្បាប់យកឈ្មោះ និងតួនាទី និងបុណ្យស័ក្តិ ដើម្បីកេងប្រវ័ញទ្រព្រសម្បត្តិជាតិ ជាពិសេសនៅពីក្រោយខ្នងនៃការកាប់បំផ្លាញព្រៃឈើក្នុងខេត្តរតនគិរីនាំចេញទៅប្រទេសវៀតណាមបម្រើផលប្រយោជន៍ផ្ទាល់ខ្លួន ។
លោករស់ សារ៉ុម បានលើកឡើងទៀតថា សម្រាប់មុខរបដាំចំការកៅស៊ូ និងចំការម្រេចដែលកូនលោក (គឹម រស្មី) ធ្លាប់អះអាងថា បានផលតិចតួច គឺគ្រាន់តែដើម្បីលាងលុយកខ្វក់ដែលពីសកម្មភាពខុសច្បាប់របស់ខ្លួនតែប៉ុណ្ណោះ ជាក់ស្តែងដូចខ្សែអាត់វីឌីអូបែកធ្លាយក្នុងពិធីខួបកំណើតលោក គឹម រស្មី ហ៊ានផ្តល់កាដូដល់កូន៥នាក់ជាងកន្លះលានដុល្លារ ខណៈប្រាក់ខែបៀរវត្សន៍ដែលរដ្ឋផ្តល់ជូនគាត់មានមិនដល់២លានរៀលផងក្នុងមួយខែ ។
សូមជម្រាបថា ការស្នើថ្វាយព្រះមហាក្សត្រ ដើម្បីលុបឈ្មោះលោក គឹម រស្មី ចេញពីក្របខណ្ឌកងយោធពលខេមរភូមិន្ទពីសំណាក់សម្ដេចតេជោ ហ៊ុន សែន បានធ្វើឡើងបន្ទាប់ពីយប់ថ្ងៃទី០៥ ខែកុម្ភៈ ឆ្នាំ២០១៩កន្លង លោក គឹម រស្មី នៅក្នុងពិធីខួបកំណើតបានប្រកាសនៅលើវេទិកា ចែកប្រាក់ដល់កូនៗចំនួន៥នាក់រូប ដោយម្នាក់ៗទទួលបាន១០ម៉ឺនដុល្លារសរុប៥០ម៉ឺនដុល្លារ ៕
ចែករំលែកព័តមាននេះ